影片
更多
2019-02-04
79 瀏覽
2019年1月13日。晴。上環。呢日行完PMQ搵地方醫肚～行下行下見到呢間餐廳門面有graffiti，好靚呀～又配合返呢一區文青嘅氣息～但係餐廳嘅位置就有啲難搵喇所有裝修細節睇落都好有質感入到去坐低睇下餐牌～完全畀佢個價錢嚇親！實在係太太太太太平喇！！！！先唔好講喺上環區，呢個價錢就算旺角樓上cafe都做唔到！淨係個餐牌已經畀到我哋好大驚喜～而另一點要提下嘅係餐廳採用（半）自助形式～要埋去cashier落單畀錢，然後再自己去隔籬張枱仔攞餐具紙巾咁只不過上菜係會由店員負責嘅～相信係為咗節省成本，所以先至需要呢個半自助形式將成本回饋返畀顧客，簡直係良心餐廳！芒果蜜桃水果茶，$38入面有多種水果～香甜好味，解渴一流～澳洲檸檬青檸特飲，$38男朋友嗌咗呢個，飲落有夾糖味，又幾特別喎！！小食拼盤，$98呢個小食拼盤唔嘢少！有好多嘢食，仲要樣樣高質～～先講講內容物：七味一字雞翼、流心芝士條、英式炸魚手指、墨西哥粟米花、黑松露蕃薯條除咗蕃薯條有大量，其他都有兩件～兩個女仔嘅話，食完呢個小食拼盤就會飽晒～睇得出餐廳定價雖然平，但絶無將貨就價呢回事！全部小食都好好味～～～～尤其鍾意芝士條，係用原條芝士攞
呢日行完PMQ搵地方醫肚～
行下行下見到呢間餐廳
門面有graffiti，好靚呀～又配合返呢一區文青嘅氣息～
但係餐廳嘅位置就有啲難搵喇
所有裝修細節睇落都好有質感入到去坐低睇下餐牌～
完全畀佢個價錢嚇親！實在係太太太太太平喇！！！！
先唔好講喺上環區，呢個價錢就算旺角樓上cafe都做唔到！
淨係個餐牌已經畀到我哋好大驚喜～
而另一點要提下嘅係餐廳採用（半）自助形式～
要埋去cashier落單畀錢，然後再自己去隔籬張枱仔攞餐具紙巾咁
只不過上菜係會由店員負責嘅～
相信係為咗節省成本，所以先至需要呢個半自助形式
將成本回饋返畀顧客，簡直係良心餐廳！
芒果蜜桃水果茶
$38
9 瀏覽
0 讚好
0 留言
入面有多種水果～
香甜好味，解渴一流～
澳洲檸檬青檸特飲
$38
7 瀏覽
0 讚好
0 留言
男朋友嗌咗呢個，飲落有夾糖味，又幾特別喎！！
小食拼盤
$98
6 瀏覽
0 讚好
0 留言
呢個小食拼盤唔嘢少！有好多嘢食，仲要樣樣高質～～
先講講內容物：七味一字雞翼、流心芝士條、英式炸魚手指、墨西哥粟米花、黑松露蕃薯條
除咗蕃薯條有大量，其他都有兩件～
兩個女仔嘅話，食完呢個小食拼盤就會飽晒～
睇得出餐廳定價雖然平，但絶無將貨就價呢回事！
全部小食都好好味～～～～
尤其鍾意芝士條，係用原條芝士攞去炸～一咬落去就食到芝士嘅香濃，仲有拉絲效果～～～
粟米花都好正，唔好睇佢個樣平平無奇，但個調味非常特別，惹味得來又唔會係死鹹～
仲有個蕃薯條！本身帶甜味～再加上黑松露沾醬，美味無窮～
慢煮36小時紐西蘭牛面肉（10安士）＋牛油炒野菌
$186
15 瀏覽
0 讚好
0 留言
睇間餐廳個名就知主打慢煮！
店員就向我哋推薦慢煮牛肋骨同埋呢個牛面肉
兩個菜式都係經過36個鐘慢煮先煮好
我哋見平時少聽到有牛面肉嘅菜式，於是就揀呢個喇～
再配多個牛油炒野菌～
一上枱就聞到好香～～～
盤裏面有一大半係牛面肉，另一半係薯蓉～
牛面肉用咗紅酒汁來煮，經過慢煮之後，牛肉完全吸收晒個汁嘅甜味
肉質亦保持到鮮嫩口感，軟綿綿嘅感覺～
係喺其他地方未食過嘅滋味～
薯蓉亦有濃郁嘅牛油味，香滑好味～
炒野菌份量都唔少！食極都仲有！
白酒慢煮焦糖菠蘿配雪糕
$42
9 瀏覽
0 讚好
0 留言
雖然食晒啲嘢已經好飽，但係甜品點都要食嘅！
呢個甜品先唔講佢嘅味道，淨係個賣相，點會係$42呢？！
菠蘿係新鮮菠蘿，唔係罐頭！
點知道？菠蘿個芯都仲喺度，唔通窿～
菠蘿外面有層焦糖，可以帶起個甜味～
而且焦糖脆脆嘅口感，同菠蘿軟腍質地形成對比，又幾得意喎！
仲有個雪糕～超！級！香！濃！
十分濃郁嘅雲呢拿味，口感軟糯，要我畀$42齋買個雪糕我都願意呀！
總括來講，呢間餐廳都幾無敵下！希望佢個價錢可以一路維持到，我一定會再幫襯！！！
張貼
