見到鼎食聚，用hsbc咭有這個抵食靚靚法國餐，所以生日就來， 星期五六日 訂枱前要信用咭落訂金。 食法國菜 首先要有有禮侍應款侍，並逐一介紹每度菜材料及特色， 這裏當然可以做到啦，但係我啲阿婆有時都聽唔得好清楚及唔記得， 都唔緊要，最緊要好食啫及擺盤靚， 環境要有feel。 先點法國有汽礦泉水San Pellerino$80，不明盟規定而且配合氣氛，識做要點。 送一杯開胃汽泡酒，多泡， 苗條高腳杯，跟飲香檳一樣。 揀選一支意大利tuscany紅酒$780， 石榴紅色，順口，就算 14%酒精，不覺酒精濃。 餐前麵包，多一讚，我都要舉隻手指，圓餐包香軟，酸種包實軟，好開始。 頭盆美國鮮帶子刺身，鮭魚子-卜卜，柚子香，點點脆紫菜-添花，紫蘇油-點睛，蟹膏醬- 濃蟹味而不咸，口感多層次。 主菜-綠色奶凍，青豌豆，蕎麥泡泡，羊肚菌，松露乳液，帕瑪森芝士脆片加入碗內一起食，芝士味濃，蓋過其他味道，滑中有脆。 慢煮三文魚，脆米皮蓋面，切開皮脆，魚肉嫩，似魚生，小松菜及珍珠菇，阿拉斯加帝王蟹絲墊低，牛油汁，不濃味，整體滿意 春雞，有雞味，嫩，伴烤西蘭花，檸檬草，南薑薏米飯-一匙羹量，南薑味溪，黃酒雞汁。 配菜：大蒜薯條，一般；腐乳椰菜苗，爽甜，無腐乳味；天婦羅鹹蛋黃舞茸菇，惹味。 每日甜點： 奶凍香滑，芒果雪葩酸甜。

天厨想去尖東行，兼想食特式的食物，在openrice選尖沙咀中心，發現此處，有花花環境，木係装籂，和洋風，日式食具，擺盤正，花茶，花花繽紛糕點，整套package，吸引一眾美少女，中年少婦，老年阿婆打卡及聚會。 要提一點，張枱較細，贯切日式餐廳標準枱。 鳗魚牛油果滑蛋丼$158，回想好似唔覺有牛油果？鳗魚與在凍肉舖品質一樣有照燒汁，都好味，圓粒飯有口感，蛋一般，配菜醃牛蒡及红豆蓉和菓子，反而我喜。 早晨全餐$168，只得一塊窩芙，失望在少，味脆香，選西班牙煙燻火腿，一般，；乳酪有小小脆糖，薯仔沙律都增添我對佢價值，份量多少少更好，早知應該揀鮮草莓麻薯窩夫， 起碼多兩塊窩夫飽啲！ 南非物樹檸檬茶， 唔係特別清甜，赤柱Pane e latte，蜜糖檸檬茶就香的。 餐飲可半價選養顏飲品-選美髮，黑豆黑芝麻...飲，看到材料名都吸引，未飲，都會覺得有益有效，不甜，純材料做，有 黑豆黑芝麻味， 治癒 心理，健康咗。 一般好少過來尖東，以前留低好多腳毛，星期六過來，遊人渺渺，此處那麽標緻餐廳不用排隊，真的遊閒。

原訂試sidekick bar，友人上去環境唔錯，静，但是食物方面選擇少，多為炸物，所以轉移地點此處， 星期五認為這裏偏僻一定有位，果然只有兩三台客。 點las condes1 bottle$300 白洒，比較抵過單杯，易入口。 Salmon bruschetta$96，6件小多士法包片，配三文魚及牛油果蓉，加小片火箭菜，此組合好match，佐酒掂檔。 鹹蛋軟殼蟹意大利粉$182，有中式元素，十分惹味，醬汁厚身，咸度剛好， 軟殼蟹軟軟帶點脆，唔會太油，意粉爽滑，掛滿金沙蟹鮮，令齒頰濃香。 Pizza bacon$98， 皮底硬脆，cracker厚度， 煙肉唔會太鹹及太乾，配feta，洋葱及火箭菜，滿足味蕾， 此組合又係我所愛。

