鱻味館 (已易手) 新餐廳

一向酸菜魚超級fans, 邊度有都會去試下。之前成日係OpenRice 同外賣平台見到呢間店都好想試，今日終於去左試午餐，外賣平台自取仲有折，抵過十X味。六十蚊唔洗仲有野飲（有得揀唔係得一種），個酸菜魚都好多料，仲有闊粉，有驚喜！魚片都好滑，最緊要唔係雪魚柳。（本人覺得好多收幾百蚊一個酸菜魚/水煮魚都只係用雪魚柳係好低質）唯一係因為用鮮魚，所以會有碎骨，但對食開魚既我冇問題。下次會再試其他，性價比高！

呢間餐廳既位置有小小偏，將軍澳mtr出咗之後其實都近既，不過要揾一揾。酸菜魚二人份，叫咗小辣。呢個酸菜魚無論係酸菜，魚同個汁都相當好味。個汁調味調得好好，唔會得酸菜既酸味，都幾有層次，撈飯真係一大碗都食晒，因為實在太惹味喇。湯底有少量寬粉，寬粉係大大塊薄身透明果款，如果可以多小小就好喇。入面既魚份量都唔少，兩個人食綽綽有餘，不過有幾舊魚去骨未去清，食到細骨。呢間餐廳新開冇耐，酸菜魚相當推薦，其實仲有川菜想試，不過兩個人食唔到咁多。員工都好有禮貌，不過上菜速度略嫌慢咗啲，個酸菜魚都等咗有20分鐘，之後叫白飯都催咗一次先有。同個餐牌比較簡陋，白飯要問佢先知有，因為餐牌上冇寫。不過overall 味道取勝，呢間係香港暫時食過最好食既酸菜魚。

突然想食酸菜魚，係openrice搵左幾間心水想試既，但只有呢間仲book到位，地點距離係幾遠下，但想食都要付出腳程🤪塞車遲左好在店家無cancel我既booking （openrice訂臺有9折），而去到其實都唔full，可以隨便揀臺坐一心想食酸菜魚當然必點，另外仲點左夫妻肺片，炒萵筍食物好快送到，第一味上枱嘅係酸菜魚，一拎到黎已經食指大動，我哋嗌左小辣，食落口辣到剛好，魚片都好滑，唯獨美中不足嘅係唔多寬粉，以寬粉係尋底應該唔係一齊煮，所以唔入味同埋黐埋一舊，正唔正宗我就唔知，但整體係好食，二人份都係198第二碟上枱嘅係夫妻肺片，佢係小食嚟， $48一碟，份量比想像中多，佢屬於冷盤，個汁好惹味亦都適中唔會過鹹，呢碟都好好食最後上枱嘅係炒萵筍， $68一碟亦都係非常大碟，一食落口超有鑊氣，但就偏油，鍾意食萵筍嘅應該會like題外話，間舖頭位於帝景灣，都係啲新落成嘅樓盤，其實冇乜舖頭開張，較為靜局，正因為咁，可以慢慢享用食物唔怕被催趕，如果開喺我屋企附近我應該會成日幫襯😝

Sichuan Style❤️ Original Spicy❤️ 辣得好過癮🥢..一間開業一個月多既中菜館，隱藏於新型屋苑內，位置較隱蔽，但在這裡用餐倍感寧靜，又有高私穩度。餐廳主打 ♨️四川菜式，集：麻、香、辣、鮮，於一身，質素真的不錯，麻香中吃出食材既鮮味呢。.而且價錢不貴，價錢親民大眾化，已經吃到高質素菜式，無論賣相或味道，都在水準之上呢。以後在將軍澳想吃正宗川菜❓這家無疑是一個好選擇。.ll $218ll $118ll $58ll $12.今次點選了：一個涼拌菜 & 兩個主菜，加一碗米飯，份量剛剛好呢。涼拌菜麻辣牛展🐮，滷得不錯而且帶咬口，加上麻辣醬汁&香酥豆同吃，很惹味。.主菜：麻辣炒肥腸🐽，滿滿辣子舖滿炸香既腸腸上，很香口，辣中帶出麻香味，愈食愈過癮。酸菜魚🐟 同樣吸引，魚肉質很嫩滑，加上麻辣味度，調得剛好，滿滿一盤魚片能吃出鮮味。.配上一碗米飯🍚，也是我這個飯桶👻，吃中菜不能缺少吧。麻辣香滲進米飯，味道同樣昇華。吃著吃著，米飯也吃光光。這家親民小店，真的值得推薦。..×××××ש將軍澳唐賢街23號帝景灣商場1樓34-35號舖..

