女人街食飯公司

營業中

休息中

女人街食飯公司係一間走懷舊風嘅中菜館，無論門面定店內每個角落都佈置到好似七八十年代咁，摺枱上面冇鋪枱布，好似去左大排檔咁，不過室內其實有冷氣，唔怕食到大汗耷細汗。門口哩對龍鳳都唔知有幾多年冇見過喇，好有親切感。一入門口左邊個收銀位上面個鐵絲網仲夾左啲懷舊雜誌，亮點一定係包時興隆。金沙脆鮮魷($108) - 鮮魷炸漿好薄好脆，上枱時仲熬辣辣，食落去仲係辣口嘅，鹹蛋黃味都好重，非常邪惡好啱餸酒。彩椒黑醋脆豬柳($108) - 豬柳切成條狀一口一件，食落甜甜地脆脆地，中間仲加左彩椒同腰果落去炒，香口又開胃。金銀蛋浸時蔬($88) - 時蔬我地揀左莧菜，菜量都算多，莧菜唔會太老亦冇沙，食完菜仲可以飲兩啖湯。老虎大蝦龍蝦湯脆米泡飯($128) - 龍蝦湯入面除左泡飯，仲有老虎蝦同冬菇片，龍蝦湯好惹味，但又唔會太鹹，食之前再加埋啲脆米上去，脆卜卜咁幾好食。總結，每樣野食都熱辣辣又好食，地方雖然扮街邊大排檔，但環境非常乾淨又有冷氣，好多打卡位，最啱同一班朋友黎，不過真係好多人食，未夠7點已經坐滿人仲有好多人等位，最好早啲黎攞位或者預早book定枱。