新澳咖啡餐室 (九龍灣工業中心) (已結業)

【觀塘區】【新澳咖啡餐室】又去九龍灣工商業區嗰邊做嘢，我有啲肚餓，所以就真係想確切地食啲嘢。咁樣開頭講呢樣嘢又係有啲廢，因為平時其實咪又係咁食嘢，寫到今次先係特登去食咁。喺自己做嘢嗰棟度搵嘢食，就見到有間啲嘢食好似幾吸引。咁我入到去揭 menu 啦，發現冇咗頭先見到嗰啲嘢食，咁奇怪嘅，原來外面啲 poster 唔係呢間嘅，真無奈。咁既然一場嚟到又坐低咗就算啦，聽講隔離都係同一個老細，咁就食呢間都係同一個人賺錢啦，都唔會覺得可惜嘅。叫咗個 $42 嘅下午茶「新澳炸雞髀」配「滋味粗薯條」，隻雞髀唔算話炸得好好，但係算幾大隻，啖啖肉，算係咁啦。薯條係茶餐廳嘅曲薯條，只可惜份量就唔多。嘢飲我加 $3 飲「凍華田」，都係正正常常啦，冇特別。佢哋紅磡店個厚切西多幾正，所以叫咗個 $32 嘅「粗粒花生醬厚切西多士配英倫糖漿」，點知完全唔係嗰回事，係比普通西多仲要薄啲，令我幾失望吓，味道都係一般。飲埋「熱朱古力」埋單 $77，嗯。。。（地址：九龍灣宏開道15號 九龍灣工業中心地下3號舖）#1amfoodie #foodie #hkfoodie #thatfoodiething #hkfood #foo