Happy Friday 要食好嘢，於是在家附近搵食，友人想食辣野，咁見呢間新開冇幾耐，喜愛嘗新的我，就一定會去食下至得😚。-麻辣拍青瓜（小辣）作為前菜，青瓜很爽口帶麻辣，非常醒胃。-辣子蒜香排骨排骨炸過，配上大量辣子香蒜加紫洋蔥粒，見到咁多辣椒，以為很辣，但味道又唔錯很惹味。-水煮魚（2人份量）小辣內裏除咗必定有嘅魚之外，還有萵苣、粟米芯、少量寬粉，大量芽菜，見到咁紅以為好鬼辣，好彩叫左小辣，個味道都係我哋預期嘅，故一口接一口便清晒佢了🥳題外話，坐下後服務員溫馨地派了口罩紙袋，非常之貼心啊！

同朋友行完海旁就搵吓附近有咩好食，見天氣涼涼地，梗係食啲比較可以暖下身嘅嘢食啦。去到帝景灣附近，見到有間食川菜嘅餐廳，【鱻味館】門面得體價錢又可以接受所以就入去一試。「八大菜系之一非四川菜莫屬」我最鍾意川菜呢就係用「麻、辣、鮮、香」為特色。同埋川菜嘅小炒，例如干燒、干鍋、干煸都好好食。呢度環境入到黎都尚算光猛，一眼望晒非常整齊，當中大概有三個卡位，六七張圓枱同埋四五張四五人枱嘅位置，每張枱與枱之間都有適當嘅距離跟返而家限聚令嘅規定都有設置膠板去做分隔。所以食得放心又安心。先點涼拌菜，都掙扎咗一段時間，因為見佢有一個金牌口水雞例牌，又有我鍾意食嘅蒜泥白肉同埋夫妻肺片，仲有控油金錢肚都好吸引但係最尾都揀咗麻辣豬耳 $48💟麻辣豬耳 $48碟豬耳上到枱，見到都有心機將去擺盤，一層層咁疊起來，面層就係薄切豬耳同炸左嘅花生粒，底層就有薄切青瓜。呢度嘅豬耳比起我平時出面食嘅切得比較薄所以入口會更加爽口同埋容易咀嚼，叫咗小辣嘅關係味道剛好。作為一個開頭嘅涼拌菜係非常合格嘅。分量唔算好多兩個人食啱啱好但係如果三個人食嘅話就可能唔夠喉了。主菜就叫咗老闆娘推介嘅💟辣子炒肥腸$118我見到炒肥腸仲有一隻泡椒

屋企附近開咗間四川菜既餐廳，為左滿足一己辣欲 今日專程去試下如果唔係住個頭 真係唔會發現到個商場 因為比較隱蔽 聽聞廚師來自四川 正宗川菜口味 店員非常有善地提醒 辣度 ( 小辣係我可以接受既)前菜先黎麻辣海帶絲 試試辣 爽脆海帶 香辣程度可接受就要開始入小菜 + 主菜見每台都點 酸菜魚 當然要試吓 話晒係招牌菜2人份量非常大，面盆咁大個顏色鮮豔 辣味十足 即使係小辣 唇已經發麻魚片煮得片滑嫩無骨 當然要夾埋配菜一齊食 ( 芽菜,酸菜,紅薯粉,椰菜等等) 食嘅時候要小心 因為酸度同麻辣度 係意想不到 送飯一流個人鍾意薯粉，煙韌又有口感 加埋魚 層次多元化小菜: 酸菜炒肉絲肉絲炒得好惹味，基本我認識既辣椒都係晒一碟比酸菜魚重要辣, 不得了 愛辣人士 唔可以錯過黃金皮蛋講起哩碟 真係有回憶好耐已經無食過 之前係四川旅行 我只食到哩一碟菜 ( 辣度剛好 又有蛋香)今日再次可以食返 開心皮清澈透明，相比普通的黑色皮蛋 睇賣相都WIN 加上味清淡 切開 溏心蛋黃溏心 微微爆漿 一啖放入嘴，重有一絲的鮮甜再加上蔥花 澆上醬油、醋、辣椒油爽口開胃

