影片
港鐵觀塘站 B2 出口, 步行約5分鐘
繼續閱讀
電話號碼
23318768
開飯介紹
美食廣場內的西式快餐，餐點都是以健康為主。供應各式意粉、沙律及三文治，店鋪雖小，但餐點都是誠意之作。
繼續閱讀
營業時間
今日營業
11:00 - 22:00
星期一至五
11:00 - 22:00
星期六
11:00 - 18:00
星期日
11:00 - 16:00
公眾假期
全日休息
以上資料只供參考, 請與餐廳確認詳情
有關獎賞計劃
相關文章
約人觀塘開餐，試左成業街呢間樓上餐廳，per head $100 左右有齊沙律餐飲餐湯涷飲仲唔加錢幾唔錯，另可優惠價加甜品勁大份二至三人share 都得，所以真係可以一試. 午餐時間勁旺埸原來要book位，畢竟座位不算多，環境幾企理.餐具茶水落單俾錢全自助幾有效率，俾埋錢上菜. 所有野都好快. 啱曬分秒必爭但又唔想頹食嘅打工仔. 我哋一個鐘有找食曬3 course 了. 餐茶叫左涷檸茶同涷蘋果茶，好解渴. 餐湯叫左蕃茄甘筍湯，蕃茄味非常出啖啖茄茸. 田園沙律有幾件牛油果好加分. #日本飛驒牛漢堡滑蛋蓋鐵板拌飯見差不多每枱都點估計係必叫之選，跟！上菜熱辣辣喳喳聲，滑蛋滑溜飛驒牛漢堡肉地夠厚大大件肉味夠，伴碟粟米蕃茄仔甜甜增添味蕾豐富感. 飯底叫左少飯唔怕浪費食物. 見另外仲有不少款式的鐵板飯都幾吸引（吉烈海老/剪三文魚扒/燒豬手等等），嚟多幾次都唔會悶. #法式慢煮豬仔脾配有機紅米飯慢煮烹調肉汁更入味豬仔脾夠曬腍骨肉一切便分離，醬汁酸酸地幾開胃. 紅米夠健康. #雪糕窩夫加$30，叫上，保證新鮮. 窩夫香脆熱騰騰配上冰涷甜甜雪糕忌廉焦糖醬朱古力醬等好美味. 份量偏大，一個人真係幾難食得曬，一齊share 大滿足.
繼續閱讀
餐廳係自助形式先係app落單 再等叫號碼取餐唔洗加一有意大利飯 意粉🍝包類🍔鐵板選擇加湯🥣咖啡☕️甜品🍮都好平每份餐都好有誠意💕.🌟香煎三文魚扒滑蛋鐵板蓋飯 $89三文魚扒超厚身 好足料皮煎到香脆❣️魚肉鮮嫩 油脂好豐富💘簡單調味已經帶出鮮味滑蛋好滑嫩 呈半熟狀態好似裙擺咁完美包住飯🍚撈飯好正❤️仲有番茄🍅粟米🌽伴碟好豐富🥳.🌟南瓜湯鐵板餐包餐湯南瓜打到好順滑🎃再加少少南瓜粒增添口感仲食到南瓜一絲絲纖維好健康🤩.🌟藍青口蒜香白酒忌廉汁意粉 $98藍青口好鮮甜鮮嫩多汁有9隻 份量好足👍大蒜香味同白酒忌廉汁好夾成碟意粉好香同好滑順味道濃郁🥳意粉好掛汁 好creamy🍝.🌟紫薯湯 +$6超抵！紫薯湯好濃郁😍飲到一絲絲纖維係出面好少有！.🌟朱古力心太軟配雪糕 +$30係咪全城至抵嘅心太軟🤩🤩外面烤到邊位微脆好香牛油味🧈入面做到澎湃流心效果朱古力味濃郁🍫.🌟抹茶鮮奶🍵 +$12🌟鮮奶咖啡☕️ +$12+$12就有一杯regular size真係超抵！值得一提係飲品可加玉桂/曲奇🍪/棉花糖等配料 都係免費🆓.📍 Bubble Tree (成業工業大廈) (觀塘)觀塘成業街19-21號成業工業大廈2樓27室
