韓屋

韓國菜唔係淨係得韓燒同炸雞，我自己都好鐘意食韓式湯飯，飯粒吸收晒湯汁特別好味，韓屋就係主打冇味精冇防腐劑嘅韓式住家熱湯。-餐牌選擇唔多，主要分熱湯、拌飯同餃子三大類，我地每個類別都叫咗一樣試下。-香辣牛肉湯 ($138) + 韓國紅米飯 ($15)熱湯選擇超過十款，飯要另外加錢，係溝咗紅米嘅白飯，呢款湯頭辣味唔會蓋過牛肉味，只有少少辣好開胃，調味得啱啱好，牛胸骨肉煮得好軟腍，配埋大量蔬菜，健康又好味。-醬炒牛肉芝士石鍋拌飯 ($128)拌飯有分石鍋同韓式，我咁鐘意食飯焦一定揀石鍋，仲要加芝士，份量唔少可以拉絲，配料有紅蘿蔔絲、翠玉瓜、荳芽、波菜同紫菜，加埋辣醬撈勻嚟食口感非常豐富又有層次。-餃子王 ($15) + 泡菜餃子王 ($15)餃子有蒸亦有煎，我地叫咗兩款餃子王都好足料飽滿，外皮唔算厚，菜肉餡好有白菜香味，而泡菜餡就帶少少酸辣味。