懂我的朋友也知道，我經常在港島區出沒，這天有幸全賴有鐵路的支援下，我又離開了親愛的港島區，這次前目的地方，就是將軍澳。餐廳位於將軍澳的商場之內，距離地鐵站路程只需要五分鐘左右，還算方便，可以接受。餐廳主打的就是四川菜，也不喜歡吃太辣的我，這次也可以好好品嚐一番，但我最意想不到的就是餐廳的裝橫，如回到了古代一般。 食物味道方面，我最喜愛的就是炒土豆絲，雖然其他也做得不錯，但炒土豆絲絕對是超水準，入口香脆可口，又美味，完全沒有一點澱粉質的感覺，真是爽脆。

罕有地今日出去將軍澳去探一個親戚，然後再食飯 ~因為信錯了 Google Map, 弄得我找到半死，才能到達地方，認真一肚氣 ~用餐地點就在帝景灣的 Umami 鱻味館 ~Umami 鱻味館 , 是一家正宗四川菜館 , 並由極富經驗的四川廚師主理 ~Menu ~爆脆蓮藕丁 : 蓮藕粒粒爽脆，味道大約是6分麻4分辣 ~嗆炒萵筍片 : 萵筍炒得清香爽嫩 , 不油不膩味 , 味道清清哋而又不失味道 ~辣子炒雞丁 : 雞丁炒得香口惹味 , 這店的雞丁好似是用雞翼切段 , 雞丁粒粒有骨 , 極有風味 , 佐酒一流 ~鹵水拼盤 (小) : 拼盤食物就是麻辣豬耳、鹵水雞腎、麻辣拍青瓜，豬耳爽口又嫩，雞腎入味爽口 , 實在不錯吃 ~鱻味水煮魚 (二人份) : 睇外表就好似好辣 , 但其實食落口並沒有想像中辣 , 味道是麻麻香香 ; 魚肉是用鱸魚肉 (已去骨) , 味道鮮嫩滑溜又有魚味 , 除了魚肉外還有寬粉、粟米芯、萵筍、芽菜 , 既好食有夠風味 ~本篇完 ~

將軍澳愈黎愈似天空之城，講緊係由商場連成既🥶 大型連鎖餐廳好多，四川私房菜反而真係無咩選擇，知道屋企附近新開左依間鱻味館就帶媽媽去試。我地去既時候係中午四點左右，點菜後老闆送左一小碟麻辣海帶俾我地食，幾惹味！酸菜魚超大碟😍 湯底酸酸地好醒胃，酸鹹合宜，拿捏得剛剛好。魚既份量好多好抵食，香滑鮮嫩毫無腥味，一啲魚骨都無，可以好放心咁食👍🏻 除左魚肉同酸菜之外，入面仲有紅薯粉等等嘅配料，好豐富！辣子炒肥腸，望落去好似好辣咁，但其實並唔係齋得辣味咁寡，鑊氣好夠重！香辣惹味，豬腸食落去外脆內軟而且洗得好乾淨！手撕包菜，又係炒得好有鑊氣既菜式。呢度嘅拍青瓜醬汁同其他餐廳有少少唔同，唔係齋用辣油就有既味道，係用咗餐廳秘製嘅醬汁🧐

趁長假期到將軍澳海濱長廊走走、周邊的住宅樓下有不少新開的餐廳。這陣子愛上了川菜、就試試帝景灣新開的鱻味館吧。先送上夫婦肺片、沒有想像中辣但麻香味十足、特別偏愛牛肚比較爽口。二人份量的酸菜魚一點也不欺場、一上桌已經香氣撲鼻、桂花魚嫩滑、夾著酸菜、酸、麻、辣香氣突出、芽菜、紅薯粉吸引了魚湯味道、美味～酸辣土豆絲 好爽口、惹味之餘有陣陣麻香、非常有驚喜的一道家常小菜。這也算是近來試過頗有驚喜的家庭式川菜館