繼續閱讀
觀塘工廈真係越嚟越多正嘢食，今次就去咗間朋友介紹嘅cafe，夜晚去到爆晒場以為無位，原來斜對面仲有個鋪位係佢哋新加嘅日本飛驒牛漢堡滑蛋蓋鐵板拌飯 $89滑蛋蓋飯上面鋪上爽塊飛驒牛漢堡，賣相就一流，味道亦無令人失望，漢堡扒咬落鬆軟多汁，滑蛋蛋汁撈埋飯一齊食非常之夾。田園素菜配蕃茄濃汁意粉 $62另一款就揀咗呢個素菜意粉，無咗香濃嘅肉味但就有鮮甜嘅田園素菜，醬汁用咗好濃郁嘅番茄汁，口味酸酸甜甜咁加上爽口素菜十分開胃。朱古力心太軟配雪糕暖笠笠嘅朱古力心太軟配合雪糕同忌廉一齊食真係好正，一凍一熱好夾甜度又啱啱好。紐約芝士蛋糕配雪糕另一款就有雪糕配上紐約芝士蛋糕，芝士味道十分之香濃，軟硬適中唔會太冧，口感唔錯。百香果梳打 原粒百香果加入梳打水，本來口味平淡嘅梳打水即刻充滿香甜味道，爽度十足。Bubble Tree (成業工業大廈) (觀塘)觀塘成業街19-21號成業工業大廈2樓27室
繼續閱讀
女女最鍾意同媽媽去撐枱腳，小朋友最鍾意食西餐，今次就帶咗佢去觀塘嘅 Bubble Tree食午餐，食完順便去附近公園玩☺️.餐廳細細，但係食物種類一啲都唔少，女女好想食佢最出名嘅鰻魚飯，但女女就想食意粉同All Day Breakfast 🍳 最後當然都係呀女話事😂All Day Breakfast呢個All Day Breakfast都好大份，炒蛋好香滑，腸仔同煙肉都煎到好香口，大啡菇好厚實，牛角包夠晒牛油味，沙律清新。藍青口蒜香白酒忌廉汁意粉藍青口非常新鮮，肉質彈牙，意粉軟硬度適中，白酒忌廉汁非常香濃，帶有海鮮嘅味道，忌廉汁份量非常足夠，意粉唔會好乾。另外仲叫咗鮮奶咖啡同埋朱古力，餐廳都好用心拉咗個心心❤️下次一定要同爸爸嚟試埋佢哋最多人推薦嘅鰻魚飯🤤
繼續閱讀
▫️瘋狂芝士日本飛驒牛漢堡配炸薯條及沙律🍔 ($98）👉🏻個包烘到外脆內軟，有牛油香，飛驒牛漢堡牛味濃郁，肉質細膩，配料仲有超厚芝士、洋蔥圈、生菜同蕃茄😋薯條炸得好酥脆🤗⭐️⭐️⭐️⭐️.▫️軟殼蟹、蟹籽、香辣蕃茄汁雜海鮮意粉🍝($108)👉🏻意粉沾滿香辣汁，好開胃，軟殼蟹炸得超級脆，口感甘香，加埋海鮮粒同蟹籽，非常豐富⭐️⭐️⭐️⭐️.▫️雪糕窩夫🧇(套餐+$30)👉🏻窩夫即叫即整夠哂熱辣辣，雲呢拿雪糕味道濃郁唔會太甜，面頭仲有朱古力同焦糖醬，非常惹味⭐️⭐️⭐️⭐️.▫️南瓜湯🎃（套餐+$6) 👉🏻 南瓜忌廉湯味道濃郁，質地幼滑⭐️⭐️⭐️⭐️——————評分：7/10.平圴消費：~$125
繼續閱讀