校長燒肉日韓料理 (觀塘廣場)

營業中

休息中

老友話呢個價錢真係可以食到好盡，尤其係特價時段，百幾蚊又火鍋又燒肉又刺身壽司，果然係極罕有貼地價錢！老友熟練地先去攞湯底同煲，熱左個湯先，然後委派我去攞火鍋料。金菇肥牛菜類南瓜冬菇蘿蔔丸丸丸，唔少野揀，芝心丸任夾；望下隔離仲有勁多款燒肉，過去八下雞牛豬唔同部位都有，三色椒都夾d，返到去開始燒肉。雞翼、牛扒、豬扒，夠香夠肉味，檯上黑椒、鹽調一調味就足夠，偶爾有d肉會比較韌，調一調較火力再燒又唔韌，原來唔關肉質事，只係燒太熟。個場都幾闊落，食物同飲品區好多，而且有埋熟食、壽司刺身、各式飲品、雪糕甜品等等，唔怪之得早場都爆滿啦。