608
75
26
港鐵旺角站 E2 出口, 步行約5分鐘
繼續閱讀
電話號碼
26851618
開飯介紹
懷舊大排檔風格餐廳，以舊式香港霓虹燈招牌、鐵閘、酒樓喜宴金龍等作裝飾，提供大排檔菜式如椒鹽粟米、咕嚕肉、香煎蓮藕花枝餅等。
繼續閱讀
營業時間
今日營業
18:00 - 00:00
星期一至日
18:00 - 00:00
以上資料只供參考, 請與餐廳確認詳情
有關獎賞計劃
招牌菜
食家推介
相關文章
又係朋友移民前想食嘅香港嘢～ 大牌檔小炒可能係得香港先食到，不過想食得舒服啲，我哋就揀咗去旺角嘅「女人街食飯公司」，裝修懷舊有特色，枱櫈都係大牌檔/舊式酒樓style，但就有冷氣，而且座位闊落啲～ 我哋4個女仔就只係叫咗4個餸，份量唔算超多，啱啱好食得晒～整體食物質素唔錯，不過價錢就稍貴一啲～ •🥢 瑤柱招牌走地雞 $158 （半隻）雞上面放咗大量蔥絲、炸紅蔥頭同埋瑤柱碎，旁邊仲有兩款醬汁：薑蔥豉油同埋辣醬，配搭都幾豐富～ 走地雞好厚肉，而且唔會好肥，雞肉仲好嫩滑👍🏼 加上調味足夠，單食雞肉已經帶少許鹹香，但連埋配料/點埋醬汁就更有層次～ 個辣醬有啲似配海南雞飯嗰款辣醬，帶輕微酸味，但辣味都幾嗆🫢•🥢 黑椒蜜餞薯仔牛柳粒 $168黑椒薯仔牛柳粒真係大牌檔必食😍 呢到個價錢嚟講，份量就略嫌細份啲🫢 但比例上，牛柳粒同薯仔都各佔一半，而且牛柳粒都唔會太細粒，口感軟腍～薯仔炸得好透，咬落有啲啲外脆內軟，配埋黑椒嘅辣同埋蜜餞嘅甜，真係超夾！👍🏼•🥢 鳳梨懷舊咕嚕肉 $118咕嚕肉整得唔錯，炸皮唔會太厚，而且上咗咕嚕醬都仲保留到少許脆皮口感～咕嚕醬亦都調得酸甜適中，好開胃🤤 但係主角之一嘅鳳梨🍍就得好少🥲 反而就有大量燈籠椒🫑😫•🥢 高湯蝦乾粉絲雜菜煲 $98叫咗3碟都係肉，所以最後就加多個菜，清清哋balance返～ 一煲有晒小棠菜、白菜仔、西蘭花同埋唐生菜，再加埋大大條嘅蝦乾，高湯清得嚟帶點蝦乾嘅鹹香～ 我哋無叫白飯，但食埋呢煲粉絲都好夠飽～•📸 鮮青檸梳打 $26
繼續閱讀
多人聚會必食，惹味鑊氣小菜，人均二百頭抵食好飽，已回頭食店🍲！・・・・・・・・・・・・・・・・・・・・🦐 黑松露鮮蝦多士 HK$28/件 (3件起)・味道：鮮蝦爽脆，多士脆口，黑松露味濃郁，有畫龍點睛。不過要趁熱食，凍咗可能會成口油(亂估)～・口感：個醬係普通黑松露沙律醬，味道上嚟講可以唔使落XD，但濕度上有佢會好好多，因為個多士偏乾。🦑 金沙脆鮮魷 HK$118・味道：鹹蛋黃味濃但可以更濃，個人鍾意去到起沙口感嗰種腎虧鹹蛋黃(＾Д＾)ﾌﾟ，但鮮魷係新鮮的～・口感：鮮魷脆口夠彈，不過呢個價嚟講份量有啲少。🐤 麻辣煎焗雞煲 HK$158・味道：exactly係麻辣雞煲，好惹味香口，重口味人士會大喜。