15
0
0
港鐵將軍澳站 B1 出口, 步行約5分鐘 繼續閱讀
電話號碼
26829968
51133277 (Whatsapp)
開飯介紹
以四川菜為主的中菜館,主打的菜式都是辣的。提供5個辣的程度給食客選擇。而餐廳有別於傳統中菜館,於午餐時段會提供中菜以外的飯餐,切合不同食客的需求。 繼續閱讀
營業時間
今日營業
11:00 - 21:30
星期一至日
11:00 - 21:30
公眾假期
11:00 - 21:30
公眾假期前夕
11:00 - 21:30
付款方式
現金
座位數目
70
其他資料
網上訂座
Wi-Fi
酒精飲品
自帶酒水
電話訂座 詳細介紹
賞訂座積分
電視播放
有關獎賞計劃
食評 (15)
同朋友行完海旁就搵吓附近有咩好食,見天氣涼涼地,梗係食啲比較可以暖下身嘅嘢食啦。去到帝景灣附近,見到有間食川菜嘅餐廳,【鱻味館】門面得體價錢又可以接受所以就入去一試。「八大菜系之一非四川菜莫屬」我最鍾意川菜呢就係用「麻、辣、鮮、香」為特色。同埋川菜嘅小炒,例如干燒、干鍋、干煸都好好食。呢度環境入到黎都尚算光猛,一眼望晒非常整齊,當中大概有三個卡位,六七張圓枱同埋四五張四五人枱嘅位置,每張枱與枱之間都有適當嘅距離跟返而家限聚令嘅規定都有設置膠板去做分隔。所以食得放心又安心。先點涼拌菜,都掙扎咗一段時間,因為見佢有一個金牌口水雞例牌,又有我鍾意食嘅蒜泥白肉同埋夫妻肺片,仲有控油金錢肚都好吸引但係最尾都揀咗麻辣豬耳 $48💟麻辣豬耳 $48碟豬耳上到枱,見到都有心機將去擺盤,一層層咁疊起來,面層就係薄切豬耳同炸左嘅花生粒,底層就有薄切青瓜。呢度嘅豬耳比起我平時出面食嘅切得比較薄所以入口會更加爽口同埋容易咀嚼,叫咗小辣嘅關係味道剛好。作為一個開頭嘅涼拌菜係非常合格嘅。分量唔算好多兩個人食啱啱好但係如果三個人食嘅話就可能唔夠喉了。主菜就叫咗老闆娘推介嘅💟辣子炒肥腸$118我見到炒肥腸仲有一隻泡椒嘅形式去炒添。呢個菜式非常之推介,過往一般食嘅肥腸都係好似普通炸大腸咁,以片裝形式呈上,而且大細都有返咁上下。但係呢度嘅大細係以粒狀形式呈現。就算係老一輩都比較容易去咀嚼。同埋有埋辣子料去做調味,切粒既方法可能顯得更加入味。連埋配菜有洋蔥同埋其他青椒紅椒黃椒等等。encore!呢度有三種魚「豆花魚、酸菜魚同水煮魚」💟二人份量嘅水煮魚$218,如果可能三個人或者四個人去食可以加大份量$298水煮湯底見得出好有誠意,因為見到幾粒好大粒嘅辣椒乾,魚片份量多又大大件,仲有顏色非常鮮艷,睇見都好有食慾。配菜就有芽菜同埋好大片嘅寬粉。淨係食佢嘅配菜都已經可以食到好飽肚。不過我覺得寬粉就要改善一下了,因為真係非常大片,如果小朋友或者老人家應該都比較難去咀嚼。但論味道挺得意的,麻辣味道但彈牙既super級河粉咁。魚片每片大片並且有鮮味,餐牌冇講到明係用咩魚類去烹調但係感覺似係鯇魚。每塊魚片啖啖肉,就算黑衣人唔啱嘅話我覺得都夠三個人左加去食。成個水煮魚唔夠辣嘅話可以要求加辣所以建議由小辣開始食起。最後見到個辣子炒雞軟骨都好吸引見佢有啲客飯有成19款都幾抵食價錢都係四十幾至60幾蚊仲有五款辣到可以選擇BB辣至到勁辣。但係兩個人來講,呢個份量已經非常足夠。食到飽飽咁離開。全餐飯都係以麻辣為主要,但呢度冷氣非常足夠,所以一到食一到都唔會食到流晒汗。舒舒服服咁嘆正宗川菜。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-03
217 瀏覽
