影片
更多
2023-09-09
188 瀏覽
一向熱愛炒小菜嘅我其實已經bookmark左呢間女人街食飯公司，book左十次，亦cancel左十次都出席唔到，唔係朋友有事就打風要改期。終於今日可以食到啦🤤🤤好彩一早OpenRice訂左位，去到嗰陣見到好多人等位。餐廳環境好有老香港嘅感覺，雖然知道係刻意復刻，但仍然得帶出老香港嘅情懷，要知道食物除左味道之外，仲包含回憶。就好似阿媽煮嘅餸咁，未必係最好味但總會令你懷念，記得以前啱啱出嚟做野邊有咁多錢去fine dining,同班friend放工聚埋一齊食飯都係去大排檔，青葱歲月總令人懷念，或者係情意結又或者係真係鍾意食炒小菜，所以久唔久都會同班friend回味下😌😌今次我哋試左👇🏻黑松露鮮蝦多士(每件$28,最少三件起)蝦大隻，彈牙爽口，多士炸到金黃香脆，夠乾身唔會食到成口油同埋最最最緊要冇油益味👍🏻👍🏻上面配有小小黑松露醬入口有淡淡嘅松露香，推薦🧡一口臭豆腐 $72鍾意食臭豆腐真係要試❤️佢一上枱係真係聞到幾臭架😂😂最加分係佢細細粒，唔會好漏好飽，點埋甜醬辣醬，真係食到停唔到口鳳梨懷舊咕嚕肉 $118咕嚕肉炸得夠脆，炸粉唔會過厚，鍾意佢唔會太大舊，容易食之餘仲能夠令醬汁同肉嘅比例更ba
一向熱愛炒小菜嘅我其實已經bookmark左呢間女人街食飯公司，book左十次，亦cancel左十次都出席唔到，唔係朋友有事就打風要改期。終於今日可以食到啦🤤🤤好彩一早OpenRice訂左位，去到嗰陣見到好多人等位。
餐廳環境好有老香港嘅感覺，雖然知道係刻意復刻，但仍然得帶出老香港嘅情懷，要知道食物除左味道之外，仲包含回憶。就好似阿媽煮嘅餸咁，未必係最好味但總會令你懷念，記得以前啱啱出嚟做野邊有咁多錢去fine dining,同班friend放工聚埋一齊食飯都係去大排檔，青葱歲月總令人懷念，或者係情意結又或者係真係鍾意食炒小菜，所以久唔久都會同班friend回味下😌😌
今次我哋試左👇🏻
黑松露鮮蝦多士(每件$28,最少三件起)
蝦大隻，彈牙爽口，多士炸到金黃香脆，夠乾身唔會食到成口油同埋最最最緊要冇油益味👍🏻👍🏻上面配有小小黑松露醬入口有淡淡嘅松露香，推薦🧡
一口臭豆腐 $72
鍾意食臭豆腐真係要試❤️佢一上枱係真係聞到幾臭架😂😂最加分係佢細細粒，唔會好漏好飽，點埋甜醬辣醬，真係食到停唔到口
鳳梨懷舊咕嚕肉 $118
咕嚕肉炸得夠脆，炸粉唔會過厚，鍾意佢唔會太大舊，容易食之餘仲能夠令醬汁同肉嘅比例更balance，而酸甜比例唔錯,夠曬開胃
金銀蛋浸莧菜 $88
味道係正常金銀蛋浸菜嘅味，但啲菜好硬，唔係好入味🫣
紅燒乳鴿 $98
表皮香脆，肉質嫩滑多汁
總括黎講盡對物超所值我哋四個人，一個小朋友叫埋飯，飲品都係$600左右，而且食物質素絕對可以😎😎係一個唔錯嘅選擇啊🫶🏻🫶🏻
張貼
