287
3
1
港鐵銅鑼灣站 E 出口, 步行約4分鐘
繼續閱讀
電話號碼
35430099
65026365 (WhatsApp)
開飯介紹
嚴選來自世界各地的高質時令食材，製作一系列精緻的刺身、日式鐵板燒等佳餚，讓你細味食材在不同烹調方式下所展現的鮮味。
繼續閱讀
營業時間
今日營業
12:00 - 15:30
18:00 - 23:00
星期一至日
12:00 - 15:30
18:00 - 23:00
以上資料只供參考, 請與餐廳確認詳情
有關獎賞計劃
食家推介
Tasting menu 好抵食，龍蝦鮑魚鵝肝有齊，鐵板燒晚餐只係880‼️前菜南非鮑魚配上蘿蔔，醬汁醃製得好甜，鮑魚好彈牙。跟住係前菜刺身，有三款魚，肉質爽口夠晒鮮甜👍金槍魚腩手卷好得意個手卷係壽司放喺米餅上😆 金槍魚腩好肥美，米餅又脆又有好濃既米香，令成個壽司更上一層樓✨茶碗蒸蛋非常大碗🤣 蛋蒸得好嫩滑，有蟹肉同蝦肉，吾錯。極度新鮮嘅龍蝦🦞第一次去餐廳見到師傅即場捉龍蝦😂 睇到都覺得新鮮，龍蝦好大隻好多肉，煎得香口配上蝦膏，完美😍 鵝肝係我永遠嘅愛🫶 鵝肝大小肥瘦剛好，配上吐司同埋黑醋汁完全唔會膩，超好食🥹 配上甜甜嘅黑豆最後食清味蕾。我地叫咗一個薄切一個厚切牛柳，個人比較鍾意薄切，薄切牛肉中間捲住蔥花，好香好好食🤤 旁邊有炸蒜片都好好食煙肉香蒜炒飯師傅落咗好多好多蛋 😍 飯炒得好香，但係唔會過油，一啖接一啖真係停唔到，仲有炒雜菜配上蒜蓉醬，連我朋友唔鍾意食菜都食得好滋味😆甜品桂花啫喱香甜清爽，上面有少少碎米餅增加口感👍
繼續閱讀
最近到銅鑼灣的瀧宴鐵板燒餐廳品嚐了他們的午餐套餐，整體而言，這是一個令人印象深刻的用餐體驗。從前菜到主菜，每一道菜品都展現了高品質的食材和精湛的廚藝。開場的前菜蟹肉蘿蔔非常精緻，蘿蔔的脆度和蟹肉的鮮甜完美融合，為整餐帶來了清新的口感。接著的香煎鵝肝伴自家製醬汁更是令人驚艷，鵝肝的柔軟口感和濃郁的味道十分好吃在主菜方面，野生大虎蝦和香草牛油帆立貝都表現出色。大虎蝦的鮮嫩肉質和鮮甜的味道令人難以抗拒，而香草牛油帆立貝則帶來了豐富的海鮮風味，完美地融合了香草和牛油的香氣。另一道令人驚喜的菜品是鐵板銀鱈魚，魚肉鮮嫩多汁，搭配上獨特的鐵板燒烤風味，令人回味無窮。美國頂級牛肉更是這頓餐點的亮點之一，有牛柳粒同牛肉片，肉質嫩滑，口感極佳，配搭蒜片一絕，每一口都充滿了濃郁的牛肉風味。鐵板炒飯配海帶麵豉湯和炒雜菜都很出色。鐵板炒飯香氣四溢，米粒鬆軟，配上海帶麵豉湯的鮮美湯底，為整餐增添了豐富的層次感。整體而言，瀧宴鐵板燒餐廳的午餐套餐絕對是一個令人滿意的選擇。他們將高品質的食材和精湛的廚藝完美結合，打造出一道道美味的料理。加上舒適的用餐環境和友善的服務，這是一個值得推薦的餐廳！