今晚下暴雨,所以在家附近吃晚飯。這家餐廳前身是吃火鍋,我吃過一次。現在轉為川菜,餐廳的格局不錯,餐桌與餐桌之間用了竹簾分隔。看看餐牌,吃的都是川菜,有我最喜歡的酸菜魚。前菜是辣涼拌海帶,辣味很夠。⭐️嗆炒萵筍片$68加入兩種辣椒、蒜片等香料炒香,萵筍片切得薄薄,仍有一點厚度,入口爽脆,微辣,辣椒只是稍微調味,沒有真的很辣,口感很棒。⭐️金牌口水雞$58口水雞入口冰凍,肉質很爽,冰冰涼涼的很開胃。辣味沒有滲入雞肉,所以沒有很辣,吃不了辣的都可以吃。⭐️鱻味酸菜魚$218最期待的酸菜魚終於端上來了。份量非常多,有魚片、酸菜、薯粉、珍珠筍、芝麻、芫荽等。入口魚片鮮嫩,沒有骨頭,夾著酸菜進食,味道香辣。最開心是湯頭沒有嗆人的辣油,但小辣也辣味十足。還有一條條的扁薯粉,口感煙煙韌韌,配魚片吃實在很棒!如果酸菜的味道再酸一點,相信酸菜魚的味道更上一層樓!▫️將軍澳區的美食愈來愈多,這家川菜館的菜式也不錯。 繼續閱讀
(以上食評乃用戶個人意見 , 並不代表OpenRice之觀點。)
等級1 2020-10-25
0 瀏覽
突然想食酸菜魚,係openrice搵左幾間心水想試既,但只有呢間仲book到位,地點距離係幾遠下,但想食都要付出腳程🤪塞車遲左好在店家無cancel我既booking (openrice訂臺有9折),而去到其實都唔full,可以隨便揀臺坐一心想食酸菜魚當然必點,另外仲點左夫妻肺片,炒萵筍食物好快送到,第一味上枱嘅係酸菜魚,一拎到黎已經食指大動,我哋嗌左小辣,食落口辣到剛好,魚片都好滑,唯獨美中不足嘅係唔多寬粉,以寬粉係尋底應該唔係一齊煮,所以唔入味同埋黐埋一舊,正唔正宗我就唔知,但整體係好食,二人份都係198第二碟上枱嘅係夫妻肺片,佢係小食嚟, $48一碟,份量比想像中多,佢屬於冷盤,個汁好惹味亦都適中唔會過鹹,呢碟都好好食最後上枱嘅係炒萵筍, $68一碟亦都係非常大碟,一食落口超有鑊氣,但就偏油,鍾意食萵筍嘅應該會like題外話,間舖頭位於帝景灣,都係啲新落成嘅樓盤,其實冇乜舖頭開張,較為靜局,正因為咁,可以慢慢享用食物唔怕被催趕,如果開喺我屋企附近我應該會成日幫襯😝 繼續閱讀
(以上食評乃用戶個人意見 , 並不代表OpenRice之觀點。)
Sichuan Style❤️ Original Spicy❤️ 辣得好過癮🥢..一間開業一個月多既中菜館,隱藏於新型屋苑內,位置較隱蔽,但在這裡用餐倍感寧靜,又有高私穩度。餐廳主打 ♨️四川菜式,集:麻、香、辣、鮮,於一身,質素真的不錯,麻香中吃出食材既鮮味呢。.而且價錢不貴,價錢親民大眾化,已經吃到高質素菜式,無論賣相或味道,都在水準之上呢。以後在將軍澳想吃正宗川菜❓這家無疑是一個好選擇。.ll $218ll $118ll $58ll $12.今次點選了:一個涼拌菜 & 兩個主菜,加一碗米飯,份量剛剛好呢。涼拌菜麻辣牛展🐮,滷得不錯而且帶咬口,加上麻辣醬汁&香酥豆同吃,很惹味。.主菜:麻辣炒肥腸🐽,滿滿辣子舖滿炸香既腸腸上,很香口,辣中帶出麻香味,愈食愈過癮。酸菜魚🐟 同樣吸引,魚肉質很嫩滑,加上麻辣味度,調得剛好,滿滿一盤魚片能吃出鮮味。.配上一碗米飯🍚,也是我這個飯桶👻,吃中菜不能缺少吧。麻辣香滲進米飯,味道同樣昇華。吃著吃著,米飯也吃光光。這家親民小店,真的值得推薦。..×××××ש將軍澳唐賢街23號帝景灣商場1樓34-35號舖.. 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-16
0 瀏覽
Happy Friday 要食好嘢,於是在家附近搵食,友人想食辣野,咁見呢間新開冇幾耐,喜愛嘗新的我,就一定會去食下至得😚。-麻辣拍青瓜(小辣)作為前菜,青瓜很爽口帶麻辣,非常醒胃。-辣子蒜香排骨排骨炸過,配上大量辣子香蒜加紫洋蔥粒,見到咁多辣椒,以為很辣,但味道又唔錯很惹味。-水煮魚(2人份量)小辣內裏除咗必定有嘅魚之外,還有萵苣、粟米芯、少量寬粉,大量芽菜,見到咁紅以為好鬼辣,好彩叫左小辣,個味道都係我哋預期嘅,故一口接一口便清晒佢了🥳題外話,坐下後服務員溫馨地派了口罩紙袋,非常之貼心啊! 繼續閱讀
(以上食評乃用戶個人意見 , 並不代表OpenRice之觀點。)