炸老闆 (已結業)

阿叔👨🏻每次去台灣，掃街👅係必定嘅動作之一，特別係台灣夜市街邊嘅炸物，夠晒邪惡，又有風味，而且好好食，叫人點忍呢！😛😛.今日經過太子，發現一間店名好抵死嘅台式蔥油餅店，店內所有蔥油餅可以包唔同餡料，有大蒜香腸🌭、肉鬆鹹蛋黃🥚、台式九層塔等🥦，全部即叫即炸🔥。阿叔今次先幫襯原味炸蛋🍳套餐($31)，每件蔥油餅師傅👨🏼‍🍳都會喺你面前炸，新鮮熱辣辣，而且又酥又脆，好好食，可惜做唔到流心蛋嘅效果，如果係就完美喇！😅套餐包一杯冷泡茶🥤，如果怕太熱氣，建議好似阿叔叫杯古早味冬瓜茶，味道清甜又可以幫你下下火，消消熱氣！😚😚😚