鳥棲日本料理

營業中

休息中

工廠區入邊都有好多隱世美食，今次就嚟到呢間隱世嘅高質日本料理，有傳統和食又有揚物串燒鍋物一品料理，種類非常多▫️魷魚圈 $58炸得好香脆，又唔會太油，入邊個魷魚好足料同嫩口▫️芝士明太子蛋卷 $42個蛋捲煎得好嫩滑，配埋鹹香嘅明太子同邪惡嘅芝士，一舊已經好滿足▫️鹽燒牛舌 $38牛舌好厚身，食落口感好有咬口，入邊有好嫩滑▫️燒羊架 $58羊架即叫即燒入口熱辣辣，而且用炭火燒香，油脂啱啱咇出嚟，好嫩口，推介之選▫️松葉蟹甲羅燒 $148甲羅燒次次都會想叫😍入邊有超多蟹肉同蟹膏，上面會有蟹子，食落會脆口，仲配有鵪鶉蛋黃，記得要撈埋，食落會更滑，會跟2塊蒜蓉多士放上去比你一齊食，夾埋中和返啲鹹味，又食到蟹蟹肉同蟹膏嘅鮮味，口感豐富▫️清酒煮蜆 $88一嚟到已經聞到好大陣清酒味，飲個湯底好香酒味但好易入口，應該將酒精都揮發咗，加埋鰹魚湯好好飲，個蜆好好鮮甜同冇沙▫️富士山特飲 $35/杯嚟到梗係叫打卡必備嘅富士山特飲，其實就係雪糕梳打，飲落好解渴，加埋雪糕好creamy鳥棲日本料理📌觀塘開源道60號駱駝漆大廈第三座5樓S室🍳🍴味道: 8.5/10👩👨服務: 8/10🏠💺環境: 8.5/10💰💸抵食: 8.5

店鋪位於觀塘飯堂駱駝漆大廈，主打各款日式料理，午餐主要提供定食。所有餐椅及梳化都非常軟綿綿，坐得非常舒服!!🤗- 滑蛋鰻魚烏冬定食 HK$82 🥚🐟🍜日式風情補身鰻魚!!鰻魚份量相當大條，魚味濃郁肉質細嫩，充分鰻魚獨有濃郁香氣!!滑蛋熟度恰到好處，半流心蛋液融入日式鰹魚汁，帶有濃郁的蛋香，滿滿幸福感!!底部洋蔥絲吸收了鰹魚汁所有精華，搭配飯或烏冬一起食用都味道一流!!烏冬使用了粗身急凍烏冬，有微微彈性。定食還包含蟹籽沙拉及味增湯，性價比不錯!!- 照燒雞扒飯定食 HK$59 🐣🍚- 咖哩吉列豬扒飯定食 HK$62 🐷🍛- 咖哩牛肉飯定食 HK$66 🐂🍛

人生最差生日飯-thanks to @tosucatering 農曆生日飯走去觀塘工業區食壽喜燒，本想讚呢度性價比高又座位舒服。點知讚得過早，食食下壽喜燒，墊煲塊木板出現小蟑螂🪳我揮手致意店員過來，佢顧著傾計聽唔到，我唯有大聲講有蟑螂🪳佢先快快手過來說：得得得，再煮過俾你。跟住我的下巴、頸、腳就開始敏感，等唔到20分鐘佢個壽喜燒，問店員可否轉其他煮快點的食物，我皮膚過敏想快點走，店員勁為難講，壽喜燒煮緊啦，咁唔通浪費左佢咩？ 不如我幫你轉個位坐啦。跟住又話（可能收到後台指示）：咁你想轉咩呀？你都要同我架。後來換左個定食，我見事情完結，好聲好氣同佢反映，老實說你間店態度好差，出咁大件事一句道歉都沒有。個店員就火來了，大大聲話佢有講唔好意思，唔好屈佢，全場可以作證，閉露電視可以作證。覺得唔好食你咪走囉！本來只是想批評一句，你有無考慮，客人進食中途發現食物有蟑螂🪳係咩感受呀？ 委屈🥹在明明佢間店有錯在先，佢店員仲聲大夾惡過我本受害人。無語😓其他客細細聲講點解我發現蟑螂🪳仲唔走繼續食？我本來真係諗住俾多次機會佢地，息事寧人，但真係食左一肚氣。 你句唔好意思真係唔係大曬囉，日文唔好意思係すみませ

觀塘有為數不少在工業大廈內特色小店，能試好多不同款式，今次經朋友介紹，見網上訂位都幾full，幸好早去店員能安排即時入座，一人一份晚市套餐，每份套餐除左配白飯外，還有沙津、甜品、飲品，點了以下套餐：1. 壽喜燒牛肉鍋定食配橙汁：大量白菜鋪底，上面放滿牛肉及一隻雞蛋，肥牛幾好食，滾住幾好食。2. 泡菜豚肉鍋配熱檸檬茶：同上有大量菜鋪底，放滿豚肉片及泡菜，肉質唔厚口感唔錯。3. 蟹鉗海鮮鍋定食配橙汁：海解有蟹鉗外，還有日式魚蛋及蠔，亦有白菜鋪底，面頭有小棠菜及金菇。沙津菜新鮮好食，而甜品是一粒泡芙，冇什麼特別。服務態度唔錯，上餐速度快，讚讚讚!!!

