影片
更多
2023-05-09
492 瀏覽
鰂魚涌係我長大嘅地方，近年搬走咗，偶爾重回舊地，每次經過英皇道都有不少變化。原來英皇道1001號起咗棟新商廈，同姨婆去睇睇有幾間餐廳，剛好有姨婆喜歡食嘅潮州菜。座位非常好坐，圓枱，有間隔，好啱食飯傾吓計，比我同老一輩都覺得係舒適嘅。通常食潮州菜，都係講「打冷」為多，比較地道。而依一間菜館嘅菜式定位就比較別緻，而且仲見到好多未見過嘅菜式，大開眼界。護國菜 $68————————————先點湯品，首先見到個中文名我係完全估唔到咩菜式，原來係燉蕃薯葉湯，無論外表定係對於依種食材嘅煮法都非常特別，番薯葉係完全打碎，而且係冇菜青味，有淡淡的菜香同輕輕嘅顆粒感，加上炒香嘅瑤柱，更加豐富。二十年老菜甫燉鮮豬肚 $78————————————20年老菜甫果然夠香，爽口嘅口感，就算整粒食都唔會覺得過鹹，而且非常開胃，鮮豬肚一啲都唔韌，而且冇雪藏嘅味道，果然係鮮豬肚。芋蓉原隻帶子 $298————————————外層非常酥脆，一口咬落去係我最愛嘅芋頭蓉，非常香口，非常滿足，加上整粒大帶子，三重享受🤤頭抽煎英䱽 $488————————————一件件魚片上，方便食用，魚皮煎得少少焦香，利用頭抽去煎魚，可以帶
座位非常好坐，圓枱，有間隔，好啱食飯傾吓計，比我同老一輩都覺得係舒適嘅。
通常食潮州菜，都係講「打冷」為多，比較地道。而依一間菜館嘅菜式定位就比較別緻，而且仲見到好多未見過嘅菜式，大開眼界。
護國菜 $68
————————————
先點湯品，首先見到個中文名我係完全估唔到咩菜式，原來係燉蕃薯葉湯，無論外表定係對於依種食材嘅煮法都非常特別，番薯葉係完全打碎，而且係冇菜青味，有淡淡的菜香同輕輕嘅顆粒感，加上炒香嘅瑤柱，更加豐富。
二十年老菜甫燉鮮豬肚 $78
————————————
20年老菜甫果然夠香，爽口嘅口感，就算整粒食都唔會覺得過鹹，而且非常開胃，鮮豬肚一啲都唔韌，而且冇雪藏嘅味道，果然係鮮豬肚。
芋蓉原隻帶子 $298
————————————
外層非常酥脆，一口咬落去係我最愛嘅芋頭蓉，非常香口，非常滿足，加上整粒大帶子，三重享受🤤
頭抽煎英䱽 $488
————————————
一件件魚片上，方便食用，魚皮煎得少少焦香，利用頭抽去煎魚，可以帶出甘香，啖啖魚肉，正🥰
薑薯綠豆爽 $45
————————————
最後點咗個甜品，都係第一次聽「薑薯」，原來係潮州人好喜愛嘅補品，益處多多，口感爽，切成薄薄一片。解膩。
餐廳係上菜前同完餐後都送上功夫茶，濃郁茶香，而且回甘，適合解膩。
張貼
