更多
2020-10-13
568 瀏覽
同朋友行完海旁就搵吓附近有咩好食，見天氣涼涼地，梗係食啲比較可以暖下身嘅嘢食啦。去到帝景灣附近，見到有間食川菜嘅餐廳，【鱻味館】門面得體價錢又可以接受所以就入去一試。「八大菜系之一非四川菜莫屬」我最鍾意川菜呢就係用「麻、辣、鮮、香」為特色。同埋川菜嘅小炒，例如干燒、干鍋、干煸都好好食。呢度環境入到黎都尚算光猛，一眼望晒非常整齊，當中大概有三個卡位，六七張圓枱同埋四五張四五人枱嘅位置，每張枱與枱之間都有適當嘅距離跟返而家限聚令嘅規定都有設置膠板去做分隔。所以食得放心又安心。先點涼拌菜，都掙扎咗一段時間，因為見佢有一個金牌口水雞例牌，又有我鍾意食嘅蒜泥白肉同埋夫妻肺片，仲有控油金錢肚都好吸引但係最尾都揀咗麻辣豬耳 $48💟麻辣豬耳 $48碟豬耳上到枱，見到都有心機將去擺盤，一層層咁疊起來，面層就係薄切豬耳同炸左嘅花生粒，底層就有薄切青瓜。呢度嘅豬耳比起我平時出面食嘅切得比較薄所以入口會更加爽口同埋容易咀嚼，叫咗小辣嘅關係味道剛好。作為一個開頭嘅涼拌菜係非常合格嘅。分量唔算好多兩個人食啱啱好但係如果三個人食嘅話就可能唔夠喉了。主菜就叫咗老闆娘推介嘅💟辣子炒肥腸$118我見到炒肥腸仲有一隻泡椒
同朋友行完海旁就搵吓附近有咩好食，見天氣涼涼地，梗係食啲比較可以暖下身嘅嘢食啦。去到帝景灣附近，見到有間食川菜嘅餐廳，【鱻味館】門面得體價錢又可以接受所以就入去一試。
「八大菜系之一非四川菜莫屬」
我最鍾意川菜呢就係用「麻、辣、鮮、香」為特色。同埋川菜嘅小炒，例如干燒、干鍋、干煸都好好食。
呢度環境入到黎都尚算光猛，一眼望晒非常整齊，當中大概有三個卡位，六七張圓枱同埋四五張四五人枱嘅位置，每張枱與枱之間都有適當嘅距離跟返而家限聚令嘅規定都有設置膠板去做分隔。所以食得放心又安心。
先點涼拌菜，都掙扎咗一段時間，因為見佢有一個金牌口水雞例牌，又有我鍾意食嘅蒜泥白肉同埋夫妻肺片，仲有控油金錢肚都好吸引但係最尾都揀咗麻辣豬耳 $48
💟麻辣豬耳 $48
碟豬耳上到枱，見到都有心機將去擺盤，一層層咁疊起來，面層就係薄切豬耳同炸左嘅花生粒，底層就有薄切青瓜。
麻辣豬耳
24 瀏覽
0 讚好
0 留言
呢度嘅豬耳比起我平時出面食嘅切得比較薄所以入口會更加爽口同埋容易咀嚼，叫咗小辣嘅關係味道剛好。
麻辣豬耳
21 瀏覽
0 讚好
0 留言
作為一個開頭嘅涼拌菜係非常合格嘅。
分量唔算好多兩個人食啱啱好但係如果三個人食嘅話就可能唔夠喉了。
麻辣豬耳
19 瀏覽
0 讚好
0 留言
主菜就叫咗老闆娘推介嘅💟辣子炒肥腸$118
我見到炒肥腸仲有一隻泡椒嘅形式去炒添。
辣子炒肥腸
18 瀏覽
0 讚好
0 留言
呢個菜式非常之推介，過往一般食嘅肥腸都係好似普通炸大腸咁，以片裝形式呈上，而且大細都有返咁上下。但係呢度嘅大細係以粒狀形式呈現。就算係老一輩都比較容易去咀嚼。
辣子炒肥腸
18 瀏覽
0 讚好
0 留言
辣子炒肥腸
32 瀏覽
0 讚好
0 留言
同埋有埋辣子料去做調味，切粒既方法可能顯得更加入味。連埋配菜有洋蔥同埋其他青椒紅椒黃椒等等。encore！
辣子炒肥腸
14 瀏覽
0 讚好
0 留言
呢度有三種魚「豆花魚、酸菜魚同水煮魚」
💟二人份量嘅水煮魚$218，如果可能三個人或者四個人去食可以加大份量$298
水煮魚
10 瀏覽
0 讚好
0 留言
水煮魚
9 瀏覽
0 讚好
0 留言
水煮湯底見得出好有誠意，因為見到幾粒好大粒嘅辣椒乾，魚片份量多又大大件，仲有顏色非常鮮艷，睇見都好有食慾。
水煮魚
16 瀏覽
0 讚好
0 留言
配菜就有芽菜同埋好大片嘅寬粉。淨係食佢嘅配菜都已經可以食到好飽肚。不過我覺得寬粉就要改善一下了，因為真係非常大片，如果小朋友或者老人家應該都比較難去咀嚼。
水煮魚
8 瀏覽
0 讚好
0 留言
但論味道挺得意的，麻辣味道但彈牙既super級河粉咁。
水煮魚
14 瀏覽
0 讚好
0 留言
魚片每片大片並且有鮮味，餐牌冇講到明係用咩魚類去烹調但係感覺似係鯇魚。每塊魚片啖啖肉，就算黑衣人唔啱嘅話我覺得都夠三個人左加去食。成個水煮魚唔夠辣嘅話可以要求加辣所以建議由小辣開始食起。
水煮魚
23 瀏覽
0 讚好
0 留言
最後見到個辣子炒雞軟骨都好吸引見佢有啲客飯有成19款都幾抵食價錢都係四十幾至60幾蚊仲有五款辣到可以選擇BB辣至到勁辣。但係兩個人來講，呢個份量已經非常足夠。食到飽飽咁離開。
全餐飯都係以麻辣為主要，但呢度冷氣非常足夠，所以一到食一到都唔會食到流晒汗。舒舒服服咁嘆正宗川菜。
張貼
