四季良晨 (新都城中心) (已結業) 查看

今日求其搵嘢食，見呢間係食台灣嘢，而我又未食過呢間所以就入咗嚟試。我地叫左個晚市套餐同一個牛腩麵。晚市套餐包一碟上湯浸時菜同一碗湯。-惹味牛腩麵佢有台灣麵同米線俾我地揀，而我今次就揀咗台灣麵，冇理由食台灣野唔叫台灣麵㗎嘛。首先飲咗啖紅燒牛肉湯，個湯底甜甜地同埋有啲薑味好好飲。牛腩都好正，啲牛腩炆得好入味同好淋，肥瘦啱啱好。😋台灣麵好有口感唔會煮到淋曬，都幾彈牙下。-鹽酥雞滷肉飯首先講個滷肉飯，啲滷肉唔夠味好淡，仲要配飯食嘅話咩味都冇，真心麻麻。跟住就係個鹽酥雞，正常應該有啲椒鹽喺鹽酥雞上面但係咩都無，所以我炸皮冇味。另外個炸皮係脆但唔係鬆脆，仲有啲硬添，所以個人覺得一般。因為呢個係跟晚市套餐，所以包左一碗湯同一碟上湯浸時菜。碗湯幾好飲好足料唔重味精，飲完會好口渴。不過個上湯浸時菜就好似清水煮菜禁樣，又係咩味都無，完全飲唔到個上湯。總括嚟講，如果食台灣麵嘅話我覺得呢間係一個唔錯嘅選擇，但係如果要食滷肉飯或者鹽酥雞就唔好啦，因為冇想像中咁好食，同埋有好多台灣店都好食過佢。