影片
更多
2022-03-05
310 瀏覽
唔知大家喺香港鍾唔鍾意食Omakase？我成日覺得要食到好食嘅Omakase，一定要喺日本，因為香港點好食都唔夠日本食材新鮮，但經過今次之後，我覺得Omakase除咗係美食嘅盛宴，仲係對每一道菜更加認識、令你更加愛上嘅過程。Susoshu係一間尖沙咀新派日本菜餐廳，餐廳名全名係「寿司を食って、蕎麦で〆る。日本酒もある、長い名前のレストラン。」，其實係三個字既縮寫，分別係Sushi 、Soba、Shu，意思係食完壽司之後以蕎麥麵作結，仲有日本酒提供，所以餐廳係主打壽司、蕎麥麵同日本酒，令客人可以享受到日本居酒屋嘅地道美食。餐廳有唔小食材由日本直送，好似和牛用上日本直送熊本A4和牛，菜式方面加入左創意元素，加上日本正宗嘅烹調細緻，加上夠多元化，好似有特色席前煙燻和牛、海天一色嘅寒天甜品。品嚐美食嘅同時，自己好似置身係日本咁，不知不覺渡過三個鐘時光。餐廳裝修以木系為主，座位唔算多，大概可以容納到20個人，除咗座位，最吸睛一定係擺滿左唔同日本酒嘅酒櫃。如果係食omakase，建議一定要book吧枱位，因為咁樣先可以同廚師交流，可以近距離睇住師傅製作。師傅好細心講解每道菜嘅特色同埋來源。-🍣 献
Susoshu係一間尖沙咀新派日本菜餐廳，餐廳名全名係「寿司を食って、蕎麦で〆る。日本酒もある、長い名前のレストラン。」，其實係三個字既縮寫，分別係Sushi 、Soba、Shu，意思係食完壽司之後以蕎麥麵作結，仲有日本酒提供，所以餐廳係主打壽司、蕎麥麵同日本酒，令客人可以享受到日本居酒屋嘅地道美食。
餐廳有唔小食材由日本直送，好似和牛用上日本直送熊本A4和牛，菜式方面加入左創意元素，加上日本正宗嘅烹調細緻，加上夠多元化，好似有特色席前煙燻和牛、海天一色嘅寒天甜品。品嚐美食嘅同時，自己好似置身係日本咁，不知不覺渡過三個鐘時光。
餐廳裝修以木系為主，座位唔算多，大概可以容納到20個人，除咗座位，最吸睛一定係擺滿左唔同日本酒嘅酒櫃。如果係食omakase，建議一定要book吧枱位，因為咁樣先可以同廚師交流，可以近距離睇住師傅製作。師傅好細心講解每道菜嘅特色同埋來源。
-
🍣 献立 💰1480（👅: 9/10）
呢個係餐廳嘅晚市Omakase套餐，以海鮮為主題，每三個月就會轉一次Menu，而呢一個set咁啱就係11月中開始，所以可以見到當造嘅白子，而且仲有餐廳最受歡迎嘅菜式，好似究極海膽、特製和王A4和牛壽喜燒、青森縣大間中拖羅、招牌蕎麥麵等一共十一款。
-
1️⃣ 海老他他脆筒（👅: 8/10）
海老他他脆筒
6 瀏覽
1 讚好
0 留言
紫菜有用火槍燒過，所以咬落去非常脆身，連同非常酥脆嘅炸蝦頭 內餡食落無論味道定係口感上都非常豐富，芝士嘅味道特別突出，係幾特別嘅配搭，作為前菜幾開胃。
-
2️⃣ 白子天婦羅（👅: 8.5/10）
