影片
更多
2020-03-31
271 瀏覽
朋友介紹大圍小館嘅晚餐好食所以就特登搵晚同男朋友去試下喇地點非常方便 喺大圍站真係過條馬路轉個灣就到到大量嘅紅橙籠喺門口超級易認門口仲有得泊車添 不過就緊係手快有手慢無啦入去之前店員都有先幫筆者探熱 確保所有食客都係無病徵嘅入面裝修幾簡約幾舒服當晚因為疫情關係 人唔算多 店員亦都無為咗方便招呼而將大家坐喺附近每枱都隔得開開的✨前菜醃雲耳同埋梅子苦瓜對於唔食苦瓜嘅筆者嚟講 呢個真係一大挑戰因為有梅子嘅酸同香 的確係比一般苦瓜易入口嘅不過始終點都有苦瓜嘅苦澀味嘅😛✨豉油皇鵝腸 $158呢碟鵝腸真係超肥美店員拍晒心口話佢哋啲鵝腸真係新鮮鵝腸嚟的😆食落超爽口阿 不過重口味嘅筆者就覺得唔夠入咪嘅但鵝腸個質感係真係非常之好✨第一叉第一叉係呢到嘅招牌菜肥瘦均勻 肉質鮮嫩多汁 邊邊燒到焦焦香香再加埋個醬汁真係超好食嘅叉燒阿🤤🤤🤤叉燒迷真係唔好錯過✨啫啫唐生菜煲 $128上到枱店員會幫手撈勻啲汁嘅佢一路撈啲香味就走晒出嚟🤤類似係啲蝦醬咁嘅味啦 係一個超級惹味嘅菜嚟嘅✨蛋白薑米蒜香蟹飯 $258呢個掙扎咗好耐好唔好嗌因為怕兩個人會食唔晒 但又超吸引咁最後都係嗌咗😛事實上佢個份量都真係夠3/4個人食嘅不過因
所以就特登搵晚同男朋友去試下喇
地點非常方便 喺大圍站真係過條馬路轉個灣就到到
大量嘅紅橙籠喺門口超級易認
門口仲有得泊車添 不過就緊係手快有手慢無啦
入去之前店員都有先幫筆者探熱 確保所有食客都係無病徵嘅
入面裝修幾簡約幾舒服
當晚因為疫情關係 人唔算多
店員亦都無為咗方便招呼而將大家坐喺附近
每枱都隔得開開的
✨前菜
前菜
7 瀏覽
0 讚好
0 留言
醃雲耳同埋梅子苦瓜
對於唔食苦瓜嘅筆者嚟講 呢個真係一大挑戰
因為有梅子嘅酸同香 的確係比一般苦瓜易入口嘅
不過始終點都有苦瓜嘅苦澀味嘅😛
✨豉油皇鵝腸 $158
豉油皇鮮鵝腸
$158
14 瀏覽
1 讚好
0 留言
呢碟鵝腸真係超肥美
店員拍晒心口話佢哋啲鵝腸真係新鮮鵝腸嚟的😆
食落超爽口阿
不過重口味嘅筆者就覺得唔夠入咪嘅
但鵝腸個質感係真係非常之好
✨第一叉
第一叉
$188
69 瀏覽
1 讚好
0 留言
第一叉係呢到嘅招牌菜
肥瘦均勻 肉質鮮嫩多汁 邊邊燒到焦焦香香
再加埋個醬汁
真係超好食嘅叉燒阿🤤🤤🤤
叉燒迷真係唔好錯過
✨啫啫唐生菜煲 $128
啫啫生菜煲
$128
9 瀏覽
0 讚好
0 留言
上到枱店員會幫手撈勻啲汁嘅
佢一路撈啲香味就走晒出嚟🤤
類似係啲蝦醬咁嘅味啦 係一個超級惹味嘅菜嚟嘅
✨蛋白薑米蒜香蟹飯 $258
蛋白薑米蒜香蟹飯
$258
17 瀏覽
0 讚好
0 留言
呢個掙扎咗好耐好唔好嗌
因為怕兩個人會食唔晒 但又超吸引咁
最後都係嗌咗😛
事實上佢個份量都真係夠3/4個人食嘅
不過因為太好味 筆者都真係一粒米都無淨嘅✌🏽
講返個飯先 個飯好香蒜同薑味再食到淡淡嘅蟹鮮味
基本上無餸都可以就咁食晒啲飯
但隻蟹都唔失色㗎 因為真係好多膏阿🤤🤤🤤
✨花生眉豆髮菜紅棗糖水
懷舊糖水
11 瀏覽
0 讚好
0 留言
最後再送上嘅懷舊糖水
係真係超級懷舊同埋超足料😆
味道就類似紅豆沙未起到沙咁 甜甜的感覺幾潤
最後埋單8百幾蚊 食咗咁多野同有呢個質素嚟講真係唔貴了
一家人食中菜時又多個好選擇喇😄
張貼
