影片
港鐵銅鑼灣站 E 出口, 步行約4分鐘
繼續閱讀
電話號碼
35430099
65026365 (WhatsApp)
開飯介紹
嚴選來自世界各地的高質時令食材，製作一系列精緻的刺身、日式鐵板燒等佳餚，讓你細味食材在不同烹調方式下所展現的鮮味。
繼續閱讀
營業時間
今日營業
12:00 - 15:30
18:00 - 23:00
星期一至日
12:00 - 15:30
18:00 - 23:00
以上資料只供參考, 請與餐廳確認詳情
有關獎賞計劃
Tasting menu 好抵食，龍蝦鮑魚鵝肝有齊，鐵板燒晚餐只係880‼️前菜南非鮑魚配上蘿蔔，醬汁醃製得好甜，鮑魚好彈牙。跟住係前菜刺身，有三款魚，肉質爽口夠晒鮮甜👍金槍魚腩手卷好得意個手卷係壽司放喺米餅上😆 金槍魚腩好肥美，米餅又脆又有好濃既米香，令成個壽司更上一層樓✨茶碗蒸蛋非常大碗🤣 蛋蒸得好嫩滑，有蟹肉同蝦肉，吾錯。極度新鮮嘅龍蝦🦞第一次去餐廳見到師傅即場捉龍蝦😂 睇到都覺得新鮮，龍蝦好大隻好多肉，煎得香口配上蝦膏，完美😍 鵝肝係我永遠嘅愛🫶 鵝肝大小肥瘦剛好，配上吐司同埋黑醋汁完全唔會膩，超好食🥹 配上甜甜嘅黑豆最後食清味蕾。我地叫咗一個薄切一個厚切牛柳，個人比較鍾意薄切，薄切牛肉中間捲住蔥花，好香好好食🤤 旁邊有炸蒜片都好好食煙肉香蒜炒飯師傅落咗好多好多蛋 😍 飯炒得好香，但係唔會過油，一啖接一啖真係停唔到，仲有炒雜菜配上蒜蓉醬，連我朋友唔鍾意食菜都食得好滋味😆甜品桂花啫喱香甜清爽，上面有少少碎米餅增加口感👍
繼續閱讀
最近到銅鑼灣的瀧宴鐵板燒餐廳品嚐了他們的午餐套餐，整體而言，這是一個令人印象深刻的用餐體驗。從前菜到主菜，每一道菜品都展現了高品質的食材和精湛的廚藝。開場的前菜蟹肉蘿蔔非常精緻，蘿蔔的脆度和蟹肉的鮮甜完美融合，為整餐帶來了清新的口感。接著的香煎鵝肝伴自家製醬汁更是令人驚艷，鵝肝的柔軟口感和濃郁的味道十分好吃在主菜方面，野生大虎蝦和香草牛油帆立貝都表現出色。大虎蝦的鮮嫩肉質和鮮甜的味道令人難以抗拒，而香草牛油帆立貝則帶來了豐富的海鮮風味，完美地融合了香草和牛油的香氣。另一道令人驚喜的菜品是鐵板銀鱈魚，魚肉鮮嫩多汁，搭配上獨特的鐵板燒烤風味，令人回味無窮。美國頂級牛肉更是這頓餐點的亮點之一，有牛柳粒同牛肉片，肉質嫩滑，口感極佳，配搭蒜片一絕，每一口都充滿了濃郁的牛肉風味。鐵板炒飯配海帶麵豉湯和炒雜菜都很出色。鐵板炒飯香氣四溢，米粒鬆軟，配上海帶麵豉湯的鮮美湯底，為整餐增添了豐富的層次感。整體而言，瀧宴鐵板燒餐廳的午餐套餐絕對是一個令人滿意的選擇。他們將高品質的食材和精湛的廚藝完美結合，打造出一道道美味的料理。加上舒適的用餐環境和友善的服務，這是一個值得推薦的餐廳！
繼續閱讀
升職加人工之食返餐好🎉🍻 上網睇過呢間鐵板燒環境舒適，啲人話海鮮新鮮，一於豪一豪佢。❤️季節前菜雪鹽蕃茄 靜岡粟米 白子 師傅話食蔬菜先，最後先白子！ 雪鹽係麵粉做嘅鹹鹹地加埋溫室蕃茄非常開胃。 整個粟米係生食嘅，超級甜同埋有粟米嘅香味。 最後白子配合埋佢嘅柚子醋，酸酸甜甜再加白子嘅creamy 。成個開胃菜咩味道都有小小，令到個胃即刻醒晒！🤣🤣南非鮑魚識落去有啲Q彈，亦都爽口，但係又唔會好硬身。燒嘅時間都啱啱好！見到師傅落主要係牛油同醬汁嘅汁燒。 香草牛油帆立貝帆立貝本身都係牛油將汁汁燒，而佢嘅綠色湯底係紫菜湯底，令到個味道多啲層次。上面仲有三文魚子，三文魚子咬落去爆出來鹹鹹地嘅汁，配合埋帆立貝味道更出色。野生大虎蝦 推介❤️呢個超級彈口，再加滿滿嘅蝦膏，非常出色！先食咗原味之後再用檸檬汁，更加食到本身蝦嘅鮮味。😋香煎銀鱈魚上面插着一塊銀鱈魚皮，脆卜卜好香口。 魚嘅肉質紮實彈牙，銀鱈魚味重！