午市定食套餐有75折，吉列豬扒味道很不錯，牛肉份量很多。鰻魚比較薄，份量累少。套餐有沙律、湯、飲品，呢個價錢，以日本定食來講，絕對抵食，值得再次幫襯。唯一問題是等lift太耐😓

dinner時間去食，全部都係散叫#串燒 都係水準之作，火候啱啱🤤但係叫3串野，要第三次先出得啱我地叫嗰3串，等到有啲嬲#原條鰻魚炒飯 係好食嘅😬！個飯落咗青椒炒幾特別，可惜我係蠟筆小新🙈🙈（anti青椒）#燒牛扒 default係7成熟，又係好食😬本來以為有跟飯，點知冇，唔夠飽😂#雞肉烏冬 最後是為了填肚點的...因為食唔飽🤣詞窮：就係雞有雞味😂，稻亭烏冬滑Overall都係好食，但就唔夠飽肚，不適合地盤工😂

又發現一間觀塘區工廈的高質日式料理。有預約來到就可以直接安排入座。先來個牛舌冷盤，大大粒而且很嫩。牛肉鍋抵食，好多菜，牛肉大塊而且又厚又多，配上生雞蛋，sukiyaki 食法。飽肚之選-雞肉烏冬必點飲品 - 富士山特飲配雲呢拿雪糕，有粒閃燈好得意，打卡必點。仲有好多串燒選擇，試了牛舌，雞軟骨，牛肉，明太子雞翼亦不錯。要早點落單，串燒製作需時。餐廳座位闊落，坐靠牆兩邊的卡位較舒服，唔會俾人偷聽到講秘密🤣。

去左駱駝漆大廈搵嘢食，依家呢度真係靜左好多，但好幸運地搵到呢間，D食物好高質，環境亦好舒服，價錢又便宜，大家想靜靜地傾下計嘆好嘢，不妨試試呢度平時唔食鰻魚嘅我，呢度原條出之餘仲非常好味

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝓌𝓊𝓃 𝒯𝑜𝓃𝑔駱駝漆大廈買野順便搵食有冇人會好似我咁係門口睇左𝘮𝘦𝘯𝘶先入😅見到五樓呢間日式餐廳食物有幾多選擇環境幾靚又有梳化坐咁舒服啱晒行街行到攰去食˚✧₊日式燒飯團 🍙見係餐廳推薦所以試下真係有驚喜飯團混有櫻花蝦、紫菜、木魚加上燒過有少少飯焦暖暖地又好香口🤤˚✧₊五花腩串燒 🍡半肥瘦、邪惡但好味˚✧₊黑豚荔枝卷荔枝清甜加埋豚肉一齊食好𝘫𝘶𝘪𝘤𝘺好夾˚✧₊鳥棲和牛串燒🐮夠淋夠味 ˚✧₊心太軟真係做到外脆內軟同流心而且朱古力味好濃郁如果鍾意食甜d仲可以加少少忌廉一齊食📍鳥棲日本料理 𝐓𝐨𝐬𝐮觀塘開源道60號駱駝漆大廈第3座5樓S室@tosu_catering

呢間位於觀塘工業大廈嘅日式餐廳，餐牌入邊嘅選擇頗多，除咗有主打嘅燒物，仲有小食、沙律、烏冬、炒飯同多款特式甜品。餐廳訂價亦非常合理，食物質素唔錯，算得上係抵食之選。軟殼蟹沙律（$78）- 分量相當大，軟殼蟹炸得香脆，配搭沙律菜食，味道清新，亦好醒神。味醂魚乾（$38）- 魚乾入口脆香，熱辣辣，點埋沙律醬食，作為餐前小食真係一流。手打免治雞肉棒（$48）- 睇賣相已經夠晒吸引，免治雞肉棒夠晒入味，點埋蛋漿，味道唔錯。牛肉稻庭烏冬（$82）- 牛肉份量都唔少，稻庭烏冬入口夠晒煙靭彈牙，鍾意食烏冬嘅朋友絕對可以一試。日式燒飯團（$48）- 飯團燒得好香，帶少少飯蕉味。入邊仲有炒米、櫻花蝦等，令到質感同味道都好豐富。朱古力心太軟（$38）- 呢個超有驚喜，朱古力味濃郁，切開蛋糕，入邊嘅朱古力醬流晒出嚟。配埋cream一齊食，味道非常夾。朱古力控必食。