・口感：雞件嫩滑，雞皮俾煲嘅餘溫煎到有微微脆口焦香，好食😋🥬 鹹肉野菌炒雜菜 HK$98・味道：純粹係本波同班friend想心理平衡啲懶健康叫嘅菜，但菜夠鮮冇草青味。・口感：脆口菜菜子desu🥛 八味脆豆腐 HK$62・味道：errr，就是炸皮包一口豆腐，個豆腐好嫩嘅。不過冇咩特別，個炸皮都係得鹹味，以為有炸蒜味但食落係冇的，裝飾用only。喼汁配佢唔算好夾，不過好似大排檔/菜樓叫呢道菜都係配喼汁～・口感：大粒啲嘅一口size會更滿足，巨口黑洞波表示呢個size攝牙罅only TT🐮 黑椒蜜餞薯仔牛柳粒 HK$168・味道：味道出色，牛柳黑椒香好足，不過唔好期望有牛味喇呢啲小菜都係鬆肉粉醃到冇晒肉味的，本波朋友被個薯仔蜜糖脆皮驚艷到which真係好食嘅～・口感：牛柳軟腍，薯仔外皮偏脆口不錯的。但有個大問題，份量做乜事🤡🤡🤡？🍚 砂窩臘味豬油撈飯 HK$88・味道：朋友推薦的果然好食！一打開個煲臘味好香，配埋不死豬油撈飯，豉油甜鹹適中，perfecto🤌・口感：飯粒粒分明，油亮乾身有咬口，正。・・・・・・・・・・・・・・・・・・・・🤰性價比：高～🤰9衝度：9衝～🤰結論：記得訂位，唔係walkin應該有排等，因為平日一開門已經企滿全層都係訂位客坐滿全場XD・・・・・・・・・・・・・・・・・・・・
繼續閱讀
蝦多士好味，啲蝦彈牙、嚿多士好香口，唔洗點醬都已經好味👏🏻墨魚餅勁彈牙🤩沙拉骨個醬勁攻鼻、同埋我覺得啲肉好多肥膏🙃豉油王龍鬚炒麵其實整得幾好，又乾身，但就好鹹🫣風沙九肚魚 $108𝒷𝒾𝓃𝑔𝓈𝓊𝑒𝓉好味指數 🌟🌟🌟胡麻雞絲粉皮𝒷𝒾𝓃𝑔𝓈𝓊𝑒𝓉好味指數 🌟🌟🌟黑松露鮮蝦多士𝒷𝒾𝓃𝑔𝓈𝓊𝑒𝓉好味指數 🌟🌟🌟🌟🌟豉椒炒花甲𝒷𝒾𝓃𝑔𝓈𝓊𝑒𝓉好味指數 🌟🌟🌟🌟八味脆豆腐𝒷𝒾𝓃𝑔𝓈𝓊𝑒𝓉好味指數 🌟🌟🌟🌟青芥沙拉骨𝒷𝒾𝓃𝑔𝓈𝓊𝑒𝓉好味指數 🌟🌟🌟豉油王龍鬚炒麵𝒷𝒾𝓃𝑔𝓈𝓊𝑒𝓉好味指數 🌟🌟墨魚餅𝒷𝒾𝓃𝑔𝓈𝓊𝑒𝓉好味指數 🌟🌟🌟🌟
繼續閱讀
用餐時間明明仲有九個字，想加單叫嘢食，但有個侍應就勁冇禮貌咁問我地之前咁多時間又唔一早叫，而家得番半個鐘用餐時間冇得加單。後尾睇返錶先知原來仲有九個字先夠鐘，同返個侍應講，佢仲要扮聽唔到，態度非常惡劣👎🏻👎🏻👎🏻👎🏻👎🏻臨尾有個朋友飲緊枝氣水，得返小小，之後我個朋友個嘴都未離開支飲管就俾人拎走咗支嘢，唔知乜料？總之成間餐廳啲人都勁冇禮貌想講你走咁。😑😑😑😑明明就話用餐時間有兩個鐘但一個鐘之後見你冇嘢食就想趕你走。🫥🫥🫥啲嘢食又唔係好食又比普通大排檔貴。水魚餐廳
繼續閱讀
見到好多人都推薦呢度，所以有機會終於黎左食！價錢係偏高，但味道不錯，而且贏左有冷氣，食得舒服。野食都有鍋氣同中等份量，一大班黎食係唔錯既選擇，上菜又快，服務都好🤓
繼續閱讀