美國頂級牛肉佢有一個薄燒同厚燒，薄燒嗰個就包住好多日本蔥花。 可能因為用日本蔥花，所以個辛辣感覺唔係好勁！咬落去個味又唔會冚過咗本身和牛嘅香味。厚身嘅和牛配合佢側邊嘅蒜片同埋鹽，唔會好膩！大蜆湯自己喺屋企都整過，但係唔知佢係咪用超級多嘅蜆去煲個湯，飲落去嗰種鮮甜味非常重。 再加淡淡嘅清酒味！ 解左之前食鐵板燒嘅油膩！ 綠茶紅豆mousse綠茶味淡淡地，而紅豆🫘係好棉好紮實。 整體嚟講環境舒適，而且師傅周不時都喺燒緊嘢食嘅時候表現吓。 👏🏻 睇Menu見到呢一間除咗鐵板燒仲有日式omakase ! 希望下次喜慶日子再嚟試吓佢嗰omakase 🍣🤪
繼續閱讀
Dinner Teppanyaki Set$1480前菜三點靜崗高糖度蕃茄配淡雪鹽：鮮甜多汁。靜岡溫室白粟米：粒粒晶瑩飽滿。鱈魚白子：將辣椒蘿蔔蓉，加埋酸汁食，開胃。南非鮑魚：size 有半隻手掌咁大，鮑魚軟嫩有嚼勁。野生大虎蝦：蝦肉爽口彈牙，師傅特別將蝦頭裡面既蝦膏製作成醬汁，與蝦身一起烹煮，口感好rich。香煎銀鱈魚：師傅將銀鱈魚皮煎得香脆並作為裝飾，充滿美感又好食。香草牛油帆立貝：帆立貝新鮮好味，配上自家醃漬既海苔和三文魚子，口感極佳。美國頂級牛肉：牛肉好厚切而且牛味十足，肉汁豐富，滿滿既幸福感。西班牙豚肉：師傅控制既火候啱啱好，所以份外juicy。炒什菜：芽菜仔、冬菇、秀珍菇、韭菜，配上自家製醬汁，香口但不辣，十分惹味。鹿兒島櫻花蝦炒飯：飯炒到金黃色，每口都食到櫻花蝦，仲有蟹肉、蛋絲、紅蘿蔔絲、洋蔥、蔥花，好足料。季節吸物大蜆清湯：大蜆味道鮮甜，湯底好飲又暖胃。自家製綠茶奶凍，加左紅豆蓉，味道甜糯。總結，師傅對食材同擺盤都好講究，係我哋食過最滿意既鐵板燒。
繼續閱讀
[ 瀧宴日本料理 ]銅鑼灣皇室堡附近呢間日式🇯🇵餐廳主打廚師發辦，供應刺身、壽司及鐵板燒料理。✿ 瀧宴歐陸美食晚餐 $880/位（星期六或公眾假期 $1380/位）前菜小食有三款日式漬物：牛蒡、紅心蘿蔔、大根蘿蔔，開胃又可伴菜。自家製醬汁煮南非鮑魚🇿🇦熱食菜式，將原隻鮑魚及大根蘿蔔以日式醬油等煮得入味，味道甜甜地。鮑魚肉質鮮嫩彈牙，師傅將鮑魚切成🔪數件，方便進食。海鮮茶碗蒸🦀🍤茶碗蒸口感嫩滑，海鮮有蟹肉及蝦肉等，味道鮮甜，而且比平時食開嘅大碗😯。西班牙白松露鯛魚薄切🇪🇸🐟六片真鯛刺身肉質紮實爽口，以松露油及海鹽調味，味道比蘸豉油芥末更配合。西班牙金鎗魚腩手卷🇪🇸🍣師傅將吞拿魚腩磨成蓉，肉質肥美嫩滑。手卷以威化🧇取代紫菜，口感更脆，影相更靚。澳洲龍蝦🇦🇺🦞坐係鐵板燒席前除咗觀賞師傅廚藝，更望到師傅從身後嘅海鮮缸活捉龍蝦。龍蝦超生猛，即捉即劏，拆殼起肉煎得香口，肉質緊實彈牙，味道鮮甜。法國諾曼第帶子🇫🇷大大粒嘅帆立貝肉身圓厚，兩面煎香至金黃色，配上三文魚籽，啖啖肉夠鮮味。美國頂級牛柳🇺🇸🐮🥩可選厚燒或薄燒。厚燒牛柳燒得焦香，薄燒以蔥花捲起牛柳肉，肉味濃郁，油脂分布平均。季節湯品🥣加入木魚昆布等熬煮，蜆湯味道清甜，厚實蜆肉鮮甜帶海水味。丹麥煙肉香蒜炒飯🇩🇰🥓師傅先將煙肉粒炒香。炒飯蛋香蒜香十足，飯粒乾爽粒粒分明。炒雜菜🥗有芽菜、菌類等，口感清爽消滯。是日精選甜品🍮自家製綠茶豆腐奶凍配紅豆蓉，豆味濃郁，唔會太甜。總結🫦 今次食呢款晚市套餐款式豐富，有刺身、煮物及鐵板燒料理。餐廳環境舒適，更有落地大玻璃可以望到維港景色🌊。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿瀧宴日本料理地址：銅鑼灣糖街25-31號Sugar+ 26樓電話：3543 0099✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀
您可能會有興趣的...