放假，來來大坑尋食，打一個圈，好多都是小店，座位比較窄，差不多枱貼枱，唯有此間門大樓高，小貓2，3隻，悠閒，價格適中，不妨試試。 原想點 truffle mac & cheese，侍應說這個會比較heavy，想想就轉pork belly panini，紫微點classic bagel。 先來金屬鑊仔盛上薄脆皮，代替一般餐前麵包，香口滋味，似印度薄脆。 頭盤意式火腿片及2片麵包，賣相吸引，味道有水準，另一個係薯仔沙律，白色薯仔粉爽，沙律菜，日本小红蘿蔔片， 清新，高品質。 Classic bagel，太陽蛋三文魚青瓜，灑葱芫荽面， 伴沙律菜，材料新鮮，麵包香軟，整體可口。 Pork belly panini，店名話明食pork，這嚿肥肉，烤香過，味帶香甜配自家醬，入口溶化，不是想像那麽肥，加蕃茄洋蔥除膩，夾香脆包包，好味，形式似越南法包夾烤由，還有一大兜香脆薯條伴，外賣取走。 在風和日麗下，悠悠午餐，行得來食到好嘢，滿足。

放假，來西九文化區，嚐味，目標此處，要等位，來到才知gulu可取票，等久，隣店有位，但全是牛麵，都要過百元一碗，都返回計續等，室內位子較疏，望住有客食完未起身，有點急，外面長枱都係位子，坐了一會，見有人走，即入內問可否坐，梳化位當然舒服點，不用吹風，當日比較刮！ 最喜歡expresso tonic$55，冰冰晶瑩滑滑，凝望不想攪匀，好似大粒可樂糖，爽，咖啡香，正！ 二款包餐，用酸種包，自然發酵，有益且貴，但我對此包種一般，比較硬及靱，帶子大隻新鮮，牛油果蓉，加柚子醋，提升帶子及魚子鮮味，另一個半個牛油果片配紅菜頭汁雞嘴豆蓉，紅菜頭味食不出，牛油果夠creamy。 班尼蛋，加刁草，增香，蛋黃橙红色爆岩熔，墊底BB波菜嫩滑，最正伴碟西柚及柑，甜鲜，可惜少的！ 用餐90分，海景伴食，真惜時間，瞬間就享完！

澳門第二天，食完自助山，肚飽飽，但都要食lunch，致電8， 玥龍軒，譽龍軒，麗軒，都無位，朋友話全部要預訂，只有此處有門口位，當然要。 女服務員，十分殷勤有禮，細心温柔，比昨天的淳係好。 帶子菠菜餃$78,長腳蟹肉豆苗餃$88， 每樣兩件，高水準， 因朋友唔食得海鮮，侍應說廚師會做素菜餃不在餐牌內，用竹笙包着，類似紅菜頭汁的皮，賣相特别，友人說深圳四季，同樣款式，但綠色波菜餃。 要推介 鮑汁煎三皇雞$298， 半隻細雞，嫩滑不肥，滋味， 煎香又唔會太燶， 恰到好處， 我唔識食鮑汁， 是否鮑汁效應就不得已知？薑片洋蔥， 化學作用提升味道， 佢嘅美味我現在還深深記住！ 金箔片皮乳豬件6件$238， 金箔即只點缀視覺得靚 名貴，食唔到特別，乳豬片太薄脆，中間夾粉片， 都未認真識得佢 ，轉眼就食咗落肚 ，消失無踪！ 因為唔知餐後有甜品送， 還點了西米蛋撻仔， 西米面層比較腻，送甜品十分正， 紅棗糕，蓮蓉酥， 紅豆椰汁糕， 青甜可口賣相精緻，一件件藝術品 真係唔捨得食！