繼續閱讀
Dinner Teppanyaki Set$1480前菜三點靜崗高糖度蕃茄配淡雪鹽：鮮甜多汁。靜岡溫室白粟米：粒粒晶瑩飽滿。鱈魚白子：將辣椒蘿蔔蓉，加埋酸汁食，開胃。南非鮑魚：size 有半隻手掌咁大，鮑魚軟嫩有嚼勁。野生大虎蝦：蝦肉爽口彈牙，師傅特別將蝦頭裡面既蝦膏製作成醬汁，與蝦身一起烹煮，口感好rich。香煎銀鱈魚：師傅將銀鱈魚皮煎得香脆並作為裝飾，充滿美感又好食。香草牛油帆立貝：帆立貝新鮮好味，配上自家醃漬既海苔和三文魚子，口感極佳。美國頂級牛肉：牛肉好厚切而且牛味十足，肉汁豐富，滿滿既幸福感。西班牙豚肉：師傅控制既火候啱啱好，所以份外juicy。炒什菜：芽菜仔、冬菇、秀珍菇、韭菜，配上自家製醬汁，香口但不辣，十分惹味。鹿兒島櫻花蝦炒飯：飯炒到金黃色，每口都食到櫻花蝦，仲有蟹肉、蛋絲、紅蘿蔔絲、洋蔥、蔥花，好足料。季節吸物大蜆清湯：大蜆味道鮮甜，湯底好飲又暖胃。自家製綠茶奶凍，加左紅豆蓉，味道甜糯。總結，師傅對食材同擺盤都好講究，係我哋食過最滿意既鐵板燒。
繼續閱讀
[ 瀧宴日本料理 ]銅鑼灣皇室堡附近呢間日式🇯🇵餐廳主打廚師發辦，供應刺身、壽司及鐵板燒料理。✿ 瀧宴歐陸美食晚餐 $880/位（星期六或公眾假期 $1380/位）前菜小食有三款日式漬物：牛蒡、紅心蘿蔔、大根蘿蔔，開胃又可伴菜。自家製醬汁煮南非鮑魚🇿🇦熱食菜式，將原隻鮑魚及大根蘿蔔以日式醬油等煮得入味，味道甜甜地。鮑魚肉質鮮嫩彈牙，師傅將鮑魚切成🔪數件，方便進食。海鮮茶碗蒸🦀🍤茶碗蒸口感嫩滑，海鮮有蟹肉及蝦肉等，味道鮮甜，而且比平時食開嘅大碗😯。西班牙白松露鯛魚薄切🇪🇸🐟六片真鯛刺身肉質紮實爽口，以松露油及海鹽調味，味道比蘸豉油芥末更配合。西班牙金鎗魚腩手卷🇪🇸🍣師傅將吞拿魚腩磨成蓉，肉質肥美嫩滑。手卷以威化🧇取代紫菜，口感更脆，影相更靚。澳洲龍蝦🇦🇺🦞坐係鐵板燒席前除咗觀賞師傅廚藝，更望到師傅從身後嘅海鮮缸活捉龍蝦。龍蝦超生猛，即捉即劏，拆殼起肉煎得香口，肉質緊實彈牙，味道鮮甜。法國諾曼第帶子🇫🇷大大粒嘅帆立貝肉身圓厚，兩面煎香至金黃色，配上三文魚籽，啖啖肉夠鮮味。美國頂級牛柳🇺🇸🐮🥩可選厚燒或薄燒。厚燒牛柳燒得焦香，薄燒以蔥花捲起牛柳肉，肉味濃郁，油脂分布平均。季節湯品🥣加入木魚昆布等熬煮，蜆湯味道清甜，厚實蜆肉鮮甜帶海水味。丹麥煙肉香蒜炒飯🇩🇰🥓師傅先將煙肉粒炒香。炒飯蛋香蒜香十足，飯粒乾爽粒粒分明。炒雜菜🥗有芽菜、菌類等，口感清爽消滯。是日精選甜品🍮自家製綠茶豆腐奶凍配紅豆蓉，豆味濃郁，唔會太甜。總結🫦 今次食呢款晚市套餐款式豐富，有刺身、煮物及鐵板燒料理。餐廳環境舒適，更有落地大玻璃可以望到維港景色🌊。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿瀧宴日本料理地址：銅鑼灣糖街25-31號Sugar+ 26樓電話：3543 0099✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
