325
4
5
附加資料
店內惠顧紅白酒可免一支開瓶費
營業時間
今日營業
12:00 - 23:00
星期一至日
12:00 - 23:00
以上資料只供參考, 請與餐廳確認詳情
有關餐廳
有關獎賞計劃
招牌菜
食家推介
相關文章
我是半自助餐的粉絲。因為我非常喜歡食沙律，我可以只選自助沙律部份，不加主菜。如果要加主菜，我會希望主菜有多些選擇。The Grill Room滿足了我上述要求。.它的半自助餐由十二點開始，每位$98包沙律、甜品、炸物、西湯和飲品。沙律有6款，例如凱撒、黎麥菠菜、煙三文魚通粉、番茄芝士等，炸物有薯角、麥樂雞等，甜品有豆腐慕絲蛋糕、桃慕絲蛋糕等。全部任食，加上湯和飲品，可以吃得飽。.主菜方面7種，價錢由$38-$208，選擇範圍頗廣。假如點$38的卡邦尼扁意大利麵，加上$98和加一，百五元有找，非常抵食。.餐廳環境和服務都很好，地方佈置雅致有空間感，服務細心。是日西湯是番茄濃湯，酸甜開胃。主菜：香煎三文魚柳伴菠菜苗及枝豆（$138）三文魚皮脆肉嫩，菠菜苗滑溜無渣，很好吃。主菜：香煎法式雞卷配西蘭花苗及薯蓉（$68）連皮的雞卷意想不到的嫩，外皮煎得香脆。除了咖啡要加錢外，其它飲品不用收費。
繼續閱讀
第二次食呢間餐廳啦，對上一次食晚餐覺得好滿意😆 所以今次去食埋佢地既午餐先🤤。搭正12點一開門即刻上左去，睇睇餐牌，原來午餐係Semi Buffet 形式進行的，我們揀了Semi Buffet，主菜點了牛扒及三文魚。Semi Buffet:🍠紫薯椰菜絲沙律- 我鐘意呢款，紫薯好creamy, 中間夾住d 菜 好fresh 好爽。🥔薯仔沙律- 正常味道。🐟煙三文魚沙律- 煙三文魚不會過鹹，配搭的菜葉都好fresh。🥗手撕雞通粉沙律- 本身呢2款食材我都很喜歡，所以覺得好好味。🍤炸蝦條- 另外一條是炸魚手指，蝦比較彈牙，2 款都好食。🐔炸雞翼- 帶點辛辣味道的炸半邊雞翼，非常惹味。🍵綠茶蛋糕- 甜度適中的慕絲蛋糕，最適合吃飽時吃。🍫朱古力蛋糕- 香濃的甜甜朱古力蛋糕，味道較綠茶甜和濃，建議先吃綠茶後再吃朱古力。主菜：🍴烤紐西蘭10安士肉眼扒配薯條 - 肉眼扒雖然有些少overcooked, 但亦無阻它的味道和口感，口感嫩滑中間帶點Juicy，而且充滿着炭香和滿滿的牛肉香氣，風味十足，我自己就好鐘意。薯條份量頗多，粗幼度適中，帶點鹹香，而且時間過耐了也不會因濕氣而影響口感。🐟香煎三文魚柳伴菠菜苗及枝豆 - 三文魚熟到剛剛好，伴有忌廉及菠菜苗，食材非常之夾，魚皮帶點酥脆。🍹餐茶：我點了凍檸檬茶，正常發揮，甜度自己調配。🥖湯及麵包：當日的湯是番茄湯，除了番茄外，更添加了不同的香料，令茄湯非常香濃。 麵包外脆內軟，正常發揮。食評總結：對於沒有看餐牌便來了的我，見到Semi buffet覺得非常喜出望外，除了食材新鮮，味道好吃，性價比還好高，以一份卡邦尼意粉午餐為例， $140便可享有Semi buffet、主菜、餐湯、麵包、甜品、餐茶。如此豐富的午餐，我非常滿意，下次亦會帶其他朋友再過來吃。
繼續閱讀
