影片
更多
2024-01-22
533 瀏覽
女朋友係藝術愛好者，之前仲買左M+博物館全年証。日前仲帶左我去“CVIEW”@M+品嘗高質嘅中菜題添🤩CVIEW裝修講究同精緻，非常切合作爲藝術館餐廳的定位。而餐廳正對住維多利亞港，所以風景一流，浪漫的氛圍絕對適合慶祝！ 當晚餐廳做緊個$880的Tasting Menu，Menu内每一樣都係我同女朋友喜歡的食物，所以就決定試下！ 前菜分別有蜇頭黃瓜+花雕醉鷄+鎮江餚肉，雖然分量不是很多，但味道同賣相都好好！個人最喜歡係個海蜇頭，非常爽口彈牙！ 湯品方面，松茸燉花膠不單止夠曬熱辣辣，而且好足料！塊花膠好厚好飽滿，每一口都係骨膠原！ 主菜係葱燒海參，Size非常大，而且炆得好淋好香好入味。海參係貴價食材，所以呢個套餐真係好划算！ 蔬菜方面，腿片扒菜苗好好味，可惜得太細兜，邊夠喉呀！ 之後的松子鷄米鮑粒鍋巴原本以爲好大份，但原來係賣相精緻的小食。鍋巴米餅好香脆可口，裏面的配料好足好正！ 蜜豆河蝦仁係經典江浙滬菜，呢度做得非常正宗，特別一讚係蜜豆真係好甜好爽口，同河蝦仁好夾！ 小籠包肉餡飽滿Juicy，而且皮好薄，好彩每人有兩隻，否則女朋友可能會搶埋我果隻去食！ 甜品係造型100分的拔絲蘋果
當晚餐廳做緊個$880的Tasting Menu，Menu内每一樣都係我同女朋友喜歡的食物，所以就決定試下！
前菜分別有蜇頭黃瓜+花雕醉鷄+鎮江餚肉，雖然分量不是很多，但味道同賣相都好好！個人最喜歡係個海蜇頭，非常爽口彈牙！
湯品方面，松茸燉花膠不單止夠曬熱辣辣，而且好足料！塊花膠好厚好飽滿，每一口都係骨膠原！
主菜係葱燒海參，Size非常大，而且炆得好淋好香好入味。海參係貴價食材，所以呢個套餐真係好划算！
蔬菜方面，腿片扒菜苗好好味，可惜得太細兜，邊夠喉呀！
之後的松子鷄米鮑粒鍋巴原本以爲好大份，但原來係賣相精緻的小食。鍋巴米餅好香脆可口，裏面的配料好足好正！
蜜豆河蝦仁係經典江浙滬菜，呢度做得非常正宗，特別一讚係蜜豆真係好甜好爽口，同河蝦仁好夾！
小籠包肉餡飽滿Juicy，而且皮好薄，好彩每人有兩隻，否則女朋友可能會搶埋我果隻去食！
甜品係造型100分的拔絲蘋果，精緻到根本唔捨得食啊！
總結，女朋友安排的呢餐飯非常好，强烈推薦！
張貼
