謝謝儂 (淘大商場) (已結業)

本身見到門口餐牌，睇落幾吸引，於是入去試吓。入到去成間餐廳都幾大，坐落都算寬敞。叫咗個二人餐，分別有酸辣湯，爆汁煎小飽、春卷、牛肉包，擔擔麵，牛肉麵同酒釀丸子。整體食物麻麻，酸辣湯真係名符其實，酸到極點。啲拉麵好重粉味，湯底又完全無味，牛肉亦好硬同淡，爆汁煎小飽入面乾到一滴汁都無，牛肉包入面啲牛肉超硬同乾，係個春卷算正常少少。成餐飯大部份食物都算係難食，。重點係間餐廳好似無冷氣咁，彷如置身沙漠，唔會再幫襯。