影片
更多
2021-01-25
1326 瀏覽
夜晚冇得堂食😭，但又心血來潮想食日本嘢🎌，於是去開新都城，就順便幫襯埋「德美壽司」買兩個晚餐食。雖然Walk in入去買嘅人唔多，但我就瘋狂聽到外賣App機嘅響聲，所以佢應該都有唔少單🧾。等候期間，我留意到餐廳面積都唔細，環境乾淨企理。牆身似係山景🏞，藍白色調，望落令人感覺舒服。餐廳冇特別設計外賣餐單，主要都係採用返堂食嘅晚市餐牌，選擇都幾多，有魚生丼、亦有定食便當🍱，價錢介乎$75至$168不等。唔知👫二人套餐有冇得外賣呢？餐廳唔會因外賣而縮水，份量同堂食一樣之外，亦同樣會送上沙律同麵豉湯。所以即使呢度係兩個餐，但開餐時感覺都好豐富😍。三色丼($118)，丼飯冇令我失望，同喺餐廳食嘅造型係一模一樣。🍣三色刺身包括三文魚、油甘魚同一粒大帶子，前兩者就各有三片。刺身每片都係超厚切，所以食落有滿足感。丼飯上面有一隻溫泉蛋🍳，建議篤穿佢撈汁食。我略嫌今日嘅壽司飯酸咗少少，但好在佢同平日一樣喺飯入面加咗大量蟹籽、雜菇、海帶同芝麻，佢哋全部都有助提升味道同口感。活鰻魚朴葉飯定食($108)，🐟鰻魚飯都唔錯喎，雖然鰻魚得四件，但勝在每件都幾大塊，而且最重要係冇骨❎🦴。另外，饅魚下面仲放滿一層煎蛋絲
夜晚冇得堂食😭，但又心血來潮想食日本嘢🎌，於是去開新都城，就順便幫襯埋「德美壽司」買兩個晚餐食。雖然Walk in入去買嘅人唔多，但我就瘋狂聽到外賣App機嘅響聲，所以佢應該都有唔少單🧾。
等候期間，我留意到餐廳面積都唔細，環境乾淨企理。牆身似係山景🏞，藍白色調，望落令人感覺舒服。
餐廳冇特別設計外賣餐單，主要都係採用返堂食嘅晚市餐牌，選擇都幾多，有魚生丼、亦有定食便當🍱，價錢介乎$75至$168不等。
唔知👫二人套餐有冇得外賣呢？
餐廳唔會因外賣而縮水，份量同堂食一樣之外，亦同樣會送上沙律同麵豉湯。所以即使呢度係兩個餐，但開餐時感覺都好豐富😍。
三色丼($118)，丼飯冇令我失望，同喺餐廳食嘅造型係一模一樣。🍣三色刺身包括三文魚、油甘魚同一粒大帶子，前兩者就各有三片。刺身每片都係超厚切，所以食落有滿足感。丼飯上面有一隻溫泉蛋🍳，建議篤穿佢撈汁食。我略嫌今日嘅壽司飯酸咗少少，但好在佢同平日一樣喺飯入面加咗大量蟹籽、雜菇、海帶同芝麻，佢哋全部都有助提升味道同口感。
活鰻魚朴葉飯定食($108)，🐟鰻魚飯都唔錯喎，雖然鰻魚得四件，但勝在每件都幾大塊，而且最重要係冇骨❎🦴。另外，饅魚下面仲放滿一層煎蛋絲，配飯食一流。飯粒用上珍珠米，所以大大粒，粒粒分明。如果鰻魚汁多少少就更正，不過我相信如果一早講，佢唔會介意整多汁比我。
跟餐嘅沙律🥗好有誠意，因為唔係淨係得菜，而係有一粒細帶子。
麵豉湯就正常水平啦，湯始終要熱飲先好飲，所以我叮翻熱先飲😬。
總括嚟講，德美能夠做到外賣同堂食嘅水平差唔多，係一件難得嘅事👍。另外，我仲好欣賞佢嘅外賣包裝，外賣盒唔係Cheap嘢，更有考慮到通氣嘅需要(熱食適用)，而且店員蓋得好實，唔易倒瀉🥡✨。
張貼
