同朋友行街發現我哋平時去開嘅Green Waffle Diner出咗夏天限定menu食物都係海洋一般嘅藍色🌊所以就去咗食brunch🌤️原來係用藍色螺旋藻做，佢係superfood有豐富蛋白質、維生素、礦物質同抗氧化物，有助支持免疫系統和促進整體身體健康☀️ 🌈彩虹班戟 有原味、藍螺旋藻、斑蘭、紅肉火龍果pancake，上面再有士多啤梨、藍莓、覆盆子、青蘋果同自家製藍螺旋藻棉花糖，健康得嚟pancake鬆軟仲要每層都唔同味夾埋好特別🤩 🥑牛油果煙三文魚waffle 分別配上牛油果同煙三文魚上面仲有流心水煮蛋，下面waffle外脆內軟，當brunch最正。 ☕️Adaptogenic 鮮奶咖啡 加入Adaptogens同數款有機認可全食嘅蘑菇入咖啡中，適應原是一種植物物質幫我哋應對焦慮同並增強身體免疫力，真係越飲越健康💪🏻

朋友介紹發現原來有一間好抵食嘅社企餐廳係牛頭角🌞上到去發現原來係一個工商業大廈入面仲係教會，佢哋推動長者事工關懷長者身心靈，價錢抵員工又好禮貌🌸聽佢哋講原來好多附近返工嘅人都會去嗰度食lunch或者聚會，而且佢哋餐廳嘅加一都係用嚟做善事捐俾泰北天恩難童中心做日常開支🌟可以食飯同時可以做善事真係值得支持✨ 💫濃厚牛魔王湯飯set 入面勁多料，有牛筋、牛肚、肥牛、牛丸、牛柏葉仲有啲芽菜做配料。另外湯底係無味精8小時熬製，真係飲晒都唔覺得口渴，而且係好清嘅牛味唔會油膩。所有set都有油菜、前菜、甜品、水果同飲品，份量又大真係好抵。 ⭐️泰式滷水豬肘飯set 除咗平時套餐會跟嘅食物之外，仲有椰子清雞湯清淡得來會飲到雞味。滷水口感偏甜但係同豬肘好夾。我加咗兩蚊要冷泡花茶非常解渴。

留意咗呢間餐廳好耐，超特別最主要係sell北海道羊肉燒烤，供應超過10個部位的烤羊肉，羊肉控一定要過嚟食✨店員超好會詳細介紹同幫手烤肉🤭一坐總會有前菜沙律淡露島洋蔥用紫蘇葉同醬汁調味，洋蔥一啲都唔辣好甜，醬汁加蒜蓉同辣椒碎點嚟食，仲要同羊肉好夾🫧 ☀️羊頸柳 羊羶味比較淡，肉質夠淋，配埋洋蔥一齊食係Perfect。 🤩羊臀肉 羊肉味比較濃，只係點海鹽已經好好食。 💫羊漢堡扒 大推✨伊比利亞羊撈軟骨，上面加cream cheese同開心果碎增加口感，煮到七成熟，而且非常juicy。 🐑羊蹄山羊肉湯 大推✨用咗¼隻羊煲湯，入面有洋蔥、蘿蔔同羊肉，超級清甜濃郁又唔羶，我覺得如果放烏冬食會超級正。 🌸炸羊腩骨 半肥瘦肉炸得香脆，調味比較濃。 🥟自家製羊肉餃子 夠juicy，入面充滿羊肉同埋羊脂香。 🍛羊蹄山羊肉咖哩飯 咖喱偏甜，入面有滿滿嘅羊肉絲。有一個用上世界其中最辣嘅辣椒去造嘅辣椒粉可以加，我自己就加少少，令到咖喱味道層次增加，辣味有後勁同埋會留喺舌頭一陣。

