影片
更多
2020-03-25
70 瀏覽
同事介紹喺荃灣大鴻輝21樓有間火鍋店只係168蚊，就可以任食美國進口牛肉，仲有非常高質嘅日式串燒同即點即炸嘅日式炸物任食，個重點係每張枱之間嘅距離都非常充足，啱哂喺疫情之下餓咗好耐嘅邊爐友。剔完串燒之後就出去自助區度睇下有乜嘢食，各式新鮮嘅時蔬，腸仔餐肉丸類自然不可或缺， 醬料同埋飲品嘅選擇亦都好多，啲野食唔會話一次過放好多出嚟，由店員頻繁地作適時 refill，保持衛生；丸類除咗一般大路嘢都有得之外，比較特別嘅係呢個薑蓉丸，鐘意薑蓉切雞嘅朋友必試。返到去坐低已經見到第一 round 嘅美國進口牛肉、豚肉同埋雞肉送上，呢度好在食完一 round 先再嗌下一 round，咁就可以確保每一片肉都咁新啦，美國進口牛肉果然夠哂牛味，令人意想不到嘅係豚肉同雞肉比牛肉質素仲更加高，忍唔住 encore 咗幾碟。食咗幾塊牛之後串燒同炸物已經送上，炸物裏面最好食係炸蝦同炸雞唐揚，串燒嚟講就全部都咁好食，，高下難分，串燒肉卷肉汁極其豐富，串燒牛舌同雞腎同個醬燒好夾，贏在全部即叫即燒，擺到入口都仲係熱嘅，放題仲要有賣相有擺盤，個淺木色嘅小托充滿東瀛嘅風味，以放題嚟講係我食過最高質嘅一次，沒有之一。 食飽仲
同事介紹喺荃灣大鴻輝21樓有間火鍋店只係168蚊，就可以任食美國進口牛肉，仲有非常高質嘅日式串燒同即點即炸嘅日式炸物任食，個重點係每張枱之間嘅距離都非常充足，啱哂喺疫情之下餓咗好耐嘅邊爐友。
剔完串燒之後就出去自助區度睇下有乜嘢食，各式新鮮嘅時蔬，腸仔餐肉丸類自然不可或缺， 醬料同埋飲品嘅選擇亦都好多，啲野食唔會話一次過放好多出嚟，由店員頻繁地作適時 refill，保持衛生；丸類除咗一般大路嘢都有得之外，比較特別嘅係呢個薑蓉丸，鐘意薑蓉切雞嘅朋友必試。
返到去坐低已經見到第一 round 嘅美國進口牛肉、豚肉同埋雞肉送上，呢度好在食完一 round 先再嗌下一 round，咁就可以確保每一片肉都咁新啦，美國進口牛肉果然夠哂牛味，令人意想不到嘅係豚肉同雞肉比牛肉質素仲更加高，忍唔住 encore 咗幾碟。
食咗幾塊牛之後串燒同炸物已經送上，炸物裏面最好食係炸蝦同炸雞唐揚，串燒嚟講就全部都咁好食，，高下難分，串燒肉卷肉汁極其豐富，串燒牛舌同雞腎同個醬燒好夾，贏在全部即叫即燒，擺到入口都仲係熱嘅，放題仲要有賣相有擺盤，個淺木色嘅小托充滿東瀛嘅風味，以放題嚟講係我食過最高質嘅一次，沒有之一。
食飽仲有朱古力噴泉、milktop 雪糕、涼粉啫喱同木糠布甸，梗有一樣啱你口味。
張貼