呢間餐廳上年生日月去過一次我哋已經好鍾意，老公一直心思思話想再去，近排見到餐廳Lunch 有Semi-Buffet menu就去試吓。出面有個好長好靚嘅吧枱，擺放左buffet 的炸物、沙律🥗、甜品。仲會包一個是日餐湯今日係🧡甘筍忌廉湯🧡， 呢個湯好香甜順滑好濃郁👍🏻佢哋個自製餐包好好食。Main course:🧡 燒紐西蘭肉眼扒10oz🧡去得Grill room 我一定會揀牛😙 牛扒我要左5 成熟，熟度控制得好好，香烤過的牛扒外層香脆帶點炭香味，保持到肉質juicy ，份量好足，薯條亦炸得熱辣辣好香脆。🧡牛肝菌磨菇意大利飯🧡一上枱就聞到好香的牛肝菌味，濃郁的香味配上質地煮得剛剛好的意大利飯，食落口感好好，個汁帶點好輕的芝士味配合整得好好，食完唔會覺得好滯好膩。Mocktails：Staff 介紹咗呢2 款mocktails比我地，Garden eve 好香水果味好好飲有啲似Fruit punch。另一款係可樂底再加爆炸糖，原來混合左之後個感覺又幾特別。呢度真係環境氣氛好好，食物高質，服務細心，值得再訪。
繼續閱讀
餐廳的食物味道、環境裝修都啱mood，播著輕快音樂氣氛輕鬆，適合喺度與另一半約會食飯，服務okay唔錯Scallop Sweet Corn Soup香煎帶子配粟米濃湯> 職員會喺客人面前把粟米濃湯倒入碟內好適合拍片打卡。帶子煎得剛熟中間仍然鮮嫩，濃湯底加入椰奶和雞湯、味道香滑濃稠偏甜Lobster Tail Tagliatelle 龍蝦尾扁意大利麵> 賣相有睇頭，king size龍蝦尾絕不欺場，煎得色香味俱全，肉質爽脆甜配搭三文魚籽更為提升umaminess；扁意大利麵是餐廳自製，al dente之餘又掛汁，湯汁有龍蝦鮮味、整體味道不俗Seasonal Grape Tart 香提忌廉撻> 精美的presentation令人留下深刻印象。撻皮口感較紮實、cream食得出唔係用現成忌廉唧出嚟，打得幾輕盈有奶香不膩口，提子片也很清甜Salted Calamansi HighballIn-house salted calamansi syrup, stolichnaya, soda> highball味道酸酸甜甜、有啲似話梅味道、酒精不濃無藥水味幾適合女仔飲，附上幾粒熱情果乾，可以先飲啖酒再食粒果乾品嚐不同的味道層次、okay
繼續閱讀
由原本L Square搬去銅鑼灣廣場二期的The Grill Room 八月重開。新店環境更有格調，以歐陸式風格設計，加上聽的柔和輕音樂，令人即時放鬆不少。還有細心的服務員有禮貌又服務好，以及經常聽其他人推薦這間餐廳的餐飲出色，所以不坊一試 ~Lunch叫左兩Set分別 : 香煎三文魚柳伴菠菜苗及枝豆 $198 & 美國安格斯牛肉煎蛋漢堡 配 薯條 $168。另加$48 前菜及甜品各2份。餐廳嘅調酒都好受歡迎，所以特意點左兩杯，Highball & Moctail ~首先送上係 Highball 及 Moctail。兩款顏色都好靚，味道清新，飲落帶少少甜，充滿椰子及果香氣，餐湯是南瓜忌廉湯，賣相很好看，濃濃南瓜香，味道鮮甜，附上既麵包口感鬆軟。沙律新鮮爽脆，食料非常豐富，有肉、蔬菜及水果配搭，加上醋汁十分醒胃。香煎三文魚柳伴菠菜苗及枝豆擺盤有講究，呢道菜好健康又有營養。三文魚柳烤到外層香脆，肉質鮮嫩，菠菜苗翠綠清香，枝豆爽口，再沾上忌廉汁更加提升咗口感，依個組合很配。美國安格斯牛肉煎蛋漢堡 配 薯條 安格斯牛肉揀咗5成熟，中間見到粉紅嫩心，入口肉質嫩滑，牛肉都好厚，充滿燒烤焦香味，牛味極濃，連其他材料都非常高質，煎蛋、芝士、蕃茄、生菜，以及搽咗千島汁嘅麵包，配搭有皮薯條，香脆可口，香口食唔停！甜品Tiramisu，賣相別緻及高水準！芝士味同咖啡味特別香濃，忌廉口感好軟滑，食起嚟輕盈唔膩，實在滿足咗視覺及味覺嘅享受，為這一餐劃上完美嘅句號。熱檸檬茶鮮香，好喝。
繼續閱讀