PizzaExpress (百合苑商場)

營業中

休息中

平時成日都會去Pizza Express食pizza，知道佢出咗聖誕餐，特登同朋友過嚟提早食🤣飽到捧住個肚走🤭🎅🏻聖誕二人set $628🌟2款前菜+ 2款主菜+ 2份飲品+ 1份甜品🎄麵包球聖誕樹平時都好鍾意食煙煙韌韌嘅麵包球，今次佢係聖誕樹造型，配上辣肉腸、馬蘇里拉芝士、巴馬臣芝士、羅勒香草醬，簡直係天作之合。🍀芝士紅莓焗椰菜花椰菜花加入紅莓乾、車打芝士及巴馬臣芝士，健康之餘又好食。🍕聖誕花環牛肉薄餅聖誕花環造型好吸睛同應節，餅底偏薄，配上馬蘇里拉芝士、巴馬臣芝士、紅莓乾、軟嫩燉牛頰肉、鷹嘴豆、醃辣甜椒、紅莓乾同埋勁多羽衣甘藍。🦐意式海鮮湯長通粉入面有蝦、青口、蜆，另外用芹菜、紅洋蔥、白酒、蒜蓉及新鮮羅勒調味，味道層次豐富。⛄️飄雪薑餅人芭菲雲尼拿雪糕加焗麵包球、合桃、士多啤梨果醬同藍莓，口感非常夾同埋好食。🍵聖誕戀心熱紅茶English breakfast tea配上丁香、 小荳蔻、橙乾、八角及肉桂，香氣撲鼻而且消滯。