白子天婦羅
5 瀏覽
1 讚好
0 留言
11月絕對係白子嘅季節，香港人可能未必知，白子其實係魚既睪丸，係日本係好常見嘅前菜小食，而且食落去有好豐富嘅蛋白質，仲可以美顏。平時食白子都係酸汁白子子刺身多，呢度除咗刺身仲可以揀天婦羅，所以就揀咗未試過嘅後者。
呢度白子都係最常見嘅鱈魚白子，白子嘅外層炸衣夠輕薄，咬落去入邊非常creamy，入口夠滑，好似食緊豆腐，夠肥美，食落完全冇腥味，因為冇刺身嘅酸汁所以冇咁開胃，但比起平時食嘅刺身更加香口，上面仲有啲蔥花同蘿蔔蓉中和一下油膩感，對於未能接受白子本身嘅口感可能會更易接受。
-
3️⃣ 呼子魷魚燒賣（👅: 8.5/10）
呼子魷魚燒賣
9 瀏覽
1 讚好
0 留言
魷魚咬落非常軟滑，夠彈牙，帶小小膠質，食落鮮甜，而黑毛豚肉比起魷魚更彈牙，食落豬味濃郁，比起平時嘅港式燒賣更有驚喜。
-
🍣 時令壽司四貫
壽司飯用上日本越光米，入口係有彈性帶軟黏，軟硬適中，食落有米香，再加左小小赤醋，突出魚肉既甘甜，唔會太有醋酸味。
-
🍣 愛媛縣蜜柑獅魚（👅: 8.5/10）
愛媛縣蜜柑獅魚
8 瀏覽
1 讚好
0 留言
獅魚即係未成長既油甘魚，咬落去魚夠爽身，小小似食緊池魚，因為加左蜜柑所以多左小小甜味。
-
🍣 北海道秋刀魚（👅: 8.5/10）
北海道秋刀魚
8 瀏覽
1 讚好
0 留言
-
🍣 青森縣大間中拖羅（👅: 9/10）
青森縣大間中拖羅
12 瀏覽
1 讚好
0 留言
呢度嘅中拖羅做法同平時有啲唔同，用左鐵板燒既概念，首先會用火槍燒一燒鐵板，再用燒熱左既鐵板焫過拖羅嘅表面，令到佢多左一層焦香。拖羅係熟成左兩星期既吞拿魚，非常厚身，夠肥美，入口細嫩無筋，食落去除咗食到拖羅嘅脂肪，仲食到炙燒過嘅焦香，令到魚味更加突出。
-
🍣 火炙右口魚邊（👅: 9/10）
火炙右口魚邊
9 瀏覽
1 讚好
0 留言
-
4️⃣⃣ 鮟鱇魚肝（👅: 8/10）
鮟鱇魚肝
5 瀏覽
1 讚好
0 留言
-
5️⃣ 究極海膽（👅: 9/10）
究極海膽
6 瀏覽
1 讚好
0 留言
本身我對海膽唔係有好大好感，因為喺香港平時食到嘅，好多一係鮮味海膽味唔重，一係有腥味，但呢個海膽真係入口即溶，口感幼滑，夠creamy夠濕潤，每一舊都好肥美夠晒飽滿，綿密不斷，留喺口腔嘅係海膽嘅鮮甜味，少少苦澀味都冇，濃郁可口，令人回味再三，另外即刻食仲食到紫菜嘅香脆，絕對係外脆內軟，係我香港食過最好食嘅海膽，食完會令我對海膽改觀，而且想搵香港好食嘅海膽。
-
6️⃣ 松葉蟹甲羅燒（👅: 9/10）
松葉蟹甲羅燒
7 瀏覽
1 讚好
0 留言
秋冬季要食嘅一定係甲羅燒，入邊有松葉蟹肉、蟹膏、鵪鶉蛋、味噌、蔥，啲面會係你面前用一個小火爐燒，幫你攪勻，喺隔離聞到香味不斷湧出。
松葉蟹甲羅燒
7 瀏覽
1 讚好
0 留言
-
