30
3
5
港鐵九龍灣站 A 出口, 步行約10分鐘
繼續閱讀
營業時間
星期一至日
11:00 - 16:00
18:00 - 22:00
公眾假期
11:00 - 16:00
18:00 - 22:00
公眾假期前夕
11:00 - 16:00
18:00 - 22:00
以上資料只供參考, 請與餐廳確認詳情
食家推介
相關文章
買咗一個外賣晚市優惠套餐，有餸有飯有湯，餸我揀咗糖醋魚塊，盛惠$70大元。起初見到好多人對佢有負評，我都唔係抱好大希望㗎啦，純粹想食個飯就算，食飯前我都費事影相📸️。不過食嘅時候真係有意外驚喜，個個都話佢份量好少，但我覺得佢糖醋魚真係有好多塊，仲要每一舊都好厚身嘅肉，唔係淨係得個粉皮，啲魚起碼有8至10塊，仲要全部都好大舊，超級抵食。佢個糖醋將都煮得好好夠味，又唔會話好厚嘅油喺上面（某間連鎖餐廳大X樂啲糖醋魚真係又油又細舊中要得個幾舊仔），佢會將啲三色椒切到好細粒，菠蘿都會切到好細粒，撈埋落嗰醬到真係好好味，最驚喜嘅係我發現裏面有椰果粒，令到嗰醬汁唔單只係醬汁咁簡單，仲好有咬口。雖然九龍灣呢間好似話做到八月就結業，但一定會係佢結業之前再嚟食多幾次！😋😋😋
繼續閱讀
因為之前食過一次，覺得價錢可接受，食物都算不錯，起碼比起以前原址間集團乜乜婆婆好食得多，所以就充滿期待再來。好可惜由入去個一刻開始，我們真的入錯了店。原先以為佢剛開門，所以唔夠冷氣。已經揀入面位坐，搏涼啲。點知坐極都冇咩冷氣。室內空調不足，空氣不流通係疫情下大忌。禮貌地跟個位男店員講，麻煩開大點冷氣，換來係晦氣回應：開咗啦！係咁大喇！根本唔只得我地一檯覺得熱，其他檯都有人在搖扇。你唔係小店二三十蚊一碟菜，呢餐我埋單3個人都差不多500蚊，收咁價錢就唔好咁小氣。看來，要等到天涼了才可以考慮再唔再去呢間孤寒店。講回食物，都係食一般上海菜，冇咩大驚喜，食來食去都係咁，但已經可以滿足我們的味蕾。😅😁
繼續閱讀
本身見到門口餐牌，睇落幾吸引，於是入去試吓。入到去成間餐廳都幾大，坐落都算寬敞。叫咗個二人餐，分別有酸辣湯，爆汁煎小飽、春卷、牛肉包，擔擔麵，牛肉麵同酒釀丸子。整體食物麻麻，酸辣湯真係名符其實，酸到極點。啲拉麵好重粉味，湯底又完全無味，牛肉亦好硬同淡，爆汁煎小飽入面乾到一滴汁都無，牛肉包入面啲牛肉超硬同乾，係個春卷算正常少少。成餐飯大部份食物都算係難食，。重點係間餐廳好似無冷氣咁，彷如置身沙漠，唔會再幫襯。
繼續閱讀
超級劣食！！！🤮🤮🤮一上菜就知出事，酸菜魚好細碗($17x)，一陣死酸味内有少少薯粉似白完加落去。紅油沙手一上菜全部黑色嘅, 好明顯豉油多過紅油啦。一食落口個味似豉油皮加牛肉球， 你冇睇錯係極似牛肉球味。佢個料包嘅竟然係牛肉， 而且個皮極厚， 冇紅油味得豉油味， 超級難食！！！ 排骨擔擔麵啲麵一啲都唔彈，湯又淡，一啲花生味都冇，排骨薄到好似紙咁又乾又硬又冇味。 請大家睇下啲圖真係好差， 俾錢$400, 俾錢買難受大家唔好食。 呢個價錢食平嘅放題都抵過佢🤮之後肚疴咗2日😭,好辛苦P.S 圖一係酸菜魚同其他餸，圖二係紅油抄手 圖三係排骨擔擔麵
繼續閱讀
叫了兩set下午茶第一set酸辣湯麵、肴肉、小龍包第二set 黃金炒飯各配一杯豆漿Total $100埋單食物質素及衛生情況非常之差尤其是衛生情況每一碟菜，上菜姐姐都用隻手指插入啲食物裏面見狀於是提醒上菜姐姐，但她們完全不覺得有問題，繼續用手指插入食物裏面上菜至於食物方面.............酸辣湯麵完全冇味肴肉有一陣豬臭味黃金炒飯正常小龍包皮好厚非常之差嘅體驗...................
繼續閱讀