女人街食飯公司

營業中

休息中

又係朋友移民前想食嘅香港嘢～ 大牌檔小炒可能係得香港先食到，不過想食得舒服啲，我哋就揀咗去旺角嘅「女人街食飯公司」，裝修懷舊有特色，枱櫈都係大牌檔/舊式酒樓style，但就有冷氣，而且座位闊落啲～ 我哋4個女仔就只係叫咗4個餸，份量唔算超多，啱啱好食得晒～整體食物質素唔錯，不過價錢就稍貴一啲～ •🥢 瑤柱招牌走地雞 $158 （半隻）雞上面放咗大量蔥絲、炸紅蔥頭同埋瑤柱碎，旁邊仲有兩款醬汁：薑蔥豉油同埋辣醬，配搭都幾豐富～ 走地雞好厚肉，而且唔會好肥，雞肉仲好嫩滑👍🏼 加上調味足夠，單食雞肉已經帶少許鹹香，但連埋配料/點埋醬汁就更有層次～ 個辣醬有啲似配海南雞飯嗰款辣醬，帶輕微酸味，但辣味都幾嗆🫢•🥢 黑椒蜜餞薯仔牛柳粒 $168黑椒薯仔牛柳粒真係大牌檔必食😍 呢到個價錢嚟講，份量就略嫌細份啲🫢 但比例上，牛柳粒同薯仔都各佔一半，而且牛柳粒都唔會太細粒，口感軟腍～薯仔炸得好透，咬落有啲啲外脆內軟，配埋黑椒嘅辣同埋蜜餞嘅甜，真係超夾！👍🏼•🥢 鳳梨懷舊咕嚕肉 $118咕嚕肉整得唔錯，炸皮唔會太厚，而且上咗咕嚕醬都仲保留到少許脆皮口感～咕嚕醬亦都調得酸甜適中，好開胃🤤 但係主角之一嘅鳳梨🍍

多人聚會必食，惹味鑊氣小菜，人均二百頭抵食好飽，已回頭食店🍲！・・・・・・・・・・・・・・・・・・・・🦐 黑松露鮮蝦多士 HK$28/件 (3件起)・味道：鮮蝦爽脆，多士脆口，黑松露味濃郁，有畫龍點睛。不過要趁熱食，凍咗可能會成口油(亂估)～・口感：個醬係普通黑松露沙律醬，味道上嚟講可以唔使落XD，但濕度上有佢會好好多，因為個多士偏乾。🦑 金沙脆鮮魷 HK$118・味道：鹹蛋黃味濃但可以更濃，個人鍾意去到起沙口感嗰種腎虧鹹蛋黃(＾Д＾)ﾌﾟ，但鮮魷係新鮮的～・口感：鮮魷脆口夠彈，不過呢個價嚟講份量有啲少。🐤 麻辣煎焗雞煲 HK$158・味道：exactly係麻辣雞煲，好惹味香口，重口味人士會大喜。・口感：雞件嫩滑，雞皮俾煲嘅餘溫煎到有微微脆口焦香，好食😋🥬 鹹肉野菌炒雜菜 HK$98・味道：純粹係本波同班friend想心理平衡啲懶健康叫嘅菜，但菜夠鮮冇草青味。・口感：脆口菜菜子desu🥛 八味脆豆腐 HK$62・味道：errr，就是炸皮包一口豆腐，個豆腐好嫩嘅。不過冇咩特別，個炸皮都係得鹹味，以為有炸蒜味但食落係冇的，裝飾用only。喼汁配佢唔算好夾，不過好似大排檔/菜樓叫呢道菜都係配