7️⃣ 時令醋物（👅: 8/10）
時令醋物
8 瀏覽
1 讚好
0 留言
食完咁重味嘅甲羅燒，餐廳俾咗一個時令醋物去清一清口腔，係一個用玻璃試管裝住既柚子醋啫喱，質地偏水狀，食落去酸酸甜甜，夠開胃，清新完味蕾，準備迎接下一個重口味菜式。
-
8️⃣ 特製和王和牛壽喜燒（👅: 9/10）
特製和王和牛壽喜燒
10 瀏覽
1 讚好
0 留言
之後上枱嘅係一個餐廳其中一個招牌，係特製和王和牛壽喜燒，和王係用上熊本縣A4級嘅頂級和牛。
牛肉入口非常軟嫩，食起嚟牛味重，油香豐富，但唔會太膩，加上自家製嘅壽喜燒汁，更加滑身，加左特級松茸落去煮，蛋漿食落鮮甜帶焦香。驚喜嘅係呢個壽喜燒落咗少少山椒粉做調味，所以邊食邊感受到舌尖上的麻痹感，唔會淨係食到雞蛋嘅香甜，但又唔會有過火嘅麻辣感覺，非常過癮。下面仲有啲葛粉條，吸滿咗醬汁，連汁一滴不留咁清哂。
-
9️⃣ 櫻花蝦粉蕎麥麵（👅: 9/10）
櫻花蝦粉蕎麥麵
9 瀏覽
1 讚好
0 留言
喺香港要食到好食嘅蕎麥麵係非常之難，因為冇咩專食蕎麥麵嘅專門店或者餐廳，不過呢度蕎麥麵就係餐廳嘅招牌，餐廳喺午市、晚市都有供應蕎麥麵，不過呢個套餐嘅蕎麥麵係特別版，因為上面加咗櫻花蝦粉，師傅將曬乾左嘅櫻花蝦磨成粉。
日本鹿兒島直送既十割蕎麥麵，意思即係100%用蕎麥粉製作，冇用任何麵粉，咬落去偏硬身，帶煙韌彈牙，食落去蕎麥味重。
而蕎麥麵嘅湯汁係用蝦仔乾、魚仔乾、蟹仔乾、海帶、昆布熬成，食落去係鹹甜交集，鮮味十足，加咗櫻花粉入去，食落去係非常鮮甜，令到成個蕎麥麵都香口左，而且多咗少少脆口嘅口感，湯汁同麵條非常夾，好快就鯨吞虎嚥食晒，呢個算係我喺香港食過最好食嘅蕎麥麵。
-
🔟 夜空寒天（👅: 8.5/10）
夜空寒天
10 瀏覽
1 讚好
0 留言
因為前邊食咗好多好似甲羅燒、壽喜燒呢啲咁重味嘅嘢食，需要一啲清新嘅甜品解一解膩，呢個甜品係可以做到呢個效果，咬落去係大菜糕同啫喱之間嘅口感，夠Q彈爽口，食落去係帶輕微嘅清酒味道，如果冇飲酒嘅人就會食到，飲咗酒就可能食唔到佢嘅酒味，下面就會食到檸檬汁嘅少少酸味，夠清新，係一個完美嘅完結。
-
🍶 真澄💰70（👅: 8.5/10）
真澄
$70
5 瀏覽
1 讚好
0 留言
-
🍹果味梳打💰38（👅: 7.5/10）
果味梳打
$38
6 瀏覽
1 讚好
0 留言
-
🌟 整體食物質素絕對係高質，當中最欣賞嘅係佢哋嘅蕎麥麵、壽喜燒、寒天、海膽、甲羅燒、火炙右口魚邊、大拖羅。
因為香港無咩專做蕎麥麵既餐廳，食完我覺得以香港質素來講嘅高質，下次會想係lunch Menu再試多次。
可惜當中得海膽可以單點，其他只可以係OMAKASE MENU食到，如果餐廳可以單點絕對會再試上面既菜式。
-
👅味道: 9/10
🍴環境: 7.5/10
💰消費: $1480pp (服務費: 10%)
張貼
