影片
港鐵荃灣站 B1 出口
繼續閱讀
電話號碼
27910999
27219888
57216466
開飯介紹
裝潢以拉斯維加斯娛樂場為設計藍本，呈現五光十色的打卡環境，更不定期安排現場表演，讓你在輕鬆的氣氛下享用川味烤魚、串燒等美食。
繼續閱讀
營業時間
今日營業
18:00 - 03:00
星期一至日
18:00 - 03:00
以上資料只供參考, 請與餐廳確認詳情
有關獎賞計劃
上星期在社交媒體上見到好幾位朋友都不約而同地去了荃灣食烤魚，圖片非常吸引，看得筆者口水直流。今晚便相約朋友過來這間位於大鴻輝中心6樓的「漁樂場」一試。甫出電梯就見到「漁樂場」的霓虹燈招牌。據悉餐廳佔地逾9千呎，裝修風格充滿美國拉斯維加斯賭場的感覺。場內更有live band演出，美聲伴美食，氣氛甚佳。烤魚可以選擇江團魚或黔魚。今次試了江團魚，份量足夠2-3人食用。魚預先煎香，入口味道香甜，肉質相對嫩滑，而且魚骨亦不多，方便進食。藤椒口味惹味又重麻香，由於烤魚一直被火翻滾著，越食下去會感到魚肉味道越濃郁入味。除了主角江團魚，盤內還有洋蔥、蓮藕片等配菜。第一次試濕辣牛肉，原來是湛江當地的著名小食。蘸上醬料後才開始香烤，期間也會不斷反覆的塗刷，這個做法可以令醬汁水份鎖在肉內，難怪牛肉口感能夠保持到軟腍juicy。胡椒黑椒味也頗為香口。餐廳食物款式包羅萬有，還點了串燒過過口癮。分別點了黑椒豬頸肉、雞腎和豆腐串3款，東北燒烤的特色就是味濃香辣，所以串燒入口都充滿孜然粉和辣椒粉的味道。整體都屬於偏重口味。飲品點了超級水果茶，非常大杯和足料，果香味濃，又不會太甜。而朋友就點了一杯德國麥瑟士啤酒，用來佐送烤串一流。
繼續閱讀
🍴燒元貝3隻 $75 扇貝有好多蒜蓉辣椒非常之香口，肉質彈牙新鮮仲要好大粒！食食到鮮甜🍴新西蘭肉眼排（200g）配薯條 $168牛扒成熟，有口感有肉味！🍴燒蠔 3隻 $75一樣超多蒜蓉非常香口，燒得啱啱好，肉好嫩滑一啲都唔腥！🐟皇牌藤椒烤魚 江團 $328條魚係非常有驚喜呀，我哋揀咗團，條魚又炸香過，食落去非常嫩滑魷魚味非常大條呀，兩個人絕對係夠食㗎，同埋佢落咗好多藤椒啊芫荽啊洋蔥都好香口唔會太辣！底下仲有少少蓮藕墊底！🍢黃喉小串5串 $28黃喉係非常之爽口，好香嘅蒜香孜然味！🍢 魷魚須 5串 $28魷魚都非常之彈牙！🍢豚肉韮菜花卷/豚肉蒜心卷 $18/串燒豬腩肉包住蒜心同埋韭菜花都一樣。咁爽口清爽，豬腩肉燒到好爽口🍢羊架 $38燒得唔乾身OK的🍢羊肉 2串$28 都好有羊肉嘅香味，燒得一啲都唔乾唔韌🍢黑椒豬頸肉 2串 $28豬頸肉香口，一啲都唔油膩！蝦有4隻，有串燒嘅味道，幾彈牙！🥤超級水果茶 $45好多生果，不過比較偏甜，記得叫少甜！🍺Maisel's Weisse Original $98 500ml清爽，好易入口，酒味唔算濃！推薦指數: 9/10嘢食好食又高質，價錢唔貴份量都算多！飲酒同朋友屋企人chill下，欣賞歌手表演，唱得幾好㗎，真係好正！
繼續閱讀
今日同我嘅姊妹嚟到期待已久嘅荃灣漁樂場 💗💗💗之前喺社交平台睇到好多朋友過嚟呢度食飯打卡仲有得睇live band，最鍾意吃喝玩樂嘅我當然唔會錯過呢一個咁好嘅機會啦我哋叫咗一個香辣江團魚跟住嗌咗一堆串燒然之後叫咗一杯西瓜莎莎同埋一杯大生啤首先講下條魚佢個香辣嘅湯底真係令人非常之回味食完一啖又一啖嗰條魚令人特別期待嘅地方就係因為佢真係冇乜骨好多肉佢啲串燒非常之特別個底嗰度有個爐可以畀你慶住慢慢食朋友飲嘅西瓜莎莎表示非常之好味而我飲嘅生啤都覺得非常之唔錯總括嚟講非常之推薦大家可以去試下
