祥仔辣辣 (雅蘭中心) (已結業)

香港人越嚟越鍾意食四川菜，特別係女孩子，越辣越開心，越辣越過癮，如果旺角一帶想坐得舒服而又好味高質素嘅四川野未必好多，但呢一間新派四川菜，除咗環境舒服同地點就腳之外，仲係大廚張錦祥打理，Very good 👍🏼😆呢個「辣到噴火精選套餐」：🔥🐔川味口水雞：辣度恰到好處，秘製汁唔會好油淋淋，啲雞肉比起出邊一般食嘅滑身🔥🌱紅油大豆芽：清爽鮮甜，雖然有調味，但係個汁又唔會蓋過大豆芽本身既味道🔥🍜水晶酸辣粉：佢嘅醬汁一流，酸辣適中，完全係索晒入去水晶粉度，水晶粉本身夠軟身唔似坊間既太煙韌🔥🐟招牌祥仔酸菜魚：自家製酸菜夠惹味，重點係用深海鱸魚，去埋骨一片片咁上，食落去真係冇得輸，滑到尖叫，飲埋佢啖湯就更加想叫碗白飯送下🔥🍃干扁四季豆：走油走得恰到好處，一滴油都冇，色香味俱全🎃黃金南瓜露：食完哂噴火嘅小食同主菜之後，再食呢個甘露般既甜品，即時味蕾降溫，特別之處佢係凍食，估唔到味道變得清新各位愛辣嘅你可以一試☺️