我愛慢煮 (普慶坊) (已結業)

我愛慢煮比到我慢煮嘅態度，食物嘅口感往往都比到一種特別嘅感覺，肉汁好似鎖住左，啖啖肉嘅同時啖啖汁，唔會乾到食柴咁😆我同朋友點左兩份小食加兩份主菜，分別係燒露荀苗、炸蕃薯條、香草丹麥烤雞槌同埋法式油封鴨髀😋露荀苗味道鮮甜清新，唔會覺得油膩。蕃薯條甜度十足，又有咬口。烤雞槌肉質鮮嫩，十分juicy, 呢個就係慢煮嘅功力。另外，鴨髀就相對遜色，食落有啲硬同乾，可能曾經係法國試過油封鴨髀，感覺相差一段距離，有左比較🤣最後，疫情期間，餐廳贈送顧客一人一支自家製消毒搓手液