影片
更多
2021-11-11
1257 瀏覽
係快要跟2021年說再見，倒數仲有60日左右既時候，當然要點算下米芝蓮既星星摘得如何喇！早前就去左一直係To eat list好耐既駿景軒，品嘗「清酒x海鮮」配搭餐單，最特別係呢個係同日本JFOODO合作既SEAFOOD LOVES SAKE.既特別menu，當中有幾道菜係配上咗唔同既sake。真心試過先知道原來sake唔一定淨係可以配日本菜，原來同中菜一樣可以咁夾，將菜式加以提升～ 駿景軒既位置係位於英皇駿景酒店，呢次既晚宴就係一個私隱度都幾高既「貴賓廳」進行，實在令人期待！ 黃金炸魚皮 x 蒜泥白五卷 x 椒鹽田雞腿先黎既前菜係一式三款既— 黃金炸魚皮本身已經令人一食難忘，金香既蛋黃將魚皮「重重包圍」，本來已經係一個好balance既配搭。《1. 月桂冠愛說話的鯨魚純米酒-薰酒》黃金炸魚皮香脆之餘帶全水醇厚既咸香，與帶住香甜清新口味既「月桂冠愛說話的鯨魚純米酒-薰酒」剛好做到濃淡相宜，味道相襯。值得一提既呢款清酒都係席上朋友當晚既最愛呢。蒜泥白肉本身既麻辣香就好醒胃；加埋惹味而肉質有彈性既椒鹽田雞腿，三款前菜確係互相輝映。(主菜)杏汁白肺湯呢款湯向來都係駿景軒嘅名物，一飲就知道係真
早前就去左一直係To eat list好耐既駿景軒，品嘗「清酒x海鮮」配搭餐單，最特別係呢個係同日本JFOODO合作既SEAFOOD LOVES SAKE.既特別menu，當中有幾道菜係配上咗唔同既sake。
真心試過先知道原來sake唔一定淨係可以配日本菜，原來同中菜一樣可以咁夾，將菜式加以提升～
駿景軒既位置係位於英皇駿景酒店，呢次既晚宴就係一個私隱度都幾高既「貴賓廳」進行，實在令人期待！
黃金炸魚皮 x 蒜泥白五卷 x 椒鹽田雞腿
先黎既前菜係一式三款既— 黃金炸魚皮本身已經令人一食難忘，金香既蛋黃將魚皮「重重包圍」，本來已經係一個好balance既配搭。
《1. 月桂冠愛說話的鯨魚純米酒-薰酒》
黃金炸魚皮香脆之餘帶全水醇厚既咸香，與帶住香甜清新口味既「月桂冠愛說話的鯨魚純米酒-薰酒」剛好做到濃淡相宜，味道相襯。值得一提既呢款清酒都係席上朋友當晚既最愛呢。
蒜泥白肉本身既麻辣香就好醒胃；加埋惹味而肉質有彈性既椒鹽田雞腿，三款前菜確係互相輝映。
(主菜)
杏汁白肺湯
呢款湯向來都係駿景軒嘅名物，一飲就知道係真材實料，而且冇過分誇大既杏味，湯中既豬肺亦能夠食得出係清洗過程很細緻的。
金銀蒜粉絲蒸元貝
肉厚肥美既元貝雪白，而「識食」既朋友梗係會知道精華更加係粵式金銀蒜同粉絲既部分，掛汁能力強。
《2. 嘉美心備中流 純米大吟釀 – 爽酒》
「嘉美心備中流 純米大吟釀 – 爽酒」輕盈清新既味道將元貝既鮮味極大化咁展現左出黎，正正同當中既金銀蒜同粉絲一樣，令主角元貝更添多種層次同口感。
瓦罉胡椒蝦
呢個亦係駿景軒既必點名物，胡椒既刺激同蝦既鮮甜兩者本黎已係天作之合，為味蕾帶黎刺激感。
《3. 真野鶴鶴辛口 本釀造 – 醇酒》
進階既係配一口「真野鶴鶴辛口 本釀造 – 醇酒」既香醇，令海鮮鮮味倍增之餘，仲多添一份帶著酒香既餘韻，確係令人意猶未盡之感～
拔絲咕嚕肉
如果要揀一道當晚做得最好既菜式，定必係呢道睇黎似係家常小菜而已既咕嚕肉，事實係脆漿能夠做到薄如紙，肉不鞋身，便足以見到其功力了，令人回味～
水煮桂魚片
個人品評呢款菜式屬中上既辣度，魚肉新鮮而有彈性，墊底既麵條掛汁力強，係一道有覇氣既菜式；
《4. 達磨正宗三年 – 熟酒》
麻、辣、鮮三方平衡係呢度菜式裏可以充分體現，如果再加上「達磨正宗三年 – 熟酒」既濃醇，令本黎已經豐富多彩既味道更上一層樓，呢支古酒更自帶話梅香味，令味蕾飽受刺激！
黑松露手撕炸子雞
炸子雞既重點係薄而紙般香口既見雞皮，每片以少量黑松露鋪面，輕巧既黑松露香氣乃係畫龍點睛既
鮮茄濃湯浸菜苗
呢一道既菜苗湯乃係平實既，效果有如西式fine dining既雪芭吧，稍為過場一下吧～
(飯)
生炒糯米飯
黎到澱粉既部分前，已經頗有飽肚感，係挺有涼意既天氣下，係能夠倍添暖意的。
(甜品)
雪耳海底椰 x 芋蓉煎堆仔
即使吃得多飽也好，個人認為甜品部分係都唔能夠錯過的，前者香甜潤喉，後者「皮薄餡靚」，有令人食完一口又一口既魔力，令豐富而有質素既晚宴圓滿落幕。
經過呢晚之後，深深感受到日本清酒x廣東海鮮料理既配搭係非常罕見而新潮，又好有驚喜，特別感謝專業侍酒師既詳細解說，如果有機會既都真係好值得發掘下呀！
張貼
