泰潮 (嘉咸街) (已結業)

因為疫情關係，減少外出食飯，改為買外賣。呢日就揀左食泰國野，叫左一個海南雞飯、泰式炒金邊粉同埋魚餅。海南雞飯味道唔錯，雞有雞味同埋都幾鮮嫩，附送既醬汁同雞都幾夾。而飯雖然加左黃油去煮，但似乎唔夠香，有改善空間。泰式炒金邊粉炒得夠乾身，撈埋花生粒一齊食好香口，仲有3隻大蝦，爽口又彈牙，值得推介。魚餅中間加左青辣椒，就算唔點辣椒醬都已經好辣，唔係好岩我口味，但鍾意食辣既人可能幾岩。另外每個餐附送湯，無湯味，只係飲左兩啖已經好口渴，唔飲都唔會覺得可惜。