喜記避風塘炒辣蟹 (謝斐道)

營業中

休息中

今次同屋企人嚟到「灣仔喜記避風塘炒辣蟹」食晚飯，食物有質素，餐廳環境優美，古色古香，具有特色！最好預先打電話訂位，因為都有好多人去食！因為呢間中菜館有著名人飯堂之稱，亦都係灣仔出名老店！個人推薦中菜館嘅始祖地道菜式 - 招牌避風塘炒辣蟹！另外，仲有薑蔥美國生蠔煲、椒鹽特大瀨尿蝦 、辣酒煮花螺、椒鹽九肚魚拼白飯魚、油鹽水浸蜆，全部都係新鮮又美味嘅海鮮！招牌避風塘炒辣蟹（大蟹）係一道地道招牌菜式，香辣味濃！肉質結實鮮甜，鮮嫩多汁，再配上秘製避風塘炒醬料，完美融合，達到色香味俱全！椒鹽特大瀨尿蝦 重量級海鮮菜式，瀨尿蝦大大隻！入口香脆又美味！辣酒煮花螺一陣陣麻辣香，再配埋爽嫩又新鮮嘅花螺，係一道惹味小菜，配埋啤酒仲正！ 椒鹽九肚魚拼白飯魚金黃色嘅椒鹽九肚魚，入口香口酥脆又好食，啲魚肉就好似豆腐一樣咁嫩滑！油鹽水浸蜆呢個菜式，使用油鹽水煮，令新鮮蜆肉味道加鮮甜清香！