The Grill Room (The L. Square) (已搬遷) 新店位置

紫微坐低，就嘈話鬼佬大牌檔，枱贴怡，枱大小及枱之間距離還比Delifrance 還小還窄，講乜，隔離枱實聽到，除非你想俾人聽，有秘密傾計，咁你自己考慮是否來？食物味道及賣相，都無苟且，價錢以為抵，但沙律，湯，茶，甜品要加錢，加加埋埋，以此價錢，有好多選擇。香煎魚柳配忌廉磨菇汁$82，魚鞋，配菜爆炒香甜，煙肉，薯仔，黃青瓜，忌廉汁甜香。青口香草蕃茄汁扁意粉$70，青口大隻，海鮮味濃，易嚼有彈性，無牙婆食得，蕃茄碎湯，茄鮮甜，不膩，扁意粉合格。加是日甜品+18，芝士朱古力蛋糕，隻半麻雀大少，想起自助餐都有此款，但此個的色，擺碟有心機些。