影片
更多
2020-06-10
186 瀏覽
祥仔辣辣 #旺角❗️中菜都有tasting menu $198食到七個菜式❗️喺網上留意到呢間新開嘅川菜雖然做緊 tasting menu $198🤩平時淨係兜酸菜魚都已經唔止呢個價，見佢咁抵食即刻book位試✨我係經OpenRice book位買呢一個優惠，上面寫明每日限量發售20套，所以有興趣就快啲買啦🙈！辣到噴火精選套餐$198/1🔥最少兩人起。雖然個名係辣到噴火，但係整體辣度唔高🙈平時食開譚仔三小辣嘅我覺得濕濕碎，唔係太食得辣嘅人都應該接受到，而且有啲仲要係唔辣㗎🤣！1️⃣蔥火山木耳味道: 3.5/52️⃣川味口水雞 味道: 3.6/5前菜先有經典嘅酸辣木耳，同嫩滑鹹辣嘅口水雞，做到一般四川菜嘅水準，冇太大驚喜但係冇失望。3️⃣祥仔招牌酸菜魚 味道: 3.6/5嚟到最期待嘅主菜🐟酸味幾突出，而且魚片都滑，但就冇想像中咁辣，而且份量唔多，大部份都係酸菜芽菜等配菜🙈不過欣賞酸菜酸味恰到好處，又唔會鹹得制👍🏻係好味酸菜呀！4️⃣噴火小籠包 味道: 4/55️⃣乾煽四季豆 味道: 4.2/56️⃣香芹豬肉水餃 味道: 3/5仲有三款小菜😆小籠包超有驚喜✨第一次品嚐到川辣嘅小籠包，鹹鹹香香又多汁，皮唔會太厚，值得一
❗️中菜都有tasting menu $198食到七個菜式❗️
喺網上留意到呢間新開嘅川菜雖然做緊 tasting menu $198🤩平時淨係兜酸菜魚都已經唔止呢個價，見佢咁抵食即刻book位試✨我係經OpenRice book位買呢一個優惠，上面寫明每日限量發售20套，所以有興趣就快啲買啦🙈！
辣到噴火精選套餐$198/1🔥最少兩人起。
雖然個名係辣到噴火，但係整體辣度唔高🙈平時食開譚仔三小辣嘅我覺得濕濕碎，唔係太食得辣嘅人都應該接受到，而且有啲仲要係唔辣㗎🤣！
1️⃣蔥火山木耳味道: 3.5/5
2️⃣川味口水雞 味道: 3.6/5
前菜先有經典嘅酸辣木耳，同嫩滑鹹辣嘅口水雞，做到一般四川菜嘅水準，冇太大驚喜但係冇失望。
3️⃣祥仔招牌酸菜魚 味道: 3.6/5
嚟到最期待嘅主菜🐟酸味幾突出，而且魚片都滑，但就冇想像中咁辣，而且份量唔多，大部份都係酸菜芽菜等配菜🙈不過欣賞酸菜酸味恰到好處，又唔會鹹得制👍🏻係好味酸菜呀！
4️⃣噴火小籠包 味道: 4/5
5️⃣乾煽四季豆 味道: 4.2/5
6️⃣香芹豬肉水餃 味道: 3/5
仲有三款小菜😆小籠包超有驚喜✨第一次品嚐到川辣嘅小籠包，鹹鹹香香又多汁，皮唔會太厚，值得一試👍🏻四季豆亦比想像中好食，甚至係全晚最愛嘅菜式，蒜香十足，加上肉碎去炒，非常惹味😚水餃就較為普通，皮太厚，餡料冇特別。
7️⃣黃金南瓜露 味道: 4/5
第一次食南瓜露，比想像中好食👍🏻椰汁味非常重，甜甜地再滲透着淡淡的南瓜香氣，如果南瓜味可以再重啲就完美！
整體性價比: 4.4/5
整體來講$198絕對係抵到爛，食到超級飽☺️菜色方面，整體質素不過不失，間中有一兩道有啲驚喜，性價比算唔錯✨如果對味道要求唔係好高，想平平哋試吓唔同嘅川菜菜式，呢一間都係一個好選擇。
蔥火山木耳
41 瀏覽
0 讚好
0 留言
川味口水雞
23 瀏覽
0 讚好
0 留言
祥仔招牌酸菜魚
19 瀏覽
0 讚好
0 留言
噴火小籠包
9 瀏覽
0 讚好
0 留言
噴火小籠包
29 瀏覽
0 讚好
0 留言
香芹豬肉水餃
7 瀏覽
0 讚好
0 留言
乾煽四季豆
22 瀏覽
0 讚好
0 留言
黃金南瓜露
16 瀏覽
0 讚好
0 留言
張貼
