更多
2018-10-26
6090 瀏覽
喺香港食韓國炸雞,我最愛嘅都係呢間喺旺角兆萬中心十一樓嘅Yadllie Plate,好似開咗已經兩三年,今次已經係我第四次嚟幫襯佢哋喇,質素仍然繼續保持水準,真係抵佢呢度仍然仲有咁多粉絲支持,次次嚟到都人客滿滿。呢度嘅裝修風格都係走簡約文青路線,一啲純木嘅支柱再加上石紋嘅牆壁,配起光亮嘅吊燈令人和諧舒適,就算只係得兩個人嚟都會被安排卡位就坐,服務不錯令人滿意。今次同姐姐嚟,都揀咗啲以往幾次都冇叫過嘅款式試下~兩個人食三樣嘢其實已經飽到反艇,捧住個肥肚番屋企姐姐好多時都會遷就我,我想食乜都俾我食,所以今次就就番佢一次俾佢叫呢個夏威夷阿努哈嘅小食拼盤($178蚊),裡面除咗有半份原味炸雞之外,仲有椰絲吉列炸蝦五隻,炸洋蔥圈五個,一小part粟米同埋一小兜泡菜。首先不得不讚嘅當然係佢哋啲招牌炸雞,半份嘅份量啱啱好一人可以食到兩件,有雞胸雞搥同雞翼嘅部份,全部炸到金黃色咁拎出嚟睇見已經流哂口水...食落去雖然唔係話十分之熱,但係仍然香脆可口,雞肉鮮嫰而本身雞肉炸之前已經被腌製到入哂味,唔會好似食KFC咁層皮會成塊掉出嚟咁,確實係唔同水平。另外啲椰絲吉列炸蝦估唔到都有番咁上下大隻,食落口蝦肉滿滿
呢度嘅裝修風格都係走簡約文青路線,一啲純木嘅支柱再加上石紋嘅牆壁,配起光亮嘅吊燈令人和諧舒適,就算只係得兩個人嚟都會被安排卡位就坐,服務不錯令人滿意。
今次同姐姐嚟,都揀咗啲以往幾次都冇叫過嘅款式試下~兩個人食三樣嘢其實已經飽到反艇,捧住個肥肚番屋企
$178
134 瀏覽
0 讚好
0 留言
$178
90 瀏覽
0 讚好
0 留言
$148
99 瀏覽
1 讚好
0 留言
$148
84 瀏覽
0 讚好
0 留言
$78
63 瀏覽
0 讚好
0 留言
兩個女人一齊食甜品就會打開埋第二個胃,姐姐話食韓國嘢點可以唔叫韓國冰呢(?!)呢款芝士餅雪冰($78蚊),嚟到嘅時候已經份量澎湃,顏色又靚,面頭唧咗啲忌廉同埋士多啤梨汁,冰嘅上面就加咗一啲藍莓醬汁令到下面嘅牛奶雪冰唔會過甜,酸酸嘅味道好似可以幫助消化咁另外仲有新鮮嘅士多啤梨同藍莓,同埋四件細細舊,口感較實嘅芝士蛋糕仔,大家千祈唔好一個人食一個呀真係會食唔哂架~~~
張貼