蝦多士好味，啲蝦彈牙、嚿多士好香口，唔洗點醬都已經好味👏🏻墨魚餅勁彈牙🤩沙拉骨個醬勁攻鼻、同埋我覺得啲肉好多肥膏🙃豉油王龍鬚炒麵其實整得幾好，又乾身，但就好鹹🫣風沙九肚魚 $108𝒷𝒾𝓃𝑔𝓈𝓊𝑒𝓉好味指數 🌟🌟🌟胡麻雞絲粉皮𝒷𝒾𝓃𝑔𝓈𝓊𝑒𝓉好味指數 🌟🌟🌟黑松露鮮蝦多士𝒷𝒾𝓃𝑔𝓈𝓊𝑒𝓉好味指數 🌟🌟🌟🌟🌟豉椒炒花甲𝒷𝒾𝓃𝑔𝓈𝓊𝑒𝓉好味指數 🌟🌟🌟🌟八味脆豆腐𝒷𝒾𝓃𝑔𝓈𝓊𝑒𝓉好味指數 🌟🌟🌟🌟青芥沙拉骨𝒷𝒾𝓃𝑔𝓈𝓊𝑒𝓉好味指數 🌟🌟🌟豉油王龍鬚炒麵𝒷𝒾𝓃𝑔𝓈𝓊𝑒𝓉好味指數 🌟🌟墨魚餅𝒷𝒾𝓃𝑔𝓈𝓊𝑒𝓉好味指數 🌟🌟🌟🌟

用餐時間明明仲有九個字，想加單叫嘢食，但有個侍應就勁冇禮貌咁問我地之前咁多時間又唔一早叫，而家得番半個鐘用餐時間冇得加單。後尾睇返錶先知原來仲有九個字先夠鐘，同返個侍應講，佢仲要扮聽唔到，態度非常惡劣👎🏻👎🏻👎🏻👎🏻👎🏻臨尾有個朋友飲緊枝氣水，得返小小，之後我個朋友個嘴都未離開支飲管就俾人拎走咗支嘢，唔知乜料？總之成間餐廳啲人都勁冇禮貌想講你走咁。😑😑😑😑明明就話用餐時間有兩個鐘但一個鐘之後見你冇嘢食就想趕你走。🫥🫥🫥啲嘢食又唔係好食又比普通大排檔貴。水魚餐廳

見到好多人都推薦呢度，所以有機會終於黎左食！價錢係偏高，但味道不錯，而且贏左有冷氣，食得舒服。野食都有鍋氣同中等份量，一大班黎食係唔錯既選擇，上菜又快，服務都好🤓

舊同事聚舊食餐飯, 8個人一張圓枱啱啱好~女人街食飯公司係一間有冷氣既大排檔，大熱天時又想食大排檔就啱晒啦。不過女人街食飯公司既份量睇得出係比一般大排檔少, 人多就要叫多幾個小菜啦。全部小菜都熱辣辣, 味道唔錯。

舊同事聚舊食餐飯, 8個人一張圓枱啱啱好~女人街食飯公司係一間有冷氣既大排檔，大熱天時又想食大排檔就啱晒啦。不過女人街食飯公司既份量睇得出係比一般大排檔少, 人多就要叫多幾個小菜啦。全部小菜都熱辣辣, 味道唔錯。

✨虎皮尖椒醬爆鮮魷($138)青椒、紅椒、豉椒佔最大部分，好似主角咁🤔鮮魷真係好少🦑不過唔計比例/份量，其實都幾好食，配飯食幾正。青椒好索醬汁 ，味道上幾惹味，而鮮魷嘅質地有彈性。.✨白飯($26 /2碗)平時喺屋企食半碗飯嘅我 表示覺得呢$13嘅飯量係唔足夠，似係BB份量🍚.✨蒜蓉粉絲蒸大元貝($136 /2隻)大元貝真係好大隻，都對得住個價錢掛…大元貝好鮮嫩多汁，醬油同香蒜嘅加入就係精華，粉絲幾索醬油同香蒜😋😋.食物嘅味道其實唔錯，不過價錢同食物份量唔成正比，食完係唔滿足。