今晚下暴雨，所以在家附近吃晚飯。這家餐廳前身是吃火鍋，我吃過一次。現在轉為川菜，餐廳的格局不錯，餐桌與餐桌之間用了竹簾分隔。看看餐牌，吃的都是川菜，有我最喜歡的酸菜魚。前菜是辣涼拌海帶，辣味很夠。⭐️嗆炒萵筍片$68加入兩種辣椒、蒜片等香料炒香，萵筍片切得薄薄，仍有一點厚度，入口爽脆，微辣，辣椒只是稍微調味，沒有真的很辣，口感很棒。⭐️金牌口水雞$58口水雞入口冰凍，肉質很爽，冰冰涼涼的很開胃。辣味沒有滲入雞肉，所以沒有很辣，吃不了辣的都可以吃。⭐️鱻味酸菜魚$218最期待的酸菜魚終於端上來了。份量非常多，有魚片、酸菜、薯粉、珍珠筍、芝麻、芫荽等。入口魚片鮮嫩，沒有骨頭，夾著酸菜進食，味道香辣。最開心是湯頭沒有嗆人的辣油，但小辣也辣味十足。還有一條條的扁薯粉，口感煙煙韌韌，配魚片吃實在很棒！如果酸菜的味道再酸一點，相信酸菜魚的味道更上一層樓！▫️將軍澳區的美食愈來愈多，這家川菜館的菜式也不錯。

朋友住喺將軍澳，佢好鐘意食辣野，呢日就帶左我去佢屋企附近一間四川餐廳到食dinner。見到餐牌上有唔少正宗既四川菜！點左菜之後就有涼拌土豆絲做小食！黎呢度當然要食佢既招牌菜啦，我地點左鱻味酸菜魚呢個酸菜魚非常地道，用上自家醃製既酸菜，酸酸辣辣，好開胃！入面有好多魚肉，爽口嫩滑！另外，我地仲點左嗆炒蒿筍片，蒿筍片好新鮮同爽脆，呢道菜唔算好辣，好易入口，健康餸飯之選！最後，仲有呢個乾扁四季豆，都好惹味！

🌟鱻味館🌟係最近喺將軍澳新開業嘅川菜館！💕酸菜魚🐟（二人份）$218酸菜魚🐟係招牌菜，當然要試吓！嘩！份量非常大，好誇張！🤩魚片煮得剛剛好，魚肉彈牙滑溜😍，夾埋酸菜一齊食，好滋味！👍🏻 魚片有小量魚骨，食嘅時候要小心！⚠️湯底酸度及麻辣度🌶岩岩好！😋💕金牌口水雞🐓（例牌） $58🐓雞肉肉質嫩滑，底層仲有青瓜片🥒，配上濃郁惹味嘅麻辣醬料🌶，正呀！☺️💕嗆炒萵筍片 $88萵筍片新鮮爽脆，清甜可口，用上花椒及辣椒🌶去炒，唔錯呀！🥰

聽朋友講屋企附近開咗間食四川菜既餐廳，今日就專程嚟試下! 雖然個商場比較隱蔽，但基本上跟住換智能身份證既signage行就一定去到，因為其實只係換領中心既樓上!一嚟就有個麻辣海帶絲，食落口麻而香辣，海帶爽脆所以作為前菜都幾唔錯!酸菜魚一大碗再加上花椒、酸菜、芽菜、薯粉同埋粟米仔，好多配料而且入哂味。魚肉大塊同埋好滑，只有少量骨基本上啖啖肉，加上酸菜一齊食落好開胃又有少少辣，送飯真係一流! 個人好鍾意薯粉，索哂味而且煙韌口感令到成個酸菜魚層次更加多元化。酸辣土豆絲土豆絲份量好多同埋食落爽口又有薯味，酸辣既味道令成碟餸更加開胃!要嚟送酒一流!