影片
更多
2023-11-07
3635 瀏覽
今日同老公出左去睇模型，行到街尾就見到間幾懷舊嘅餐廳，睇到餐牌原來係食火鍋，咁老公就話上去睇睇。餐廳在閣樓，上到黎就聽到70-90年代嘅歌。裝修吹懷舊風，全部都係70-80年代老香港擺設，真係幾有風味。餐牌有三款套餐，套餐有好多嘢食，我哋叫左個CEO套餐。飲品：罐裝飲品在外面自取，同樣是任飲。另外仲有特飲，我哋就叫左巨蜂乳酸梳打同青蘋果梳打，夠凍，都幾好飲。前菜：有脆皮午餐肉、椒鹽燒賣同鹽酥雞，剛炸起熱辣辣。午餐肉厚切，夠份量夠脆。燒賣同鹽酥雞味道都好好，好好食。招牌麻辣雞煲：叫左小辣，雞好入味，越食越辣，越食越惹味。招牌濃郁沙嗲湯底：揀左人氣No. 1湯底，沙嗲味道好濃，花生醬味道重，食到有好多花生粒，估唔到旺角都食到咁出色嘅香港沙嗲火鍋。 手切牛肉：有穀飼牛板腱、安格斯三角肩肉、極上牛小排同埋封門柳，每板份量超多，好有睇頭。牛味濃，好有口感，超正。呢度牛肉全部都係高級手切，出面食散叫都起碼幾百蚊一碟，而呢度都係$300~400蚊。任食嘅價錢，食到散叫高質牛切牛肉，真係無得輸。火鍋配料：有爐魚片、雲吞、鴨血、牛柏葉、水魷魚、金菇菜同唐生菜，每款配料新鮮，洗得乾淨，同埋每樣都大大塊。其
餐廳在閣樓，上到黎就聽到70-90年代嘅歌。裝修吹懷舊風，全部都係70-80年代老香港擺設，真係幾有風味。
餐牌有三款套餐，套餐有好多嘢食，我哋叫左個CEO套餐。
飲品：罐裝飲品在外面自取，同樣是任飲。另外仲有特飲，我哋就叫左巨蜂乳酸梳打同青蘋果梳打，夠凍，都幾好飲。
前菜：有脆皮午餐肉、椒鹽燒賣同鹽酥雞，剛炸起熱辣辣。午餐肉厚切，夠份量夠脆。燒賣同鹽酥雞味道都好好，好好食。
招牌麻辣雞煲：叫左小辣，雞好入味，越食越辣，越食越惹味。
招牌濃郁沙嗲湯底：揀左人氣No. 1湯底，沙嗲味道好濃，花生醬味道重，食到有好多花生粒，估唔到旺角都食到咁出色嘅香港沙嗲火鍋。 
手切牛肉：有穀飼牛板腱、安格斯三角肩肉、極上牛小排同埋封門柳，每板份量超多，好有睇頭。牛味濃，好有口感，超正。呢度牛肉全部都係高級手切，出面食散叫都起碼幾百蚊一碟，而呢度都係$300~400蚊。任食嘅價錢，食到散叫高質牛切牛肉，真係無得輸。
火鍋配料：有爐魚片、雲吞、鴨血、牛柏葉、水魷魚、金菇菜同唐生菜，每款配料新鮮，洗得乾淨，同埋每樣都大大塊。其中手包雲吞真係幾新鮮，配料包到漲卜卜。每款火鍋配料都配上沙嗲，又幾夾，幾好味。
甜品：仙草芋圓糖水賣相唔錯，整體味道甜甜地，連糖水都咁有水準，唔錯。
張貼
