Le Viet

經常到尖沙咀行街，之後多數會去The One搵野食， 商場入面有很多不同的食肆， 我見好久沒有吃越南菜， 所以選了Le Viet。 之前試過在這裏吃午飯， 反而晚餐是第一次。 今次點了滿載椰青海鮮飯$98，特別火車頭$78，串燒沙嗲3串$52，米紙蝦卷$38，tiger beer$36。滿載椰青海鮮飯 ～ 份量超級澎湃，椰汁已經滿瀉在碟子上， 椰青飯的味道又香又甜， 海鮮有大蝦和墨魚仔，配菜還有粟米粒，紅蘿蔔粒，青豆和提子粒。米紙蝦卷 ～ 米紙的質感晶瑩通透又夠薄， 卷入面有青瓜，米粉，蝦和香草。串燒沙嗲 ～ 豬牛雞各一串， 三款串燒的肉質都很juicy， 入口啖啖肉配埋沙嗲醬，好正！特別火車頭 ～ 每次吃越南菜都會點Pho， 今次比較貪心，想食多款餸的粉， 所以點了特別火車頭，有生牛肉，肉丸和牛腩， 食完好滿足！食串燒當然要點返支啤酒啦， 間中啤一啤，爽哂！因為已經不是第一次到Le Viet了，之前吃過感覺唔錯， 價錢經濟，食物質素中上， 服務良好， 就是客人會再來幫襯的原因。