好久之前來過，食物方面不是特别有印象，只記得地方擠迫，不會再選擇。 今次朋友預早book，因為出名，帶加拿大友人來，首先釀乳豬飯，皮薄脆，肉嫩香，有味飯，黃黃地色，不太油，可口，可嚼。 燒沙甸魚，一般，不特别香或也沒有肉帶汁。 本叫馬介休炒雜菜，誰知來了馬介休球，蒜茸炒時菜，侍應說可取消，無所謂照食，如果未食過其他店，這個算合格，但我認為，皮脆得來硬，餡粉多個肉，因為這是最基本菜式，做成這效果，有點兒那個 香草燒羊鞍，三大件，多薯條，但靱，有羊味，味到有羶，我都可以，友人簡值不能試。 蒜茸時蔬，爽甜椰菜，不錯。 最抵紅酒$30／杯。 因枱貼枱，跟隣坐內地同胞，可吹水一番，那裏來，將會去那，點解來這裏食，葡國雞真係大！

喜歡假日來這裏enjoy，不用預訂，環境寬敞，餐具精美，招待員級數較高，客人較少，所以較旺區舒適，就算銅鑼灣淂記有7折，同樣食物，我都喜歡此處。 玻璃壺盛載人參烏龍茶，甘，人參味淡些，@$35。 牛肉餡餅兩隻$72，跟 美中鴨子一樣，有汁，肉滑度一般， 皮香脆。 叉燒蟹殼王四隻$88， 芝麻香口，皮鬆香，叉燒 鹹甜適中，叉香足。 雞湯小雲吞$88，一定要食， 皮餡嫩滑， 雞湯滋味 ，間間都試過，都能保持水準。 雞煨麵$88， 面質唔會腍pet pet，有質感，多菜，底食。 休休閒閒，靈魂受寵，身心開心。

秋天好放假，尋食過生日。 當然淺水灣酒店格調高，價格貴而且要早早預訂，好似我喜即興，找些不需早早預約，自然來此處，有意大利小村風味，遊人稀少，陽光明媚，涼風輕輕，經openrice booking, 且有個窗邊位，看看樹，看看海，望望船， 人，食個lunch，愉悅閒逸。 Set lunch $158，餐湯：西蘭花，濃滑而不多cream奶，沙律爽甜， 主菜1：Rivera pancake, 樣靚，士多啤梨， 黑桑子， 雜錦果仁-少啲， 雲呢拿雪糕 好快溶，變奶，pancake就一般-欠蛋香，都及格。 主菜2： 香烤三文魚+$38，特別在伴生西洋菜，生食，平時係㷛湯，我有懷疑洗唔洗得乾淨，不過都係照食，有期望西洋菜香但無，三文魚各面煎香均勻，皮脆肉香，噴灑檸汁，增添香氣，解解腻，薯蓉好滑香。 要欣賞 蜜糖檸檬茶， 蜜糖香氣， 惹人喜愛， 配清清茶，正，提升身價；洋金菊茶，全花無茶，大大包，香，甜香，花香，陣香， 飄香，我愛，加配蜜糖重正。 發現有厚厚三文治，牛角包，下次要試。

好喜歡之處，在高級商場，有平台開揚觀景，日啡晚酒，價錢平民化，以一般中等收入算，環境開揚，装修簡潔，真的好坐！ 訂枱時間未到，先自己去counter買酒，在外圍平台飲住先，happy hour红酒$48，真的好抵。 三文魚沙律$119，紅洋葱，紅橙車厘茄，新鮮沙律菜，過關。 Charcuterie Board$98， salami, italyham,粉白色圓形火腿，滑，有味而不死咸，最好味麥包，熱熱辣辣軟香，真的好正。 這裡出名pizza,頭痕揀邊款，侍應推介牆上餐牌精選，温泉蛋煙肉，真的好味，煙肉肥美濶條，香滑惹味，爆汁香蛋，加埋薄脆脆pizza芝士底，perfect，舌齒互搶，真的好味。 Tiramisu$72，真的夠份量，軟滑香濃，朱古力味夠，真的滿足！