旺角人氣大牌檔🔥酒樓風格大門就見到一對嘅鳳凰🐦‍🔥 好有懷舊復古 雖然價錢定位喺同區嚟講算略高但係食物嘅出品同服務對得住個價錢🌟瑤柱招牌走地雞 （$158/半隻）應該要運用咗海南雞嘅煮法，主要係浸熟咗隻雞食落去連雞胸嘅位都好滑身 表面灑滿住蔥絲同埋瑤柱絲令到口感唔會太單一🐔🌟黑松露鮮蝦多士 （$28/件）蝦滑彈牙多士爽脆 表面灑咗薄薄一層黑松露醬 配搭住點松露沙律醬 食落去口感配搭有軟又脆 而且黑松露醬唔會蓋過蝦滑嘅鮮甜🍞🌟 風沙九肚魚 ($108） 烹調控制得好好 唔會過熟 九肚魚炸過之後仲係好軟滑 🌟鳳梨懷舊咕嚕肉（$118） 略為普通 沒有什麼驚喜 炸粉唔算太厚 酸甜開胃🌟椒鹽粟米 （$78) 雖然略為有少少油但係粟米好香甜 而且配上炸蒜 助酒小食一流🍻建議提早訂枱，如果唔係嘅話Walk in等候時間較為長味道 9/10環境 8.5/10推介程度8.5/10 📍女人街食飯公司 (旺角)旺角通菜街1A-1L威達商業大廈1樓B室

香港有其他更好吃的大排檔旺角呢間女人街食飯公司一直喺OpenRice都幾多人推介啦，所以今日就諗住去食吓睇吓味道點。點知真係好難食我第一次喺香港食到咁難食嘅大排檔咁我就叫咗花甲啦肥牛粉絲煲同埋咕嚕肉。個花甲呢好似滾水淥花甲咁完全冇味，然後個肥牛粉絲煲都係冇乜味囉，德國咕嚕肉係好少少。然後嗰度啲員工態度勁差，叫嘢食嘅時候諗住問吓佢有冇炒通菜，跟住佢就勁唔耐煩咁樣答話冇，咁都算啦，到佢出餐嘅時候呢，好似同我玩緊飛碟咁……其實佢係咪想將啲嘢食飛出街？有冇咁大怨氣啊？😰叫咗三樣餸兩碗白飯，四百幾蚊。如果你好食都話啫，而家又唔好食又唔平啲員工態度又差。唔明點解仲可以咁咁多人去食同埋話佢好食囉我走嗰陣見到仲有好多人排晒隊🥶真係建議大家揀其他大排檔食，完全唔需要食呢間嘢。

女人街食飯公司嘅食物評價，真係表現出色，每一道菜都有佢獨到之處，令人難忘。首先，黑松露鮮蝦多士，絕對係開胃小食嘅最佳代表。多士炸至外皮香脆，配上濃郁嘅黑松露醬同新鮮蝦肉，每一口都係味蕾嘅享受，令人一試難忘。接著，黑椒蜜餞薯仔牛柳粒，這道菜將傳統大排檔嘅風味提升到新水平。薯仔同牛柳粒完美吸收咗黑椒同蜜餞嘅精華，外層嘅蜜糖包裹令每一口都充滿驚喜，味道豐富又層次分明。麻辣煎焗雞煲則係另一個亮點，新鮮熱辣嘅雞肉，配上獨特嘅麻辣醬汁，令這道菜既刺激又滿足。雞肉嘅質感既滑嫩又有彈性，非常適合同飯一齊享用，絕對係麻辣愛好者嘅首選。風沙九肚魚雖然可能聽落比較普通，但係呢道菜嘅外脆內軟嘅口感，實際上味道細膩，完美展示咗九肚魚嘅鮮味，係一個穩定嘅選擇。至於油飯，大碗嘅同時，每一粒米飯都充滿咗雞油嘅香味，非常惹味，絕對係滿足你食慾嘅最佳選擇。

