焱丸水產

朋友知我中意食海鮮，今晚就拉左我黎食日式燒海鮮，雖然Book左位都要等下先入得去，不過佢既野食都唔差既！先係刺身3盛，有吞拿魚、三文魚同埋帆立貝，全部都厚切同埋都好新鮮，質素唔錯。 之黎係蟹味噌甲羅燒同埋南瓜蟹肉甲羅燒，第一次食覺得佢既味道都幾特別，都有鮮味，同埋佢係會場係你面前撈，不過兩款味道相差唔太遠。 呢個海膽帆立貝燒醬汁幾香，不過比較濃味，有點兒蓋過左本身既鮮味。殘酷活鮑磯燒雖然比較細隻，但唔算太韌，都唔錯。三文魚富士山其實姐係三文魚大堆頭，味道中規中具，中意食三文魚既朋友都可以點下。菜方面我地叫左個牛油炒野菜，呢個菜炒得幾香，面層仲鋪左芝麻，不過就有點兒太油喇！