更多
2020-07-20
242 瀏覽
今晚屋企無飯食，本來想叫外賣，最後決定去德美食個Quick Dinner，見到佢地都做緊外賣自取9折優惠。之前食過幾次，中意呢度d魚生飯幾有誠意，厚切上枱，唔係薄薄地hea你嗰種，會keep住幫襯。《德美海膽魚生飯 $158》魚生丼或定食均配沙律及味噌湯，沙律菜新鮮，配上帶子一隻，上面撒上芝士粉，味道幾得意。海膽魚生飯勁足料，賣相精美，款式亦好多，包括海膽、三文魚、油甘魚、帶子、三文魚籽、蟹籽、蟹棒，以及印上「德美」二字的玉子。先來一口海膽，口感細膩鮮甜，算是不錯。三文魚籽每粒脹卜卜，鮮味四溢，連埋飯一齊食好滿足。三文魚、油甘魚新鮮肥美，5塊同樣厚切，絕不馬虎；帶子則中規中矩，質感肉厚，無雪藏味，不過未夠甘甜。米飯卻有小驚喜，醬油飯配上香菇、昆布和芝麻，酸酸甜甜，鮮味提升，飯粒分明有咬口，唔需要再蘸醬油已經好好味。
今晚屋企無飯食，本來想叫外賣，最後決定去德美食個Quick Dinner，見到佢地都做緊外賣自取9折優惠。之前食過幾次，中意呢度d魚生飯幾有誠意，厚切上枱，唔係薄薄地hea你嗰種，會keep住幫襯。
《德美海膽魚生飯 $158》
魚生丼或定食均配沙律及味噌湯，沙律菜新鮮，配上帶子一隻，上面撒上芝士粉，味道幾得意。
海膽魚生飯勁足料，賣相精美，款式亦好多，包括海膽、三文魚、油甘魚、帶子、三文魚籽、蟹籽、蟹棒，以及印上「德美」二字的玉子。先來一口海膽，口感細膩鮮甜，算是不錯。三文魚籽每粒脹卜卜，鮮味四溢，連埋飯一齊食好滿足。
三文魚、油甘魚新鮮肥美，5塊同樣厚切，絕不馬虎；帶子則中規中矩，質感肉厚，無雪藏味，不過未夠甘甜。
米飯卻有小驚喜，醬油飯配上香菇、昆布和芝麻，酸酸甜甜，鮮味提升，飯粒分明有咬口，唔需要再蘸醬油已經好好味。
張貼
