和匠日式燒肉店

營業中

休息中

今晚又去燒肉喇~今次去左一間位於佐敦嘅和匠日式燒肉店。門面用木條建搭，簡潔樸實。入到去，店員非常有禮，四周環境乾淨，枱面及餐具唔會油淋淋。發現一隻飛驒牛公仔，非常可愛，今晚就同佢一齊晚餐喇。叫左好多野食，呢個係螢光魷魚，豬覺得入口時有雜果沙律嘅味道，之後就鹹鹹地，幾有趣。日本安曇野豆腐沙律，沙律菜好新鮮，滑滑嘅豆腐配上日式芝麻醬，好食。美國prime牛小扒，顏色好靚，肉亦好厚身，用大火燒一燒兩面，肉嘅口感一d都唔韌。陣陣嘅牛油香味，一試愛上。美國prime牛角切，每個位置油脂不一，口感亦有差異，唔洗加醬料已食到嗰種美味喺舌頭上化開，回味無窮。鹽燒豚腩肉，雖然邪惡，但實在香到不得之了。輕微嘅鹽味，可以食到豚腩肉本身原味嘅滋味。日本國產阿波尾雞腿肉，相當於從雞腿到大腿根部嘅部位，多汁滑嫩日本國產帆立貝（黑松露蒜蓉牛油燒）牛油同蒜蓉係最佳配搭，用嚟煮海鮮最合適。一路燒一路散發出牛油嘅香味。日本帆立貝係由外日本新鮮進口，鮮味十足，口感爽嫩清脆，非常好食。香蒜牛油黑松露焗雜菌，牛油味非常香，但又唔會蓋過d雜菌味，份量絕對唔少。冷稻庭手打烏冬，醬汁唔會太鹹，個山葵味道亦唔錯，唔會冇味或太過攻鼻。而