6:25就打電話想叫外賣打20分鐘都冇人聽去到發現原來佢晾起咗個電話我都理解，跟住想外賣落單不停叫我哋等一陣明明佢可以幫我哋落單佢都做咗其他嘢先到到可以幫我哋落單嘅時候不停強調要等15-30分鐘同唔收卡到我哋話冇問題嘅時候佢就好唔情願咁落單而家已經等咗4 5分鐘都未有我哋問都係敷衍我哋其實做唔切可以提出唔接外賣我哋可以選擇其他食肆因為旺角真係好多選擇同埋可以唔好態度咁差我知佢哋生意好唔休做但係咁樣做生意真係唔係咁好

餐廳註明6點營業， 6:03打去諗住book一個星期後食， 有人接聽後，佢叫我夜晚9點後或下晝打去，我試過下晝根本無人聽， 我都未講完就被cut線， 態度極之惡劣， 未食已感覺好差😡

走進呢間餐廳，巷弄內嘅裝潢帶我穿越返去昔日香港，一種懷舊氣氛撲面而來。第一道出場嘅係黑松露鮮蝦多士，外皮炸得鬆脆，咬落去卡滋卡滋嘅聲音令人心情大好。🍤鮮蝦夠彈，同黑松露嘅香氣撞擊，真係諗起都興奮！然後個黑椒蜜餞薯仔牛柳粒，每粒牛柳都柔軟入味，入口即溶💓，搭埋一啲微辣微甜嘅蜜餞薯仔，這組合驚艷到我。講起港式味道少不了滷水，屋邨三鮮一點都唔馬虎，豬腸腍滑，雞腎過爽，好味到我諗住當下再叫一碟！講到失望就一定係豉椒大蜆，其實醬汁勁正，啖啖豉香，但蜆啲沙多，吃落有啲礙啲。不過金沙脆鮮魷就正中下懷，撲鼻嘅鹹蛋香令人停唔到口，咸香酥脆，插電一樣離唔開筷子！🦑總體點評，餐廳呢啲港式街頭美味，仲有啲唔錯嘅選擇。有時懷舊嘅香港味道，唔一定要食得好貴才叫正，平民化嘅選擇一樣夠哂味！再來一次，揀啲自己鍾意嘅嚟食，都算係一場不錯嘅回味旅程。🥢

宜家新式大排檔有好多，但要兼顧摩登同傳統好難，而呢到兩者都平衡到～ 環境整潔同新淨，而喺裝修就選擇還原↩️八、九十年代既懷舊風格，有各式各樣既霓虹燈招牌、舊式鐵閘、舊式鋪頭既牌面，同埋傳統酒樓既喜宴金龍，感覺幾有feel👍🏻 野食方面全部都充滿大排檔風味，夠穫氣又夠香口，惹味得黎唔會好鹹同好油～(5 😍 係滿分，🤩係半分）黑椒蜜餞薯仔牛柳粒 ⚫️🥔🐮 - $168 (好味指數：😍😍😍😍)薯仔牛柳粒🥔🐮係經典既大排檔小菜，所以就叫黎試下🤤 果然幾有鑊氣🔥 薯仔粒🥔有走過油，炸過🔥之後金黃色帶有少少燶邊，表皮酥脆，裡面口感綿密，味道香口，解釋到點解一向薯仔🥔比牛🐮受歡迎😂 不過其實牛🐮都唔錯，口感幾嫩滑唔會韌，醃得入味，配埋香口又有少少辣既黑椒粒⚫️，味道惹味又有穫氣，燈籠椒🫑味道爽甜～ 如果全部可以切細粒啲就更加有feel～紐西蘭蟶子皇 🇳🇿🦪 - $136 (好味指數：😍😍😍😍🤩)小編好鍾意食蟶子🦪😍 所以就叫黎試下🤤 一上枱已經見到啲蟶子飽滿肥美，肉質厚實，爽脆彈牙唔會韌，加上用左香濃惹味有鹹香既蒜蓉🧄黎調味，夠晒香口同有油香，亦有提鮮既效果，味道幾鮮甜～黑松露鮮蝦多士 ⚫️🦐🍞 - $84