今晚同朋友行過荔枝角嘅時候發現咗呢間新嘅cafe，個名好特別叫做回春，入面又裝修得幾靚，所以就入去試吓🥳 🍱松茸味噌三文魚春之定食 係營養均衡嘅定食✨九宮格咁樣有齊晒前菜、配菜、甜品、主食、生果同埋飯。飯係松茸炊飯，我覺得水份再多啲會比較好。三文魚份量都幾大用上味噌煎香配飯同埋配菜一齊食好好食。 🍝秘製冬陰功青口海鮮蝴蝶粉 冬陰功唔會太辣，除咗有兩隻青口之外，入面會有小章魚，同蝴蝶粉一齊食增加口感。 🍫特濃朱古力蛋糕 🌟推薦朱古力控一定要去試！本人淨係鍾意食黑朱古力，啱啱好佢就係黑朱古力嗰種冇咁甜，成個蛋糕係軟滑口感，生朱古力嘅感覺。 另外佢嘅咖啡會用傳統風嘅杯去裝，感覺好特別，拉花靚同埋咖啡豆味都幾好。

今日去咗一間隱世鐵板燒餐廳食午餐，估唔到都幾ok🙈另外服務都幾好，見店員同埋其他客人都會有傾有講，仲好細心介紹菜式俾我哋🌱 🍤鐵板大蝦拼馬友 午餐包括沙律、蜆肉麵豉湯、白飯同埋雪糕做甜品。虎蝦配cocktail sauce，肉質夠晒彈牙。馬友魚煎得香脆，配花椒汁啱啱好平衡佢嘅油分。 🥩安格斯牛肉薄燒 牛肉份量都幾多，略嫌覺得熟咗少少。可以配cocktail sauce、鹽昆布、獨子蒜片。我自己就比較鍾意配鹽昆布同獨子蒜片，鹹香感會比較重啲。

今日朋友帶咗我去西環一間好有氣氛西班牙餐廳，平日夜晚去到都full晒，仲有好多人慶祝生日，超級熱鬧有氣氛🥳 🦐蒜香辣椒煮大蝦 有四隻彈牙大蝦，配上濃香蒜蓉汁，仲有脆脆多士俾你點啲汁嚟食。 🥚傳統西班牙奄列 我揀咗辣肉腸，入面有薯仔辣肉腸，辣辣地，如果切開有流心效果會更好。 💫Ham Croquettes 係有伊比利亞火腿嘅酥炸忌廉球，外脆內軟滑夾埋火腿嘅鹹香超好食。 ⭐️Sesame cracker 上面有鰻魚同鵝肝醬，兩個好似唔係好有關係嘅嘢，估唔到一齊食會咁夾。 🥘Paella Valenciana 首先個西班牙飯超級巨大夠四個人食，另外係雞肉西班牙飯你哋食過未🙈通常都係海鮮，不過其實用雞肉先係傳統嘅做法，而且佢係chef recommendation所以就試吓🤣面頭有青豆條、雞肉同埋筍。飯粒有咬口，亦都有少少飯焦，同海鮮西班牙飯嘅味道有少少分別香草味比較重，成個夾埋都幾好食。 🥖Churros 係傳統西班牙炸脆條，熱辣辣配上朱古力醬或者冷熱交融配上雲呢拿雪糕都好好食。

今日朋友話帶我去食有個好抵嘅high tea，喺葵涌Cozi Hotel榴槤芒返蠔情下午茶，而家OpenRice有discount $240/2人份量包兩杯即磨咖啡或紅茶或氣泡酒，呢個價錢真係超級抵，而且環境都好闊落同埋靚⭐️唯一係地點有少少遠🙈 🦪新鮮生蠔配海鮮醬 海水味比較重。 ☀️炸蠔 外邊都好脆，入面仲係juicy。 🦀香芒蟹肉忌廉筒 食到入面充滿蟹肉，有少少芒果，忌廉筒類似硬餅乾咁嘅質地。 🍰榴槤慕絲蛋糕 蛋糕夠濕潤，榴槤慕絲夠滑。 🍑烏龍茶蜜桃杯 食到少少碎咗嘅烏龍茶葉，有蜜桃粒粒喺入面增加口感。 🧀榴槤芝士撻 芝士味比較重，撻底夠脆。 ，