繼續閱讀
發現銅鑼灣隱藏住一間高質抵食嘅鐵板燒，位置正正喺皇室堡隔離，遠望可以望到海景，而且裝修華麗，所有所有碗碟都金光閃閃✨價錢超級相宜，晚市去食都係八百幾蚊一個人，足足11道菜，而且有專業嘅師傅喺前面即場烹煮，同師傅吹水先知道師傅已經煮咗20幾年，唔怪之得煮得好有水準！自家製醬汁煮南非鮑魚南非鮑魚大大隻好鮮味，而且炆得好淋，咬落一啲都唔費勁，而且仲已經切好晒，方便一啖一啖擺入口。鮑魚下面配咗慢煮蘿蔔，加埋自家製醬汁超級入味，入口即溶而且無渣，碟邊亦配上七味粉同埋紫菜粉可以自由配搭，隨意Mix and match～海鮮茶碗蒸蒸蛋滑捋捋，配上蟹鹽，食落去淡淡蟹肉絲同埋鮮菇，暖笠笠好好味西班牙白松露鯛魚薄切同一般嘅醬油芥末唔同，呢度嘅魚生好有創意地用左淡雪鹽同白松露油作為調味，白松露油令到成個魚生嘅味道升到另一境界，配埋側邊嘅菊花乾同埋紫蘇花乾，成個配搭好新奇但又超好味！西班牙金䱽魚腩手卷滿滿嘅吞拿魚蓉上面加左芝麻，菊花，香蔥，而壽司飯已經配好咗豉油同埋Wasabi，底部仲配搭左個燒餅，可以成個放入口一啖享受超濃蝦膏澳洲龍蝦睇住師傅喺魚缸入邊將超級新鮮生猛嘅龍蝦撈起黎，然後即場新鮮劏，望住師傅將啲蟹膏好有技巧地攞晒出嚟分開煮，然後最後再撈落個龍蝦度，令每粒龍蝦到包住啲蝦膏🤤法國諾曼第帶子法國帶子大大粒同超級鮮味，調味用咗新鮮海苔湯，上面配咗三文魚子，再用埋一支花花匙羹食，好有儀式感。薄燒&厚燒牛柳睇住師傅好有技巧咁將薄切牛肉煎得啱啱好，跟住喺裏面包咗葱同埋脆卜卜嘅蒜頭粒，然後捲起來，每咬一啖都有幾種層次係個口腔裏爆發！厚燒牛肉就可以自己選擇生熟程度，係煮之前師傅先問咗我哋想要幾成熟，我哋鍾意食生D，所以選擇咗三成熟，而師傅好有心機咁煮到牛肉表面焦香而入面熟度啱啱好，每一啖都有會食到好香濃嘅牛肉味！丹麥煙肉香蒜炒飯鐵板燒嘅重頭戲就起粒粒分明嘅炒飯，用鐵板炒嘅飯粒會喺鐵板上面跳舞咁彈吓彈吓，配埋日本蛋同埋香脆嘅煙肉，每一粒米粒都被蛋同每一個配料包圍着，好香好味道。唔好睇小佢呢度嘅炒雜菜，平時嘅炒菜可能只有普通嘅調味料，呢度就有餐廳自製嘅蒜蓉醬，香得來又帶點脆脆嘅口感，令成個雜菜嘅味道提升到另一個層次。是日甜品係抹茶奶凍，抹茶味超級濃郁，但又唔會嗆過奶凍嘅香，兩者配搭得相當得宜，是日晚餐有一個完美嘅總結！
繼續閱讀