駱駝漆大廈真係好多美食！今次又嚟咗呢幢大廈覓食, 試咗呢間日本料理小店～ 平日夜晚大約7pm過嚟唔算太多人, 可以坐梳化位置🛋, 舒服啲～𓌈˒˒ 壽喜牛肉鍋🥩牛肉油脂豐厚, 肉質柔嫩, 而且充滿油脂香！用壽喜燒食法品嘗牛肉, 更能食到牛肉本身嘅鮮嫩同美味, 鹹鹹甜甜的, 滑順又多汁～ 蘸上蛋液後, 入口會多一份滑嫩嘅蛋香感🤤！𓌈˒˒ 鹽燒牛舌牛舌爽彈, 調味唔錯👍🏻！𓌈˒˒ 手打免治雞肉棒 - 雞肉肉質軟嫩, 裡面夾雜著少量雞軟骨, 再沾上日本蛋黃🥚, 增添濕潤感, 口感豐富！𓌈˒˒ 阿波尾雞手羽 - 燒到外皮微脆, 內裡仍能夠鎖住肉汁, 好Juicy

好耐無黎駱駝漆大廈呢邊食野，呢度一向都有好多種類既野食選擇😳今次就黎試吓呢間日式小店😳外面招牌都好吸睛，係一片清新花牆🐮牛舌積呢個係飯前小食，牛舌係厚切，仲有青瓜粒，味道酸酸地，好開胃🥗煙三文魚沙律$62煙三文魚以玫瑰花上碟😳十分吸睛。沙律菜新鮮爽脆👍🏽🍆田樂茄子$52茄子燒完好香，味道相對比較濃厚，但不知不覺就會狂食🫢🐚帆立貝北海燒 $38厚厚芝士🧀️，超邪惡🫢但帆立貝好大粒，啖啖肉，而且彈牙有口感🦀軟殼蟹天婦羅$72薄薄既一層炸皮，好香口，軟殼蟹都幾多肉，沾埋天婦羅汁，好滋味🍝鳥棲豚肉炒麵$82一上枱係熱辣辣，見到都覺得好吸引🤩豚肉既量好多，食極都仲有😳入面坐位都好舒服，因為大家都係坐sofa 😳好適合朋友聚會，因為坐得舒服，環境又輕鬆😌係呢度都比較放鬆心情

放工行完觀塘工廈，去左鳥棲食串燒，餐廳寬敞，坐得好舒服，最岩同同事吹水鹽燒牛舌-$42黎講十分抵食，有三大塊，每塊都好厚切-微微的黑椒調味，唔會搶過牛舌本身的味道呀波尾雞心-用左德島県冇激素呀波尾雞-雞心有5大粒，有口感但絕對不是難咬，有驚喜！呀波尾雞肉-姐十分欣賞的一串，雞肉燒得好香，雞味十足，唔肥的部位但完全唔鞋口！黑豚荔枝卷-加上荔枝獨有的甜，更突出黑豚的濃郁燒菠蘿-厚切，鮮甜燒油甘魚鮫-魚油好香濃，鮫位十分肥美juicy, 師傅火喉控制得好好煙三文魚沙律-煙三文魚好大塊厚肉，用三大塊做成玫瑰花🌹-沙律菜好新鮮脆口，仲加左蟹籽富士山特飲-唔單止打咭一流，仲好清新好飲，解膩一流！

今晚去到駱駝漆真係好靜，好可惜，趁有機會就好好珍惜一下目前所擁有的今晚到左百間日式店食晚飯，裝修顏色配搭好舒服，坐喺梳化上好好享用晚餐前茶牛舌漬微辣的醬汁配上清新嘅青瓜令我都食多左蔬菜牛舌細細粒爽口的1️⃣他他醬魷魚圈鮮烤魷魚圈，不油膩且香脆，與他他醬配搭得宜2️⃣鹽燒牛舌彈牙的，大小厚薄適中，想再order😋3️⃣燒雞皮餃子厚厚嘅雞皮包著非常滿嘅餃子餡，口感好豐富4️⃣滑蛋黑毛磅扒飯醬汁味道不濃，配上嫩嫩嘅豬扒，一面脆，一面淋，岩晒唔想食太脆口好似好熱氣嘅人口味，配上一碗白飯，對於二人嚟講都好滿足5️⃣巨峰富士山好驚喜，好靚，巨峰味好味唔太假，配上滑滑嘅雪糕，真係唔捨得飲6️⃣芝士蛋糕細細件，唔膩，為完美一餐畫上句號

鳥棲日本料理 (觀塘)觀塘開源道60號駱駝漆大廈第3座5樓S室。駱駝漆呢排都有d小風波，其實講到尾都係土地供應問題，希望政府係改善問題而唔係一刀切當搞掂 😔。放工走左上去八下仲有無食肆開緊，見到鳥棲仲係正常營業 😯 當然要支持支持。滑蛋黑毛豬扒飯（$82）、牛肉稻庭烏冬（$82）當茶仔都賣緊$7、80一個客飯，呢個價錢食到日本野都真睇抵食 👍🏻。燒雞皮餃子（$58）、阿波尾雞肉（$28）、鳥棲和牛（$38）唔好睇小呢度係工廈餐廳，串燒同小食都有好多選擇，味道比得上各大居酒屋，特別推介燒雞皮餃子🥟，雞皮燒到脆脆，高質之選 。衷心希望香港各小店都可以撐得住，要加油呀～ 🙌🏻