影片
開飯介紹
環境十分寬敞的寵物友善餐廳，店內的狗狗掃描畫牆畫予人溫馨親切的感覺。主打西式打卡料理，如全日早餐、海鮮意粉、牛扒等菜式。
繼續閱讀
營業時間
今日營業
12:00 - 21:30
星期一至日
12:00 - 21:30
以上資料只供參考, 請與餐廳確認詳情
有關獎賞計劃
相關文章
性價比高打卡able 西餐廳❤️水牛芝士無花果巴馬火腿沙律🥗打卡一流擺盤好靚😊醬汁係類似蘋果醋，有少少果香而且酸酸甜甜非常開胃。佢嘅水牛芝士係薄切夾住巴馬火腿，切完食落口兩個味道非常夾。 淡淡嘅芝士香味，配合左巴馬火腿嘅豬肉香味。裏面亦有無花果同埋蕃茄仔點綴下開下胃。冬陰功軟殼蟹意大利粉整體有啲椰香，仍唔會太辣，意大利粉軟硬度適中。 而且軟殼蟹炸粉唔多，裏面嘅肉好厚啖啖肉。 炸意大利燒烤菇配松露蛋黃醬❤️推介咬落去好脆口，而且食得出蘑菇佢係先烤過，有陣BBQ味少少燶邊好香。 佢嘅松露蛋黃醬先係重點。👍🏻一上菜已經聞到浸松露味好重。配合起蘑菇本身有啲菇味，點咗松露醬後外面有松露醬嘅味，而一咬入去又有啲菇汁好juicy 。 適合好鍾意食蘑菇嘅人。蜂蜜水果台灣阿里山金萱烏龍茶飲落去非常清新，少少蜂蜜味亦有水果嘅甜味配合埋烏龍茶。 中和下西餐嘅膩。雜莓乳酪沙冰呢個嘢飲就味道比較厚，乳酪味好重配合雜莓嘅酸甜好fresh 。環境都好多打卡位好舒服，位置亦係喺觀塘站隔離。 PS : 7:30去到已經滿座。 下次去一定要book位同埋試吓佢嘅甜品。🤪
繼續閱讀
最近都喺觀塘搵食，聽朋友介紹發現咗呢一間喺東廣場嘅Cafe。同東廣場其他大部份比較平價嘅餐廳唔同，呢間Cafe俾我感覺好清新好舒適，係一個放工同朋友去chill嘅好去處！我哋嗌咗個炸意大利燒烤菇配松露蛋黃醬、燒烤菇新牛肉漢堡、香草雞燒烤醬薄餅同埋Oreo Milkshake。燒烤菇嘅賣相非常吸引，外皮炸到金黃色層皮咬落好鬆脆，一咬落去啲菇都爆汁，外脆內軟口感好有層次，配埋松露蛋黃醬非常夾。牛肉漢堡份量非常之大，就算切開咗四份都擠唔晒落口，漢堡比我嘅感覺好健康而且好飽肚，薯條亦都係新鮮即炸，熱辣辣，加埋沙律非常開胃，就算份量大都食得晒。薄餅亦都好足料，啖啖都食到雞肉，面頭嘅芝士可以拉絲賣相好吸引，令我食慾大增，配埋香草成件事好fresh!最後嘅oreo milkshake都好好飲，唔會太甜，嚟多次食嘅話一定會再嗌多杯飲！
繼續閱讀
今日有事要去觀塘，經過東廣場先食一個late lunch。其實本來係想去附近嘅素食小店，但係冇開到，經過見到呢間Cafe嘅環境比較好楚，餐牌上有竟然有幾個素食嘅選擇，就決定坐低。坐咗喺一張用膠板揀開4份嘅大嘅長枱，對面近外面嘅一位女士係帶住隻好得意嘅狗仔，睇嚟餐廳都幾Friendly。落單係用QR code囉落，我揀咗 omni beef burger，本身就包埋沙律同薯條，嘢飲分開叫，叫咗杯凍嘅Rose latte (skimmed milk)。嘢飲先到，我唔係飲咖啡嘅專家，唔識分佢啲咖啡豆，不過我覺得幾好飲，有少少玫瑰嘅香味，奶味唔算太重，我個人就幾啱飲。等咗一陣嘢食就到，嘩，咁大碟嘅，特別係啲薯條，多到好似唔使錢咁，份量好似獨立一個dish咁，完全唔似係sides。