渝味曉宇重慶老火鍋 (太子集團中心) (已結業) 查看

此乃久仰大名的麻辣火鍋，一直都好想去試，因為一直都只係獨愛老鍋，但呢間聽好多人講好好食，咪試下囉～麻辣都係我最愛！先來前菜紅棗冰糖雪耳糖水，好清甜好好味，但我真係唔知點解要食正餐之前就係甜品哈哈～仲有就係糍粑，好似日式年糕咁，甜甜地好好味呀！（不過好似食完呢個會飽左哈哈）呢個鍋同台式真係好唔同，我地叫左鴛鴦鍋，係麻辣的大銅上面有個大骨湯，等你辣到快飛起的時候可姒過下冷河～成件事個辣真係好重慶好內地既食法，因為好多內臟食，首先係招牌菜牛骨髓、王牌牛肝、我最愛的豬紅，就連唔係好多地方有得食既豬天梯都有得食，同行朋友真係好中意食豬天梯，成碟食晒～好中意個苕粉，感覺就係薯粉，放落麻辣湯入面，好吸湯好入味呀，我食到停唔到口～不過食完真係有點油。我地仲有叫耗兒魚、炸豆皮、墨魚滑、秋葵、鮮菇等，全部都話咁快清晒，證明個湯底有幾惹味！肥牛好靚～好柔軟而且加埋店家秘製麻油，真係好好味！店員好熱心咁推介個甜品南瓜餅，中間有一點點豆沙，食落好似豆沙鍋餅，炸到好香口，成完咁重口味既野有啲甜野中和下個口都係好事。