八居酒屋 (旺角新城)

營業中

休息中

餐廳：八居酒屋地點：旺角彌敦道菜式：日本菜餐牌：午市有多款套餐，有生有熟食，一共20款，包茶碗蒸，味噌湯同甜品。仲可以追加刺身，小食，飲品同甜品。用手機落單。小貝柱海膽拖羅蓉丼 $148 另加一小貝柱海膽拖羅蓉丼睇落的的骰骰，其實份量唔少。海膽4/5片，食落又鮮又甜又唔腥，正！小貝柱6粒，質素都唔錯。下面就係一底拖羅蓉，好滑溜，加上蔥花同黑白芝麻粒，味道唔錯。醋飯酸度同甜度適中，份量唔少，有一大碗，夠飽肚。伴有日式芥末同少量酸薑片。跟餐居然有沙律，係雜菜沙律加車厘茄，簡單用胡麻醬調味，食材新鮮。茶碗蒸好滑溜，入面有菇，蟹柳，同雞肉，清淡得黎好味。味噌湯入面有昆布同豆腐乾，味道剛好。甜品係雪糕一杯，我揀左開心果味，食落香滑美味，細細杯唔會膩。其他味仲有朱古力，綠茶，同雲呢拿等。白身魚厚切刺身兩切 $38 另加一加左個刺身，白身魚厚切刺身果然好厚切，食落肥美魚鮮。日本桃汁 $32 另加一日本桃汁用玻璃杯裝，加上冰，好香桃味，好好飲，味道唔假。總括而言，個餐食物質素唔錯，而且好豐富，喺旺角想食日本野可以試吓。