鯉景灣海旁一向都有好多好嘢食，雖然價位比較高，但用料好高質，呢間日本壽司串燒屋就係好例子，滿足感係平價壽司比唔到你嘅 🍣本鮪寿司盛 有赤身，中鮪魚腩，大鮪魚腩各兩件，全部都好有光澤，中拖大拖油脂分布都好完美，大拖油香會更重🤤 🍣六點剌身盛 有深海池魚、赤身、甜蝦、八爪魚、三文魚同油甘魚 全部都好新鮮，牡丹蝦蝦肉極甜，蝦膏豐腴甘香，油甘魚魚油香氣好濃郁 🐠日本花魚一夜干定食 花魚肉質紮實，一夜干做法令到條魚好有鹹香，而魚肉一啲都唔乾，點啲酸汁食中和返鹹味 💛北海道海膽 (1件) 非常濃郁鮮甜，幾乎入口即溶 🧡特上三文魚籽 (1件) 鹹鮮略帶甜味，超正 🥩鹽燒牛舌 就咁用鹽和黑椒已經好好味，牛舌有嚼勁但唔會難咬 🐤鹽燒雞軟骨 卜卜脆口感，每次食串燒都會叫 🍻Suntory 生啤380ml

不嬲都好鍾意食蕃茄，所以朋友介紹咗我過嚟Mikiki食蕃茄仔🥳初時以為會好似茶餐廳咁嘅格局，但係原來都坐得好闊落。同朋友叫咗兩個set，包飲品小食同埋甜品，價錢都幾抵🌟 🐮特級牛魔王 份量大有牛骨髓、牛𦟌、牛肉片、牛舌，啱晒貪心嘅我。最鍾意係濃湯蕃茄湯有好多蕃茄蓉，好濃郁同埋食得出係冇味精食完都唔會口渴，我揀咗配烏冬，一路掛湯咁樣食真係好惹味😋 🦀忌廉蟹肉薯餅 香脆嘅薯餅一咬落去係軟滑嘅忌廉，食到少少一絲絲蟹肉。 🍜加拿大豚肉片蛋花讚岐烏冬 朋友揀咗加拿大豚肉片，蕃茄湯底一樣濃郁，但係佢加咗蛋花，食落去嘅時候會多咗一層口感。 🌸雜香果菊花茶 初時以為會好甜，但係飲落去都幾清新配埋蕃茄湯啱啱好。 🍰甜品 係一個小小嘅tiramisu。

想同朋友傾吓偈啤啤佢可以去呢度🍻上次同過咗嚟食串燒，全部質素都幾好有氣氛，而且性價比高🤭食嘢之前佢會比碗蕃茄湯，都幾濃郁好飲。另外聽見隔籬枱都會問侍應可能有啲隱藏單品，例如係燒到脆卜卜嘅雞皮，下次可以再同朋友去試🥳 🌟蒜蓉燒聖子王 聖子好大隻多肉，用蒜蓉粉絲蒸好食😋 🦞芝士龍蝦 估唔到都幾大隻同埋啲肉真係幾彈牙，放上芝士焗真係冇得頂。 🍆蒜蓉燒茄子 原條燒茄子，兩個人食都好飽，都幾大份。 🧄特色蒜蓉包 鍾意食蒜頭嘅人一定要點，覺得香脆嘅蒜蓉包配原粒蒜頭，雙重蒜頭享受。 🦑日式汁燒魷魚筒 生熟啱啱好唔會太過靭。 💫芝士煙肉焗大啡菇 一切開超級juicy，有流心嘅芝士同埋煙肉洋蔥係入面，真係超好食。 我同朋友另外仲叫咗其他串燒全部嘅質素都幾好，同埋燒得好香🔥 串燒豆腐 鹽燒白鱔 鹽燒牛舌心 豬頸肉串 煙肉露筍卷