亞蘇爾 (形點) (已結業)

屋企一向都較少煮飯，所以經常會幫襯元朗附近的外賣，而Yoho Mall內的餐廳因為就腳所以就會外賣自取。其中亞蘇爾雖然未算成日幫襯，但一個月都有2至3次，每次的食品質素都令人滿意。疫情關係最近好多餐廳都推出外賣的優惠，亞蘇爾亦做緊外賣推廣，所以最近都幫襯多咗。食品我會推介焗豬扒飯，我平時都有品嚐唔同餐廳的焗豬扒飯，亞蘇蘇爾的真係好好食。另一樣乳豬包，乳豬的皮脆口感超正。仲有馬介休球及記得加埋葡撻作為甜品就一流。