更多
2020-12-07
2917 瀏覽
自從前年幫襯過一次「我愛慢煮」之後，佢就成為我嘅飯堂😍。不過有段時間冇幫襯，原來餐廳轉咗餐牌，就連門口嘅左青龍右白虎亦都冇咗。我哋星期日晚用訂枱App留位，指定時間仲可享高達5折優惠，超抵🍽！店員安排我哋坐下層高枱，空間感十足。落單流程大致上係揀好食乜，再出去收銀處Order(要講枱號)，其後店員就會送餐。⚠️留意番，如果用訂枱App攞優惠，就要一次過落單，而飲品亦冇折。獨食燒烤盤($138)，拼盤有肉有小食，好豐富，啱哂一個人食或啲心大心細又為食嘅人，即係我😛。拼盤賣相好吸引，擺盤好整齊，唯一有啲唔搭調就係件🧇比利時窩夫寧寧捨捨分開上，味道亦係當中最普通，因為芝士唔夠熱。24小時煙燻烤頂級安格斯牛肉🐮有三件，牛味幾重，但我呢份嘅肉質有啲韌，可能過熟。24小時煙燻烤美式豬腩🐷亦有三件，外形有啲似叉燒，食落好香口，因為啲肥膏燒至入口溶化嘅效果。烤紐倫堡香腸就正正常常。肉以外嘅配菜亦都不得了🤤，當中嘅公司薯仔沙律🥔超級正，因為用上芥末醬調味，開胃又解膩。🍅香草車厘茄亦都唔錯，有好多粒。至於🥗雜菜沙律同🥚六十三度温泉蛋，質素同樣有水準。24小時法式由油封鴨髀($88)，鴨髀無其他配菜，就係得兩
自從前年幫襯過一次「我愛慢煮」之後，佢就成為我嘅飯堂😍。不過有段時間冇幫襯，原來餐廳轉咗餐牌，就連門口嘅左青龍右白虎亦都冇咗。我哋星期日晚用訂枱App留位，指定時間仲可享高達5折優惠，超抵🍽！
店員安排我哋坐下層高枱，空間感十足。落單流程大致上係揀好食乜，再出去收銀處Order(要講枱號)，其後店員就會送餐。⚠️留意番，如果用訂枱App攞優惠，就要一次過落單，而飲品亦冇折。
獨食燒烤盤
$138
44 瀏覽
0 讚好
0 留言
24小時煙燻烤頂級安格斯牛肉🐮有三件，牛味幾重，但我呢份嘅肉質有啲韌，可能過熟。24小時煙燻烤美式豬腩🐷亦有三件，外形有啲似叉燒，食落好香口，因為啲肥膏燒至入口溶化嘅效果。烤紐倫堡香腸就正正常常。肉以外嘅配菜亦都不得了🤤，當中嘅公司薯仔沙律🥔超級正，因為用上芥末醬調味，開胃又解膩。🍅香草車厘茄亦都唔錯，有好多粒。至於🥗雜菜沙律同🥚六十三度温泉蛋，質素同樣有水準。
24小時法式由油封鴨髀
$88
41 瀏覽
1 讚好
0 留言
24小時法式由油封鴨髀($88)，鴨髀無其他配菜，就係得兩大隻鴨髀🍗，但已經夠哂，因為好出色。依個價錢有兩隻超值，其他西餐廳可能賣雙倍價錢，但份量減半。鴨肉入味，唔會太鹹，而且肉質亦唔鞋口，整體令人滿意😋。
芝士忌廉菠菜苗
$28
27 瀏覽
0 讚好
0 留言
牛油卡真蝦仁串
$28
24 瀏覽
1 讚好
0 留言
慢煮紅酒梨配雪糕
$30
29 瀏覽
0 讚好
0 留言
慢煮紅酒梨配雪糕($30)，呢個甜品係必點推介，因為上次食過印象非常深刻，定價好似仲比以前平咗，之前好似要$4X。🍐紅酒梨好入味，全個染哂紅酒色，酒味濃得嚟易入口🍷，不過略嫌梨肉唔夠淋身，仍然爽爽哋。伴旁嘅雪糕係芒果味，都OK。
飲品方面，我哋要咗凍水果茶($35)同埋澳洲檸檬青檸特飲($38)。其實餐廳有好多手工啤🍺，但返屋企要繼續做嘢，所以都係要無酒精好了。飲品唔算大杯，杯身磨砂令到我以為相機矇咗，哈哈。水果茶唔太甜，味道幾好。🍋檸檬嗰杯比想像中酸，但都幾好飲。
總括嚟講，我愛慢煮依舊無令人失望，甚至比之前更出色👍。食咗咁多嘢，每人折完百五蚊都唔使，性價比高。雖然我上面評價有少部份彈，但綜合各方面仍然係值得高度推介✨！難怪餐廳位置咁吊腳都咁多人幫襯，不過附近亦係文青打卡地帶嚟嘅。
張貼