繼續閱讀
閨蜜約定❤️我嘅好閨蜜同我講之前佢有朋友喺呢度搞咗生日party， 佢話環境食物同氣氛超級好， 鍾意📸打卡嘅我哋點會錯過呢個機會呢😂一入到去見到啲⭐️霓虹燈真係好正😍裝修到真係好似個遊樂場🤹🏻♀️馬戲團🎭再加埋一個🎤🎹舞台咁✨✨✨裏面地方好大成9000尺， 呢度啲裝修食物同台上嘅歌手樣樣都好正， 真係好啱一大班朋友過嚟玩， 我喺香港都係第一次食到咁好食嘅烤魚， 啲魚皮索晒啲汁好好食😋佢杯嘢飲都好特別啊我叫咗爆檸西西茶🍹， 原來有加入到新鮮西瓜🍉所以好清新最估唔到原來佢哋都有牛扒同薯條🍟， 唔食魚嘅朋友都可以過嚟啊因為有好多菜式🤩， 實有一款啱你， 尋晚玩到真係唔捨得走， 期待下次再嚟過🥳🥳🥳
繼續閱讀
今日同朋友去咗荃灣行街睇戲，到食晚飯嘅時間就去附近搵吓有乜好嘢食，荃灣都有好多有名食店，朋友就介紹有一間有烤魚食、有串燒食、又有酒飲，還有歌手唱歌嘅餐廳，而且價錢又唔貴。這間餐廳叫漁樂場，位於荃灣眾安街55號大鴻輝中心6樓，港鐵荃灣站B1出口，行過嚟都十分方便，餐廳環境都唔錯，裝修充滿美式賭場風格，地面面積夠大，樓底亦夠高，用上唔少霓虹燈及燈泡做設計，仲有啤酒木酒桶裝飾，五光十色，氣氛十足，到處都係打卡位，餐廳個舞台都大，仲有好多專業設備嘅音響，歌手仲唱得幾好，而且座位亦夠闊落又令人坐得舒服，餐廳員工服務態度都好，仲會派啲螢光棒俾客人來營造氣氛，所以香港好難得搵到一間有音樂又快樂嘅餐廳。這間餐廳既烤魚口味有五種選擇，有香辣烤魚、藤椒烤魚、毛血旺烤魚、蒜香烤魚和醬香烤魚，魚可以選食江團魚或黔魚，仲可以加十幾種類嘅配菜。店員問我哋食唔食得好辣，我哋選擇咗少少辣，佢就推薦藤椒烤江團魚，上枱條江團魚好大條，個湯汁鋪滿左一層厚厚嘅青藤椒係條魚上面，條江團魚預先煎香，外層煎至金黃酥脆，另外有牌指示煮8分鐘後湯汁味道更香濃，入口味道香甜，小小辣味，魚肉鮮嫩多汁，魚骨亦不多，藤椒口味惹味又重麻香，用火爐慢慢熬製之下滕椒麻辣香氣更加突出，食下去會感到魚肉味道越濃郁入味，湯汁內還有洋蔥、蓮藕片、花生芽等配菜，連埋湯汁食真係好好味。跟住就叫串燒食，分別點了燒茄子、黑椒豬頸肉、魷魚須、雞軟骨，茄子真係好大條，茄子面層鋪滿厚厚嘅蒜蓉、香蔥、有少少辣椒及醬汁，燒得好香，茄子熟透亦保留到濕潤嘅茄子肉，真係好嫩滑多汁，蒜蓉味重好配合茄子，蒜香味十足惹味。黑椒豬頸肉油香味濃，黑椒香料醃製得恰到好處，肉質嫩滑好有汁，又唔乾，只有少少嫩味，有偏重口味。魷魚須份量不少有有五串，用上香料、孜然粉去烤，外脆內嫩，味道又夠辣，帶來一種舌尖上的刺激感。雞軟骨烤得肉質保持爽口彈牙，亦好有雞味，唔錯好食。飲品朋友就點了超級水果茶，非常大杯和足料，內有多達7種水果，果香味濃，又不太甜，喝起來感覺好清新，好配合吃辣魚串燒。除咗這杯好味嘅飲品，飲啤酒亦都好配合食辣魚串燒，食完仲可以嚟聽歌飲酒，令人覺得去埋酒吧飲酒，我點嗰杯啤酒呈現出濁濛的淡黃色，豐富的泡沫，絲滑質感，容易入口完全不會苦，真係好適合女仕飲嘅啤酒。這間餐廳好值得推薦俾大家，除咗有美食之外，有歌手現場表演，一路食一路聽唱歌，氣氛一流，亦可點歌聽及上台同歌手一齊唱，真的令人開心，我下次會再來食，必定再帶多啲朋友來飲酒放鬆盡興。
繼續閱讀