M3 Italian (已結業)

約左老友黎吹水，住呢頭都知呢間餐廳抵食兼高質。我自己就梗係讚爆自己揀嘅set，今日平日食堅抵，可以轉set，甜品同餐湯都慳返幾十！龍蝦湯蝦味重，夠滑，好似食到有略重牛油味扣少少分，但整體都唔錯。香辣蒜片大蝦意粉就出色啦，色香味俱全。雖然蝦就唔算大隻，但勝在新鮮爽口，而且最估唔到係，外表睇唔出but絕對食得出非常濃郁惹味嘅蒜味同辣味。叻在炒意粉香得黎唔油，意粉彈牙又爽口。Tiramisu 🍮不過不失，香滑咖啡味，跟餐叫都抵。人氣餐廳，book定位穩陣。