😲啲薯條係熱辣辣炸起，好香脆。沙律就比較特別啲，係酸酸地嘅紫椰菜好似仲溝咗啲洋蔥？ 食落其實幾開胃，特別好味，一啖薯條一啖沙律，感覺會平衡啲。講返個burger，我其實都好鍾意是唔同Cafe嘅素Burger，睇吓有咩唔同。今次呢個size都幾大，除咗兩塊包，入面仲有生菜，蕃茄，沙律醬，洋蔥，omni beef 扒同埋大啡菇。大部份嘅Cafe嘅素Burger通常一係菇一係得扒，今次呢個Burger竟然有晒兩樣，一次過滿足晒兩個願望。omni beef 扒味道就冇咩特別，其實我覺得同Beyond Meat都差唔多味，個人係鍾意Imposible多啲。總體嚟講個burger嘅味道就唔算太特別，但有一個唔錯嘅素Burger，再配合埋個沙律同熱辣辣嘅薯條，好飲嘅咖啡，哩個lunch都好滿足。埋單$180，應該貴過 隔離啲餐廳，不過咁大份，都算OK 啦，薯條係食唔哂的 😅
繼續閱讀
感覺環境舒服‘’優雅清新‘’ 店舖職員非常年青，樂意服務😄環境優雅，好多打卡地方，足夠空間感😉 1. 烤雞明太子醬賓尼迪蛋酸種麵包埋相非常之成功吸引😋麵包上放上賓尼蛋和烤雞明太子用酸種麵包襯托，食出特別味道，賓尼蛋充滿口腔，好耐冇食過😋 2. 冬陰功軟骨軟殼蟹意大利飯😁 第一啖入口飯感覺辣辣地在喉嚨 ，不是在舌頭😙 軟腳蟹炸得非常脆，切開裏面有蟹膏，加牛油炸蟹殼，非常之豐富，咬落口有種蟹味😃每一粒飯帶著辣，煙煙韌韌，喜歡重口感的一定歡喜😋 3. 松露薯條薯條非常之鬆脆，有口感，點黑松露醬和茄汁醬非常之美味😋 食下食下就食咗好多🤭 4. 玫瑰茉莉花茶玫瑰茉莉花茶可以消滯😉享受安靜嘅時刻🙂
繼續閱讀
👨🏻🍳Comfy by Chef's Stage (東廣場) (觀塘)📍觀塘成業街7號東廣場地下G25-31 & G59號舖 「少有份量多又好食既cafe🤤」 星期六1500，估吾到呢個時間仲咁多人食🙈兩邊都幾乎滿座。 👍🏻🍽️日式吉列豬扒明太子意大利飯 $138套餐加 $58 (👍🏻🍽️黑松露薯條)套餐加 $38 （👍🏻🍽️伯爵茶焦糖燉蛋） $138有咁大份日式吉列豬扒明太子意大利飯，勁抵食🥹酥脆豬扒好夠味，肉質吾算嫩，但系都吾錯😆仲有超濃明太子risotto🤤粒粒飯香 黑松露薯條，本身滿滿黑松露碎碎，再配上黑松露醬🤤簡直系黑松露迷大愛😆而且薯條食左好耐都吾會腍左，仲好脆口，外脆內軟架👍🏻 伯爵茶焦糖燉蛋必點‼️‼️脆卜卜焦糖面，配上只有微甜但極重伯爵茶味既燉蛋😻系暫時食過最好食的焦糖燉蛋😋焦糖薄脆、燉蛋軟滑，世一🫶🏻仲要士多啤梨、藍莓都好甜！！ 🍽️冬陰功軟殼蟹意大利飯 $128冬陰功微微辣好惹味，不過軟殼蟹有陣油溢味，差左小小🙈 👍🏻☕️熱鐵觀音茶鮮奶 $42甜度系我最愛🤤好似matcha latte，獨欠鐵觀音茶音不太出🙈不過都好好飲😝仲有靚靚拉花 staff超nice!!甜品可以選擇後上👍🏻吾知點解知道我地想去toliet，行出去個陣，提我地拎鎖匙🙈🫶🏻 #comfy #comfybychefsstage #hkcafe #香港cafe關注組 #伯爵茶焦糖燉蛋
繼續閱讀