霸嗎拉麵 (屯門市廣場1期)

營業中

休息中

見尖沙咀嗰間次次行過都排哂長龍，諗住同分店都應該有返咁上下，仲有openrice又多好評，男朋友又中意食拉麵，諗住情人節就去食餐好食嘅拉麵。結論係唔難食，唔好食，但唔會再去食！炙燒豚肉味玉拉麵一上枱，碗麵完全唔吸引，仲衰過超級市場入面嗰啲拉麵檔。湯底啖味，溏心蛋冇味，嚿肉柴到...啲麵算正常，唯一好食少少嘅係啲筍。雞叉燒味玉雞拉麵雞叉燒拉麵啲湯底，蛋麵都差不多，唔同嘅係塊雞肉嫩啲。另外我地叫咗煎餃子，唐楊雞，同炒野菜。炸雞又油又乾，野菜得芽菜同冇味，煎餃子算係正正常常。